Nisreen85’s Blog











{October 24, 2008}   سوزان..لعنه المال والجمال

رغم كل ما لطخ به عرض سوزان تميم بعد حادث قتلها ورغم كل الاتهامات الاخلاقيه التى قذفت بها قبل حتى ان بيرد دمها الا انى لم امنع نفسي وحتى هذه اللحظه من التعاطف معها ومازال حدسي يُنبئني انها مظلومه وضحيه وليست الفتاه الجشعه العاهره التى يصورونها
اتخيل بناءاً على كل الاحداث واقوال الشهود سيناريو يُدين والدها و هشام طلعت ويحملهم مسؤوليه ما وصلت له السيده سوزان ويعلق دماءها فى رقبتهم رغم ان كل الدلائل تشير الى ان براءه هشام مجرد مسأله وقت و رغم ان والدها عبدالستار بعيد عن كل الشبهات الا اننى لا اجد في كل ما حكي وقيل الا ما يثبت ادانتهم
صرح هشام طلعت فى اقواله للنيابه وجود علاقه ود وصداقه بينه وبين عبالستار والدها وشقيقها اذن الوالد كان على علم بعلاقه سوزان بهشام وربما يكون هو العقل المدبر للعلاقه وربما اجبر ابنته او اقنعها بالارتباط بهشام حباً فى مال وسلطه هشام بالتاكيد وليس لانه”بيشتري راجل”مثلاً ولا لانه يتمنى الستر لابنته اذن فسوزان قد جرت الى علاقتها بهشام الذي بدوره لم يلتزم بوعوده لها بالزواج فهربت الى لندن وتعرفت على بطل الملاكمه العراقي واحبته-هى حره-ولكن لان هشام لم يعتاد -وهو من الكبار فى مصر-ان يخسر شئ رغما عنه وتعود على ان يمتلك كل ما يرغب فى امتلاكه دون اى مشاكل او مقاومه او حلول بديله فلم يكن مقبولا بالنسبه له ان تهرب سوزان وتختار رجلا اخر و لانه-ككل الكبار فى مصر-يعلم جيدا ان بمقدوره عمل اى شئ والتنصل من اى عقاب فقد وجد ان ابسط شئ واسهل طريقه تريح اعصابه وترضي غروره هي ان يخطفها او يقتلها كي يستطيع بعدها ان ينام قرير العين فاشخ الرجلين محتضنا الدميه المحشوه ريش النعام التى احضرتها له امه-اللى معرفتش تربيه-وهو مطمئن ان سوزان يحتضنها القبر او ثلاجه المشرحه وليس الشاب العراقي الذي تجرأ على ان يقترب من احد ممتلكاته.
ينهش الجميع الان فى عرضها او على اقل تقدير لا تحظي باي تعاطف ووالدها وزوجها السابق يتنازعون عى ما تركته خلفها شقتها فى دبي وسيارتها وبعض المجوهرات
وتستغلها الصحافه لصناعه مانشيتات مثيره دون الاهتمام بمعرفه ولو بعض من حقيقه الفتاه
لم يفكر احد فيما عانته مع هشام او للهروب من هشام او فى وسط ينهش لحم الجميلات ولم يفكر احد فى اللحظات القليله التى قضتها والقاتل يحاول نحرها
والشئ الوحيد الاكيد ان قصه سوزان\هشام ليست سوي حلقه من سلسله طويله لفساد رجال الاعمال فى مصر وهى ليست سوي جزء من المليون من الحقيقه التى ربا يعرفها اولادنا او احفادنا حقيقه بلد باكملها تنهش وتنتهك من حفنه من الرجال الذي قدم لهم النظام السلطه والقوه على طبق من ذهب فاصبحو لا يخافو قانون ولا يخشو عقاب فعندما ينجو زميل من قضيه كأكياس الدماء الفاسده و زميل اخر من الشله ينجو من قضيه التسبب فى غرق ما يزيد عن الالف انسان فمن المنطقي ان تكون دماء سوزان شئ هين بالنسبه لهشام طلعت الذي لو كان شعر بالقلق لثانيه واحده من ان هناك احتمالات ان يشتبه فيه او يدخل دائره الشبهات لما اقدم على هذه الخطوه او فكر فيها.




Bella says:

متفقة معك في كل ماورد في التدوينة وكنت بصدد كتابة موضوع عن سوزان تميم ولكن لضيق الوقت لم اكتبه

ولكني اطلب منك عدم المشاركة في حفلة الانتهاك لخصوصية سوزان بنشر صورتها وهي مذبوحة

الصورة قاسية جدا واحتراما لجلال الموت ياريت تشيليها

تحياتي



جبهة التهييس الشعبية says:

اييييييييييييييي
صاحب ابوها؟
يا عيني ع الصبر



Nsreen Bsunee says:

عندك حق يا بيلا
حأشيلها
انا اترددت قبل ما احطها بس قررت انزلها فى الاخر عشان كل ما الناس تشوف اللى اتعمل فيها ده حيصب فى مصلحه العداله انتى عارفه قضايا الرأي العام اللى من النوع ده بتتأثر الاحكام فيها بنبض الشارع
بس حأشيلها

_____________

نواره

اه والله يا نواره اقري نص تحقيقات النيابه مع هشام والسكري واستعجبي يا حبيبتي بيقول ان ابوها واخوها صحابه وانهم كانو بيطلبو منه خدمات وانه اتصل بابوها وقدمله التعازي فور سماعه بمقتلها



واحدة مفروسة says:

نسرينا و الله ديه شجاعه منك انك تكتبي عن موضوع سوزان تميم
وده لان الموضوع ليه بعض الجوانب اللى مش ظريفة
و على العموم دية آخرة اللى يعلب مع الكبار طمعا فى الفلوس و النفوذ
و ربك يسترها يا بنتى
اشي مخدرات و اشيي مش عارفه ايه
ياخرااااابي
اسكتي يا بنتى
انتى قريتي آخر الاخبار
مش طلعت كلها عيرة
هههههههههههههههههه
كله منفوخ و ملزوق ههههههه
هم يضحك و هم يبكي
سلام لحسن تحدفيني بحاجة ههههههههههه



واحدة مفروسة says:

http://www.baa7r.com/vb/showthread.php?s=db908fa62cbb8e8a5c9fa46953fce0c4&p=432227#post432227

ده جالى قلت اوريهولك
بس ما نزعليش



EmY says:

رينااا

اولا انتي واحشاني اوي اوي اوي يا قمر و بجد هاموت و اشوفك اون لاين ناكل ودان بعض شويه

انا ضد انتهاك الخصوصيه و استباحة حرمات الناس و عيب اوي الي بيحصل ده

انا معاكي في كل كلمه يا قمر



بنت القمر says:

رحت شفت الصورة
الله يرحمها
الله يرحمها ما يجوزش عليها الا الرحمه
الله يخربيت الفلوس اللي بتخلي الناس تتسعر كده
وتموت كده



همس الاحباب says:

لا حول ولا قوة الا بالله
الله اعلم ببواطن الامور وظاهرها
وهو اعلم بالبرىء والمذنب
ولا يجوز عليها الا الرحمة
لانها فى دار الحق ونحن فى دار الباطل
تحياتى وتقبلى مرورى الاول



يا مراكبي says:

الله أعلم بجوانب الموضوع وأسراره .. لكن الشيء الوحيد الواضح جدا هو إن دايما كل ما نقرب من دائرة رجال الأعمال المرتبطين بالسلطة بنلاقي فساد ما بعده فساد يصل إلى درجة من الغرور والإحساس بالمقدرة على فعل أي شيء

لله القدرة والعظمة والمثل الأعلى



راجى says:

لا استطيع التعاطف مع اى طرف من اطراف هذه المسخرة، كلهم اوساخ



Che Ahmad says:

جاي اقولك الديزاين دا اجمل كتير م الديزاين الاسود
ولو انى بحب الاسود بس كدا احلي

ربنا يزيد من افراحك ويخلصك من الاكتئاب

مودتي



Hannoda says:

مش متابعة أخبار الحادثة ده و أسفي لما سمعت عن ان المتورط في الحكاية ده هو هشام طلعت بما انه مني كمصري يعني

انت واحشاني جدا على فكرة و فرحت اني جيت هنا بعد غياب من زمااااااااان

ازيك؟



عمرو says:

مش معاكى أوى يا نسرين فى كل اللى قلتيه لأنه حتى لو كانت المرحومه ضحية أبوها أو ضحية الظروف لكن كان ممكن تقاوم لو هى رافضه الحكايه من الأساس
حتى هشام برضو ضحيه .. ضحية الرأسماليه الهبله و الأبهه و الفلوس اللى بتخش الجيب من غير ما تعدى على العقل يعنى ضحية فتره كامله فى تاريخ مصر



م/ الحسيني لزومي says:

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في وضع البنر نرسل لك كود البنر



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: