Nisreen85’s Blog











{August 23, 2008}   آخ يا بنت الكلب
كنا معاً فى الجامعه نعيش معا يوما بيوم لاربع سنوات كامله
اتابع معها سطرا بسطر قصه حبها من”الحلو الاسمر”كما كنت اسميه انا
كانت تجربتهم جزء منى ربما لانى عاطفيه اكثر من اللزوم ولانى كنت احبها واحبه واحب ما بينهما
تحكي لي سرا عن حياتهم الخاصه ويخبرني هو سراً عن خطته لما بعد التخرج لتحقيق المستحيل والزواج منها”اول خطوه الشقه ولازم يا نسرين اخد كورس ال سي دي ال ولازم اتعلم لغه تانيه ولازم 0000و و و و و “
كان طموح جدا مفعم بالحلم والحياه والحب
افكر فى نفسي ان لديهم كل ما يهم فى هذه الحياه وان لا عائق امام حبهم سوي ان يموت احدهما
قبل ان اترك مصر حضرت خطوبتها-لغيره-كانت تبكي على كتفي وتؤكد انها ستترك خطيبها “اول ما تمسك عليه غلطه”وانه لن يلمسها ولن يري منها سوي القسوه-والجلاخه والغتاته-حتى يتركها-يطفش-لتعود الى حبيبها الذي وبدوره تمسك بها ولم يتركها
وجاب الشقه والتى كان يعدها اول خطوه
وسافرت وبالتدريج انقطعت اخبارهماسمعت انها تزوجت
تذكرت دموعها ودعوت لها ان يصبرها الله على ما ابتيلت به تذكرت كرهها لخطيبها الثري الذي يكبرها ب15سنهبالامس وجدتها على الاميل-الله يخرب بيت الماسنجر-لم اصدق عيني فانا وهى لم نتحدث منذ اكثر من 10شهور لا موبايلات ولا اميلات ولا اي شئ
تحدثنا قليلا عني-قليلا جدا-ثم سألتها بحزن-وقلبي كان واجعنى والله العظيم-عن زواجها وما تشعر به الان-والله يخرب بيت مامتك اللى كانت السبب ويخرب بيت ابوكي اللى معندوش شخصيه قدام امك وقعدت البخ فى الكلام وانا محموقه اوى-
لتسارع فى مقاطعتى وتحدثني عن رحله شهر العسل وغرفه الفندق الفاخره والبوفيه المفتوح والكافيار والجمبري الجامبو-يا بت المحرومه-والبيت الجديد والاثاث الفخم والهدايا الثمينه والمويايل الجديد وعائله الزوج المحترمه-عشان معاهم فلوس بقو محترمين-
راحت دموع الحب وسهر الليالي واغاني عمرو دياب ومش حاتنازل عنك ابدا-
نظرت الى كتفي الذي تبلل بدموع الحب يوما ما وشعرت بغثيان-والله العظيم معدتى وجعانى لغايه دلوقتى-
وبدأت تشكو لي من اخوها وزوجته واولاده اللى كل يوم بيزوروها وفاضحينها قدام زوجها المحترم
وتشكو من احساسها بالضيق من زياره صديقه مشتركه بيننا من اصدقاء الجامعه والتى وبدون شك تحقد عليها لانها تزوجت وهى عانس-يا بنت الكلب ديه فى نفس سنى يعني انا عانس وغيرانه منك-وانها-الصديقه-اصبحت لا تناسبها فهي تسكن فى حي غير راقي وليس لديها سياره ولا لدي والديها سياره وترتدي ملابس رديئه ومش سينيه
احيه
لا اعرف كيف حضرتني سرعه البديهه لارد عليها”وفيها ايه يا نونه يعني ما انا كنت مصحباكي مع ان انا ابويا وامي عندهم عربيات وانتم مكانش حيلتكم حاجه ده غير اننا ساكنين فى منطقه راقيه وانتى قبل ما تتجوزي كنتى مع اهلك فى العشوائيات نياهاهاهاهاهاهاهاهاهاهاها”
لتسارع بنت الكلب فى الرد عليا”اه على فكره بابا وماما طالعين عمره رمضان انتى باباكي ومامتك لسه متطلقين يا نسرينA seven A
الدروس المستفاده
_ان انا كنت مصاحبه بنت كلب طبقيه واطيه_
ان عمرو الدياب كداب ابن كلب هو كمان
_ان البنات بيفكرو باسلوب غريب جدا مش قادره افهمه ولا اوصله
_ان الزهايمر متفشي
_انى لازم انضف الليست بتاعه الماسنجر اول باول عشان مينوطليش حد من الماضي يعكنن عليا حياتي اكتر ما هى متعكننه
_ان فيه ناس كتير شايفين ان انا عانس
_ان موقفي من الحب والزواج موقف شاذ جدا وان العيب فيا مش فى البنات التانيه لان كلهم بيعملو زى بنت الكلب اللى فوق ديه وانا بس اللى عايشه الوهم
_ان اللى يبقي واطي مع حبيبه اكيد يبقي واطي مع اهله اكيد اوطي مع اصحابه اكيد مالوش خير فى اى حد ولا اى حاجه ولا عنده مبدأ خالص
_ان علاقات الصداقه فى الكليه مش بتظهر اى حد على حقيقته والحقيقه بتظهر بعد التخرج وخوض كل منا فى الحياه وعلى ارض الواقع
_انى مش قادره اتعامل مع اللغه العربيه محاولاتى الكتابه باللغه العربيه هى قمه جبل الفشل ولازم اخدلى كورسين تلاته عند بنت القمر”امانى خليل


sabrina says:

صورة طبق الأصل
سينية زي ما بتقول !
الغريب فعلأ انك ماختيش خوااانه من زماااااااان ….يعني هي طول عمرها بتفكر كدة وانت اللي مش حاااااسه…….علشان كده قدرت !تتكيف بسهولة
يابنت ديه اتجوزته يعني لو كانت فعلأ لسه بتحب حبيبها …ماكنتش عملت الخطوة ديه!
لكن هي بتضحك علي نفسها وعلي الا حواليها….بانها شهيدة وسابت حبيبها
تعيش وتأخدي غيرها يا قطة!



د/مروة المعداوى .....قباحة سابقا says:

اتبعتلى اللنك من لماضة
لانى كنت بعانى من نفس او الى حد ما نفس المشكله

كل اللى قلتيه صحيح و فعلا كلو بيبان بعد التخرج
و ملحوظة مش لوحدك اللى بتفكرى كدا و ولاد الكلب اللى شبه الاخت خسروا بنىادمين ميتعوضوش

الاخلاص مبيتشراش

الحمدلله اللى بيبين الناس دى فى الوقت المناسب

اشكرك و اشكر لماضة

تشاااااااااووووووووووو



alexandrany says:

seena
يا بنتي انا مش قولتلك قبل كده
دي سياسه العريس الجاهز اولى من الاستبن
ولو راح العريس الجاهز اهوه الاستبن موجود
واهوه ربنا يهني سعيد بسعيده



على باب الله says:

أمال يعني تتجوز الحليوة الأسمراني او أي حليوة أسمراني تاني و تعيش في عش العصفورة و تاكلها بدقة ؟

دي تبقي عايشة فيلم عربي قديم قوي



appy says:

هههههههههه طيب انا قررت ارحمك ومش مقول حاجه هنا هقولك بس بليز رجعى شكل المدونة زى ما كان جبتى ليه اكتئاب
بالحق يا رينا نست اقولك واحده كانت صحبتى من ابتدائى لغايه الجامعه ويا عينى كانت بتحب ولد وبرضه اتجوزت بس اردنى ولما رجعت قولت اخد بخاطرها ورحت زرتها انا فعلا
ومش عاوزه اقولك كانت بتتكلم ازاى انا بجد ملقتش حاجه غير انى ابص لها من فوق لتحت
ومشيت وقبل ما امشى قولت لها
اللى شبعه بعد جوعه بيبقى صعب اوى ييا شيكو انا كنت مسميها كده
وبعدها بتلات شهور اطلقت وهى حامل للاسف قابلتها وابنها على ايدها
بوست الولد لانها هى اللى وقفتنى واعتذرت على الطريقه اللى اتكلمت بيها
انا كان ردى واحد قولت لها اللى بينسى اصله دايما الايام والاحداث بتفكره بيه
وقولت لها انا عمرى فى حياتى ما اتعاملت مع حد منكم على انى احسن او اوحش احنا كنا اصحاب وانا بحبكم بس انتى معرفتشى تستفيدى حاجه من حياتك معايا ولاد الناس بيفضلوا زى ما هما انما التقليد دايما بيتغير
والله اتوجعت يا رينا دلوقتى تانى
وبعدين عانس عانس يا اوختشى حد طايل
وعمرو دياب مش كداب احاسيس البنات هى اللى كدب
الله العربيه خلى امانى تعمل حسابى هههههههههه



Migo Mishmish says:

يا سيتي
عادي يعني كويس انك عرفتي صحبتك على حقيقتها. “اللي كان في واطي وعلي يحمد الله انه ما …..” – ما ينفعش اقول المثل كامل عشلان قبيح لا مؤاخذه- تلاقي الواحدة من دول عامله صاحبتك وملهاش غيرك وبتتسأل هي ليه الناس بتعمل في نفسها كدة ومدنيه نفسها علشان القرش
وبعدين لما ربنا يفتحها عليها تبقى عامله زي ما تكون ماشفتش حاجة طول عمرها
الحب موجود والاحاسيس الجميله موجودة بس مش كل الناس تقدر عليها. علشان الحب محدش يشترية بشوية ورق ملون من انتاج البنك المركزي
Love,
MishMish



Bo2LoZ says:

a2olk 7aga…rbna yhdeha w yhdena…w yarb elnas maba2ash 3andaha zo2 7`als 7ata felkalam..fee nas kteer btet3`ayar lama yo7`rog lel7ayah el3amalia..bs elmafrod enaha ma tet3`ayarsh awi keda..w yb2a fih shwayt 3a2l shwaya..b3tzr kalami msh mortb..bs bgd 7aga msh 7elwa..:)



anawafkary says:

looooooooooooolllllllllll
very funny bgd
25r 7aga bas mesh mazbota
ktabtik bel 3rby zarifa gedan
rbna ys3dik w ywafa2ik lly feh el 5ir



Sourah says:

يا ست البنات
اولا : دي اول مرة ادخللك امدونة بتاعتك و انشاء الله هتابع على طول .
ثانيا : البت صاحبتك دي ما بانش عليها الاصل قبل كده ايام زمان ، اصل الطبع غلاب ، اكيد انت بس اكمنك كنت بتحبيها ، عشان كده قبلتيها و ماشوفتيش اي عيب منها.
اما الواد الاسمراني ، انشاء الله ربك عاينله الاحسن اللي تقدر احلامه و طموحه، و تقف جمبه .
و بعدين احنا برضه هنظلم صاحبتك ايه ؟!! ، مش يمكن تعبت فقر و حرمان و كانت عوزة تتبحبح شوية ، بس على فكرة انا مش في صفها، بس يعني البريستيج بأ و الغربال الجديد له شده.

اما بالنسبة للغة العربية الموضوع سهل اوي ، المهم لما تكتبي اكتبي بأي لغة المهم من القلب عشان توصل للقلب .

بس بصراحة بأه مش قادرة اسامحك على حتة عمرو دياب ، يا بنتي الراجل بيقول درر ، اصلا محدش بيعرف يغني زيه ، و لا يقول كلامه ، العيب بأه هو اللي فينا ، هو من الاخر بيغني ، و بيقول كلمتين يلم من وراهم الملايين ، انا مش بقلل من احساسه لا سمح الله ، لكن هو مزاجه تمام مع مراته و عياله ، الرك على اللي بيسمع و بيدي قلبه قبل ودانه ، و يعيش في الوهم و التخيلات .

ماشي يا قمره ..
اتمنى انك تعترى في القلب اللي يستاهلك و يصالحك على الدنيا و الناس .

و اخر الكلام سلااام .. !!



صفا says:

دى واحده كانت حاسة بالنقص جامد ومفكرة كل الناس زيها
انتى فعلا تنضفى الماسينجر بتاعك
تقبلى مرورى



يا مراكبي says:

ما أنا قلتلك في الفيس بوك إن كل إستنتاجاتك اللي في آخر البوست سليمه .. كلها كلها كلها

شيلي البوست ده بقى

😀



اجندا حمرا says:

معلش يانسرين ماتزعليش نفسك
عارفه البنت دي محدثه نعمه كل اللي بيشبع بعد جوع بيبقي شبها
و لا يهمك ياجميل ماتضايقيش نفسك
انتي تعاملتي معاها زي ما اي واحده جدعه لازم تقف مع صاحبتها هي اللي طلعت واطيه
و لا تزعلي نفسك ياجميل



بت خيخة وأى كلام says:

اما صحيح بنت كلب وسخة واطية

قومى يا نسرين
قومى يا بنتى اغسلى كتفك بمية نار
خلى دموع التماسيح اللى غرقته زمان
تتشال من على كتفك

يا خرابى هو فيه كدة يا جدعان

اه فيه
فيه كتير يا نسرين

تصدقى ان انا عندى واحدةو صاحبتى طبق الاصل من صاحبتك دى

بس انا صاحبتى كان اوطى بصراحة

سابت حبيبها الفقير
واتجوزت واحد غنى وعيطت يوم فرحها على كتفى برضه بنت الكلب

وبعد شهرين من جوازها قابلتها صدفة
قالتلى انتى لسة ما جبتيش موبايل بكاميرا

سمعتها واحدة احييه
ومشيت وسبتها

سلام
اختك خيخة



عزيز عيني says:

هايجيلها وقت تزهق وتزهد ممكن يشترلها كل حاجه الا المشاعر



رئيس جمهوريه نفسى says:

معلش يا نوارة قلة الاصل طبع فى الناس اليومين دول ولسه ياما حتشوفي كتير بس يارب تفرجى بس وقلة الاصل متصبيكيش
كل سنه وانتى طيبه ورمضان كريم والسنة الجاية تكونى فى مصر ان شاء اللة



سبهللة says:

انا جاية اقولك كل سنة وانتى طيبة
وان شاء الله رمضان اللى جاى تقضيه فى مصر



الصارم الحاسم....يوما هل أكونه says:

ده الطبيعي في شئ قائم على غير طاعة الله وعلى غير رضا الله



الصارم الحاسم....يوما هل أكونه says:

طبعا انا اقصد العالقة اللي كانت بينها وبين صاحبها

واضح انها كانت بتتسلى – بتشبع رغبة انها تحب وتتحب – بتعيش الدور…وكعادة معظم البنات كل ده في داهية عند اول عريس مناسب (زكيبة فلوس معدية عايزة تتجوز
(

ومعظم الاولاد نفس الالشئ الا ان النتغير هو اول بنت احلى معدية او انه تقي اوي ومابيتحوزش واحدة صاحبها

يبقى الاستعفاف والصبر والدعاء لله بالخير هو الصحيح



Caramella says:

معلش .. ى ناس بقه تفكيرهم مادى و بس .. يظهر احنا اللى مش عايشين فى الدنيا !



Manamino says:

بصي بقي انا مش هاقدر اقول حاجة
ولا هاقدر اعلق علي البوست مع اني جوايا كلام كتير قوي نفسي اقوله بس مش عارف اطلعه
كل اللي هاقولهولك اني نشرت البوست ده في المدونة بتاعتي (ده بعد اذنك طبعا ) وماتقلقيش حقوق النشر موجودة ههههههههه
لان كل اللي قلتيه في البوست ده كان نفسي اقوله من زمان قوي بس ماعرفتش
تحياتي

ملحوظة

لو مش عايزاني انشر البوست عندي قوليلي وانا هاشيله



مصري بالغربة says:

للاسف معظم البنات كده دلوقت

عشان يهربوا من الشبح اللي بيطاردوهم لاسباب كتيرة جدا

وهو شبح العنوسة

فاول ما بتدخل الكلية بتحاول انها تصطاد لها عريس او حبيب او اي كان تسميته

عشان بس تبقي ضمنت حد في ايديها ما تطلعش من الكلية بايد فاضية

ولما تلاقي زبون غني واتقدم لها بتقول للتاني مع السلامة ما اعطلكش

وتبص لمصلحتها وبس ومصلحتها هي الفلوس والعربية والشقة والذي منه

للاسف هو ده تفكير معظم بنات مصر دلوقت



مصري بالغربة says:

على فكرة انا علقت مباشرة بعد قراءة البوست

واتضح فعلا ان كلامي صح

ان معظم البنات كده يبقى معاها واحد استبن لحد ما تلاقي واحد بزكيبة فلوس

وسبحان الله بعد ما قرأت التعليقات لاقيت ان فيه شبه اجماع لدرجة ان بنات كتير ت
ددخل تقول ان كان لها واحدة صاحبتها من نفس النوعية

ايه الحكاية هو فيروس وبينتشر ولا ديه من عادات البنات وفي جيناتهم



Amr Ahmed says:

انسانة مريضة

بس بكرة هتعرف واكيد هتتكشف حقيقيتها



A7MeD F@hMy says:

لا عزاء للمشاعر…لا عزاء للاحاسيس
لا عزاء للحب…..لا عزاء لأي معني حلو ف الدنيا تاه ورا الفلوس
درجة مصداقية البوست خلتني متلغبط مش عارف اكتب كومنت بس هو انا لو فكرت اكتب عني في موقف مشابه مش هعرف اكتب زي ما انتي كتبتي
واحدة زي دي عملت زي ما كل الناس بتعمل
منطق البنات لما بتحب بتحب بجد اه
بس الحب ده مش هيجيب لها عربية
بنفس درجة و سرعة الحب دة بتقلب و بتبص لنفسها
دة بقي مش بيبان بعد التخرج
دة ساعات بيبان من سنة تانية كمان
هههههههههه
و كويس انه بان بدري

نضفي الليست و حياتك كلها منها و من اللي زيها و افضلي اسمعي عمرو دياب و خليكي علي مبدأك كمان
مريضة و اللي زيها كتير علي نفسهم و تتحرق الفلوس اللي بتعمل كدة ف الناس بتغير ضماير و بتدوس علي قلوب
ماتستغربيش هي نسيت الحب القديم عشان هي ****** بس كونك انتي فاكرة يبقي لس الدنيا بخير
تحياتي لأصحاب الاحساس

روووووووومانسي



Mohamed Hamdy says:

بوست جميل ومن اروع ما قريت
وبجد وصفتى عينه من الناس فعلا كلهم عالم ولاد كلب … بحس فى كلام الناس دى تجسيد للتعبير القرأنى : انا افضل منك مالا وأعز نفرا

بجد حاجه تقرف .. الحمد لله انك خلصتى من…. بنت الكلب



Teva says:

انا بس هرد عشان حاجة واحدة

هما الستات بيفكروا ازااااااي ؟

دا سؤال لولبي محتاج لاجابة عاجلة ام آجله بجد

انا داخل ارد بكل زوء واحترام اهو وياريت يا طنط بلاش تشتميني عشان انا مش عايز اكتش ان ليا قرايب كلاب :))

او على الاقل مش هاجي اكتشف دا بعد العمر الطويل دا كله

سلام



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: