Nisreen85’s Blog











{July 18, 2008}   رفات مصريه فى ايدي اسرائيليه00لغايه امتى

في خبر صغير نشره موقع مصراوى عرفت وبالصدفه ان هناك مئات الشهداء المصريين مازالت اسرائيل تحتفظ برفاتهم حتى هذه اللحظه
ليس غريبا ان تتجاهل كل جهات الاختصاص الحكوميه ووزاره الخارجيه والاعلام الحكومي قضيه من هذا النوع فلحم المصري الحي لا يساوي شيئا لدي حكامنا ومسؤولينا فمابالك برفاته ميتاً لكن الغريب هو التعتيم الاعلامي فى كل وسائل الاعلام بكل الجنسيات وتجاهل الهيئات الحقوقيه وغيرها من مدعي النضال السياسي لقضيه على هذا القدر من الاهميه فلا اسمع عنها انا شخصيا وانا من المتبعين الجيدين لنشاطات هذا النوع من الهيئات الحقوقيه لا اعرف ان هناك رفات لشهداء احرار مصريين شرفاء لدي اسرائيل منذ عشرات السنوات
للاسف ليس لدينا حكومه تهتم ولا امل فى اهتمامها لذا التواصل مع اى جهه حكوميه من اجل الاهتمام بالقضيه ما هو الا نوع من استهلاك الوقت فيما لا ينفع ولكن يضر
ليس لدينا سلاح مقاومه شريف او حتى غير شريف قادر على خطف جندي لادراجه فى صفقه تعيد لنا رفات شهدائنا
فى عمرى الغير قصير شهدت لقاءات لا تعد ولا تحصي لشخصيات اسرائيليه وشخصيات مصريه فى شرم الشيخ وغيرها وخارج مصر ده غير المباحثات السريه التى لا يعلمها الا الله
لماذا لم تفكر مصر بدا فى بحث عوده رفات شهداءنا التى تحتفظ بهم اسرائيل منذ سنه 1949
رفات 300شهيد قتلو فى مذبحه على يد اسحاق رابين
من يعيدهم
حسن نصرالله لو بايده كان رجعهم بطريقته لكن مصر نفسها رافضه ادراج اى مصريين فى صفقات حزب الله
انا خجلانه حتى وانا باكتب الكلام ده خلانه من بلدي لانى عارفه انى هنا وانا فى الغربه لو اكلونى كلاب السكك اخر جهه حتبص عليا هى السفاره المصريه او الخارجيه يبقو حيفكرو فى رفات شهداء من عشرات السنين
بانظر لحزب الله وتصميمه وانجازه وافرح واتحسر فى نفس الوقت
بانظر لتصميم اليهود فى القصاص من الالمان المشاركين فى تصفيتهم من ايام هتلر واتعجب واترحم على هتلر واتحسر على مصر
معندناش اى اراده او تصميم كل مسؤولينا مفيش فيهم راجل واحد يوحد الله ويدور على حقوق المصريين الاموات منهم او الاحياء
فين عمرو موسي؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟
فين جعجعه مصطفي بكرى”باكرهه”؟؟؟؟
فين كل الناس المتلمعين اللى بيطلعو فى التلفزيون وع القنوات الاخباريه يعلو صوتهم ويقولو كلمتين وحشين فى حق الحكومه ويكتبلهم مقال مالوش قيمه فى المصري اليوم ويقبضو لقاء الجعجعه ديه قد كده على قلبهم
مفيش اى انجاز حقيقي حققوه الناس ديه للمصري ولا لكرامه المصري
على جنب كده:
ازاى نتأكد ان القتلي والمصابين فى حادثه قطار مطروح استلمو فعلا كلهم التعويضات ؟؟؟؟
اصل احنا مقروصين بدل المره مرتين وتلاته وفى كل حادثه يقولو تعويضات ونعرف بعدها بسنتين ان محدش اخد حاجه!!!0صح



فاتيما says:

نسرينا
لا حياة لمن تنادى يا بنتى
إحنا اكتر من الهم على القلب
و الكرامة دى كلمة إتمسحت من قاموس الوطن دا بقالها عقود
يمكن عشان كدا بنعتبر عمل حسن نصرالله بطولة مع إن دا الطبيعى كل بلد لازم تلم أولادها حيين و لا رفات
طب دا إسرائيل اللى هى يعنى بلاش أتكلم وطت راسها قصاد جزب الله عشان رفات جنديين
رفات
يعنى خلاص
يعنى كان ممكن يتطنش عليهم و خلاص
لكن إزاى ؟؟
فيه رأى عام و مساءلة
فيه حقوق إنسان إسرائيلى
لكن عندنا هنا
الحق الوحيد لينا إننا نموت
و حتى دى فيها قولان
يعنى بصراحة أنا لا يمكن أصدق إن اللى مات فى حادثة مطروح 40 واحد بس ؟؟
أكيد اكتر من كدا بكتير زى ما كتموا على ضحايا العبارة و قبلها قطر الصعيد
ربنا يخلصنا بقى و يحسن خواتيمنا يا رب و ربنا ما يحوجك أبداً للسفارة و لا غيرها
تحياتى يا حبيتى أنا دوشتك النهاردة كتير بس مبسوطة بيكى قوى



Ahmed Shokeir says:

نسرين

الموضوع أكبر كثيراً من رفات مصريين في الأراضي الإسرائيلية ولو كان الموضوع عن الرفات فمصر تستطيع الحصول عليهم بين يوم وليلة

الحكاية اكبر من كده لو رجعتي بالزمن قليلا في نهاية زمن عمرو موسى وزيرا للخارجية وانت تتسائلين عنه .. اخبرك ان هناك ملف كامل لهذا الموضوع بوزارة الخارجية إكتمل قبل شهرين من نهايو ولايته والموضوع كان اكبر من الرفات كان يتحدث عن المجازر الجماعية للأسرى المصريين في حرب سبعة وستين بالأسماء والاحداث والتواريخ ولكن لأننا في كل زمن نتحدث ان نتأ مثل الأمور يؤثر على قضية السلام الفلسطينية الإسرائيلية نرجأ هذا الموضوع لوقت آخر حتى لايؤثر على العلاقات المصرية الإسرائيلية .. لأن ملف الأسرى في تلك الحالة يحتاج إلى محكمة العدل الدولية وتحديد مجرمي حرب والقبض على أسماء بعينها لذلك فكله يهون من أجل القضية الفلسطينية .. موضوع الرفات سوف يفتح معه موضوع أشد خطورة وهو قضية تعذيب وقتل الأسرى جماعياً في حرب سبعة وستين
لذلك تم طوي املف قبل خروج عمرو موسى وذلك لأن الوقت غير مناسب

والعام الماضي ظهرت على خجل القضية مرة اخرى متمثلة في الفيلم التسجيلي الإسرائيلي روح شاكيد الذي يؤكد مقتل أسرى مصريين عزل في حرب سبعة وستين وقامت بعض الأقلام تطالب بفتح القضية مرة أخرى وحدث إهتمام نوعي رسمي بهذا الموضوع حتى إكتشف الجميع الحقيقة وتم غلق الملف في صمت

لذلك محاولة فتح ملف رفات المصريين مرتبط بقضية أكبر وحقوق إنسان ولذلك لم يحبذ الطرفيين المصري والإسرائيلي إشراك رفات مصرية في العملية الاخيرة لحزب الله ولعدم فتح قضية الأسرى والسبب المعلوم لأن حزب الله مش المفروض هو اللي يجيبلنا ولادنا

لو ضمنت إسرائيل ان ملف الرفات لن يفتح قضية الأسرى لسلمت لنا الرفات منذ سنوات ولكن هي متأكدة ومصر متاكدة انه فور تسليم الرفات سوف يتم فتح ملف كيف ماتوا هؤلاء وهو مالاتريده إسرائيل ولا مصر

هذا الملف بالكامل وبالمواثيق موجود في أدراج وزرة الخارجية المصرية



محمد عبد الغفار says:

أما يهتموا بالأحياء يبقوا يهتموا بالأموات

مطروح . . عاده المصابين والقتلى مبيكنش معاهم ايصال الكارته فلا يستحقوا مبلغ التعويض فبدونه لا يستطيعون الحصول على مليم



appy says:

ايه يا رينا هو انتى تسكتى تسكتى وبعدين حنفيه البوستات تفتح
ما شاء الله اخدت الراديو من عندى اتهدى علشان اعرف اتابعك
وبعدين هتستعبطى يا بنتى اذا كنتى بتتكلمى عن الحكومه فعاوزة اقولك العزاء كان فى السيده عايشه من سبعميه سنه على حكومتنا
اما لو عن المجعجعتيه فصوتهم واجعهم المعارضه يعنى

اما لو عننا مش عارفه نقدر نعمل ايه

الملحوسه الخبيثه تتعرف من الاهالى لو روحت الساحل هشد الرحال لهناك لو عرفنا نوصل لحد نسأله فهمتى



ahmad says:

الي كتير مش واخدين بالهم منه ان النظام الحاكم في مصر فيه علي راسه بدل البطحة 100 الف بطحة يااا نسرين فيه اسرار و يلاوي و جرايم و مؤمرات احنا منعرفهاش تخلي من رابع المستحيلات ان النظام عندنا ياخد موقف رجولي واحد.
من غير المجدي اطلاقا انك تطلبي ان النظام يعمل راجل و يطالب باي حق لاء مش بسكدة الكلام ده ينطبق علي كل حاااااااجة من اول فرض السياسات الاقتصادية علينا لحد غض النظر عن كل ما يتعرض ليه المصريين في كل حتة في العالم و طبعا و برضه الي مش واخدين بالكو منه هو ان التوريث امتداد لاخفاء البلاوي دي لان في حالة التوريث النظام الجاي هيستمد شرعيته من النظام الي فات و بقاءه هيعتمد علي الطرمخة و السكوت و هنفضل في نفس المسلسل .. انسي بمجرد انتهاج سياسة مخالفة للمطلوب كل الغسيل القذر هيطلع و هيتنشر و هتبقي فضيخة بجلاجل
نسريييين فيه ايه ده بس لما واحد قال عايز احقق في اغتيال السادات اترمي في السجن و اتربي زي اي ديلر مخدرات معفن.
الاستغراب من مواقف النظام هو ضرب من السقه و تضييع الوقت .. انا عايز اسال سؤال هو عبد الناصر كان ديموقراطي؟؟ لاء طبعا كان حريص انه يقعد في الحكم لاخر يوم في حياته ؟؟ اه طبعا .. كان فيه في البلد تيارت مضادة و فعالة زي الاخوان انهاردة؟؟ اه كان فيه اخوان و شيوعيين و اعداء من جوة الجيش و تكتلات سياسية و وفد نفسه يرجع للسلطة.. الله امال فيه ايه؟؟ صدقيني الكوضوع مش موضوع خوف عليالكرسي اكتر ماهو خوف من الذهاب مباشرة الي الدرك الاسفل من مزبلة التاريخ بعد العز و الكاتينة الدهب و الدبوس الالماظ.
ريحي دماغك مش هيبقي لينا موقف من اي حاجة حتي يقضي الله امرا كان مفعولا و يجي نظام أبيض تماما و لا اقصد بابيض يعني شريف و انما خالي من البطحات



amr says:

اللي حضرتك مش فاهماة يا نسرينا … ان احنا اصلا مش عندنا شهداء و لا اسرى !!! انتي بتصدقي مصراوي و المواقع الهدامة دي ؟؟؟؟ بلاش كلام فارغ ….
ناقص كمان يجي حد يقوللك ان احنا كان في بيننا و بين اسرائيل حرب !!! انا مش عارف بيجيبوا الكلام دة منين !!!!!
يا فندم اذا الحكومة ماهاش دعوة بالاحياء … هاتسال عن الاموات ……دة كلام ناس عاقلين برضة ؟؟؟؟؟؟؟؟



مدرسة الفشله بنات says:

انا اول مره اجيلك على فكره بس انت بجد رووووووووووووووووووووووعه وعسليه وكل الكلام الحلو ده



The Innocent says:

موضوع الرفات دا جديد علي، لكن موقف المسؤلين عادي، الطبيعي يعني.
لما نشوف الأحياء نبقى ندور على الأموات

تحياتي



رئيس جمهوريه نفسى says:

بص يا نسرين موضوع الرفات ده والكلام الكبير ده مش بيفرق مع حكومتنا فى حاجه كانوا طالبوا بتعويضات للاسرى زى ما عملت اسرائيل مع المانيا
كانوا دورو على حق الضابط الى مات من كام يوم على الحدود برصاص اسرائيلين واعترفت هارتس ومعاريف بكده وانبثقت لجنه منبثق حتنبثق منها لجان
الرفات دى ترجع لما يكون فى مصر على سده الحكم راجل بقيمه حسن نصر الله



يا مراكبي says:

فاكرة عادل إمام في فيلم السفارة في العمارة لما قضى ليلة حمراء مع فتاة إتعرف عليها صدفة في الأسانسير وإتفاجئ بإن الإسرائيلين صوروه وهددوه بإنه لازم يروح المحكمة ويسحب القضية اللي رفعها على السفارة الإسرائيلية وإلا هيتم فضحه؟

دي إجابة السؤال بتاعك اللي في عنوان البوست .. مع إختلاف الظروف طبعا



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: