Nisreen85’s Blog











{September 6, 2008}   صوره

حد يقولى الراجل ده بيبص للسقف وهو مبتسم وراضي كده ليه

مش عشان يبقي راضي وفرحان بنفسه كده لازم يبص فى خلقه اللى معاه الاول ويشوف ايه اللى مكتوب على وشها

وفى هذه الحاله اللى على وشها بيقول كلام وحش فى حقه اوى اوى يعني

خليه فرحان كده ومش دريان بحاجه وفاكر نفسه جاب الديب من ديله

يخرب بيت الانانيه اللى فى الرجاله
Advertisements


Copa Zaki says:

ايه الحقد النسائي ده
ما يمكن البت مثلا اساسا هي كائيبه لازم تظلمونا كدا دائما



amr says:

قوام طلعتي الرجالة انانية 😦 طب افرضي هي اللي نكدية ؟

و كمان متخليش المظاهر تخدعك

افتكري اخوة يوسف :)) …. تحياتي

كل سنة وانتي طيبة



Che Ahmad says:

ايه يا نسرين بس شكلك زعلانة م الرجالة

والله مش كلهم كدا يعني

محدش ينكر ان دا صنف موجود وموجود زيه عند الستات كمان

بس فى اصناف تاني كتير 😀

عملت بوست برد عليكي عندي 😛

مستني رأيك

تحياتي وربنا يسعدك دايما



appy says:

طيب ممكن نبص لها بصه تانيه
انها كانت زعلانه منه او هو ومبسو انها جت فى حضنه وهى خزينه انها زعلته
هههههههه
هذل للتخفيف مش اكتر يا رينا ايووه تخفيف على نفسي كمان بس انا مش بيحصل كده بيبقى بعيد عنك لويه بوز ولا اكصدامات النقل
وحشتينى يا رينا



MEDUS says:

اللهم انى صائم
بس الرجالة والستات زى بعض زى مافية ست نكدية فية راجل نكدى والعكس
بس مش لازم نبص لكل حاجة من ناحية النوع راجل ولا ست
وبعدين دى لحظات مينفعش فيها النكد ولا اية؟؟
تحياتى



Coca says:

ههههههههههههههههه وحشتيني يابنتي اوي انتي فينك هربانه من حكم
هو كل واحد زي ما انتي شايفه شايف الصوره من منظور انا معاكي في رايك
يمكن لاني برده شايفه ان الرجاله انانيه بقدر كبير في المقابل الراجل بيقول ان الست هي اللي نكد بس هي هتنكد ليه اكي مش خلقه اللي جابوها كده وهي مبسوطه وهنتكد عليه تفاريح



maxbeta3zaman says:

لالا أنا شايف الموضوع من زاويه تانيه خالص …الواد ده بيشرب سجاير كتير ..قوم بقى صدره زيق وخروش قوى وهو بيكلم الفتاه دى واسمها ريتا العفريتا ..قوم هى قالت له لازم تروح تعمل أشعه مقطعيه على سدرك يا جاك …هو: بس انا خايف م الأشعه ياريتا دول بيدخلونا ف غساله تقريبا
هى :معلشى يا جاك لازم تستحمل …ياه دا سدرك بيزيق عاللآخر ..وبعدين حتى لو دخلوك فى الغسالة غلط سدرك حاينضف م المسحوق ..أنا قايمه احجزلك فى فى دار الأشعه ….انتهى
شرفونا دكاننا فى الجوار



عاقلة علي ارض الجنون says:

ههههههههههههههه

بجد بجد انتي رائعه و دماغ

تحياتي ان شاء الله مش أول زياره ليكي بس انتي بجد رائعه

ياسمين



® الأغانى للرأفتــــانى says:

اصل هى كاتمه على نفسه ومش عارف يتفلفص
حكم القوى ع الضعيف
هههه
كل سنه وانت طيبه



ahmEd_H says:

لا دا حقد حقد يعنى

بس عجبنى تحليلك للصورة اوى و جه على وشى كأنه قلم



واحده من أصحاب القمر says:

اول مره اجي فكره بوست عبقريه
بس متنسيش اننا اللي ربينا الرجاله
اللي بتقولي عليهم دول علي الانانيه ..
“خدوا بالكم بقي من عيالكم “
وقبل ما تتجوزا اتأكدوا جوزكوا ده اتربي ازاي ؟؟؟؟؟
ده لو كان حصل واتربي…….
انتوا عارفين ان اغلب الاسر بطلت تربي
وبتحفظ العيال مع وزاره التربيه والتعليم “لن نفكر ابدا “

ضحكت من قلبي
وصعبوا عليا هما الاتنين
تحياتي
اميره جمال



واحدة مفروسة says:

احم احم انا جيت يا محبطة هانم
ايه بقا اللى فى الصورة؟؟
ديه حتى صورة مش حلوه بمناسبة رمضان
اما حكاية الانانية اللى فى الرجاله
اااااااااااااااااااااه
بالعبيط و بالهبل
مش بس انانية و تسلط كمان
المهم سيبك انتى من الحاجات الوحشة اللى بتحبطك
و انا كماناسيبنى من الحاجات الوحشة اللى بتفرسنى
و خلينا فى المفيد
انتى حتروحي السكندرية امتى؟؟؟؟؟



Alexandrian far away says:

الرجاله مش أنانيين يا نسرين
العكس هو الصحيح غالبا
للأسف
🙂
تحياتي



فاتيما says:

طب بلاش أنا أتكلم بقى عشان هقول كلام مش كويس خالص و إحنا ف شهر كريم
بس همسك العصاية من النص و أقول إن الأنانية متبادلة فى الطرفين
بس الرجالة بصراحة أكتر
فى إعتقادى دى خلقة ربنا
الست مولودة بغريزة الأم
و الاخت و الأبنة و كل الأدوار دى بتؤديها المرأة بمنتهى البساطة و العطاء و تقعد تدله فى ولادها و اخواتها الرجالة و أبوها و جوزها كمان لغاية ما يبقى العطاء دا امر عادة متوقع منها
متهيألى دى حقيقة قديمة الأزل يا نسرين
و الرجالة أنانية بالفطرة
إلا فيما ندر لما تلاقى راجل بيدى دون تفكير و حسابات مسبقة
المهم كل سنة و إنتى طيبة يا ستى
و رمضان كريم



t3ban says:

يخربيت الانانية الي في الرجالة
امل لو عرفتي باقي العيوب



Appyplanet says:

رينا ابقى خلى بالك يا حبيبتى من اللى ماشي فى المدونات باسمي وبيقل ادبه على الناس وحشتينى يا بنتى



رئيس جمهوريه نفسى says:

نسرينا كل سنة وانتى طيبة
المشكلة متبادلة بجد لانى اى راجل بيعتقد انة سبع رجالة فى بعض وبيدى للست اللى معاه كل حاجة رغم انة في الحقيقة مش بيدى حاجة ولا عمرة حيفكر يسال الست هى ناقصها حاجة او لا
ومشكلة الست انها بتبقى عارفة انى ناقصها حجات كتير ومش بتقول على اللى ناقصها رغم انى دى حقها
انا بتكلم بالمعنى العام فى كل حاجة من اول احتيجات نفسية قبل المادية



Coca says:

وبعدين انا كل ما اجي الاقيكي لسه مردتيش انتي فين قلقانه عليكي يا نسرو
طمنيني عليكي



Teva says:

ههههههههههه

لأ محبطة محبطة

بس عايز اقولك يا نسرين هانم ياريت بلاش النظرة السودوية دي للدنيا ولجنس الرجالة عموما

والله دا احنا غلابة قوي

بس انتو اللي علطول ظالمنا كدهو :))

الصورة دي مش دليل على أي حاجة على فكرة

التحليلات كتير قوي
ههههههههههه

سلام



رئيس جمهوريه نفسى says:

نسرين انت فين يارب تكونى بخير ليكى مدة طويلة ولا بوست ولا كومنت عند حد يارت تطمنينا عنك ولو ببوست



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: