Nisreen85’s Blog











{July 18, 2008}   هما دول ورثه المنطقه00اهلا وسهلا

المحروس الابن الاصغر للعقيد القائد الزعيم-لما ده زعيم يبقي حسن نصرالله ايه-معمر القذافي قائد ثوره الفاتح والمفتوح فى ليبيا الشقيقه اتقبض عليه فى سويسرا وباذن الله العلي القدير مش حيكون عنده حصانه دبلوماسيه فى سويسرا وحيتسجن انشاءلله

الباشا هو والمدام بتاعته وهما فى الجناح الخاص فى افضل فنادق سويسرا لقو نفسهم فاضيين وعندهم فراغ قامو عملو ايه

اييييييييييييه

ضربو الشغالين بتوعهم عادي ما هم شغالين عبيد يعجنوهم ويخبزوهم ويكووهم براحتهم

بس الكلام ده مش فى سويسرا لاجل حظ امه اللى شبه وش ابوه سويسرا لا تعترف بابن زعيم وابن غفير الكل امام القانون سواسيه

ديه مش اول حادثه للمحروس

مره كان سايق العربيه بسرعه اكتر من المسموح بيها فى فرنسا راح ظابط المرور المتهور وقفه ازاى بقي يوقف ابن الزعيم طبعا اعتدي ابن الزعيم ورجالته وحرسه الشخصيين على ظابط المرور وفلت منها لانه بيتمتع بحصانه ديبلوماسيه فى فرنسا

وبرضه فى فرنسا فى 2005اتقبض عليه بتهمه ضرب رفيقته ودفع كفاله وفلت منها برضه

الهي ما يفلت من ديه يارب

لما ابن القذافي الصغير كده يبقي الكبير حيكون ايه يعني افجر وادل وقال مكانش عاجبنا ولاد صدام ما فيه فى الدول العربيه اللى اوسخ من ولاد صدام مليون مره

بقي دول بقي ورثه الزعماء اللى حيمسكو الدول العربيه بعد عمر قصير

ولاد القذافي يمسكو ليبيا

وجيمي وعيلاء يمسكو مصر

عشان دعاة التفاؤل بس يتلهو على عينهم وميفتحوش بقهم تانى ده احنا داخلين على ايام سوده سوده سوده
لما اللى ماسكيننا دلوقتى واللى خاضو وعاصرو ثورات وحروب وجربو اكيد الفقر وعاشو وسط الناس العاديين وعاملين فينا كده
امال المحروسين من العين اللى طول عمرهم بفلوسنا بيتفسحو فى سويسرا وفرنسا وبيرافقو ويدخلو جامعات اجنبيه ومأتحرموش من حاجه فى حياتهم والغلابه والشغالين بالنسبالهم كلاب ومقرفين ولا يسوا حاجه فى سوق البشر يبقي دول حيعملو فينا ايه هاااا
حيعملو فينا ايه
اللى عاشو واتهنو بفلوس حرام دول ملتهم ايه وضميرهم فين
ها


بنت القمر says:

مالك انتي ومال ابن القذافب وجيمي وعيلاء
شويه تناكفي والقاعده جنبك
وشويه.. تجيبي سيرة الناس الاكابر
:))
وبعدييين
طبعا شخص عاش واتربي علي عد احترام القانون
يبقا ايه
انا اقانون والقانون انا
يبقا وغد كبير صح
بس ارجع اقولك مش العيب عليه قال يا فرعون ايه فرعنك قال عبيدي
صباحك زي الفل



جبهة التهييس الشعبية says:

نفسي اعرف
ناس ما بتعرفش تربي عيالها
تتحكم في مصائر شعوب ازاي؟



رئيس جمهوريه نفسى says:

يا نسرين ابن القذافى وابن صدام وجيمى وعلاء هما النتاج الطبيعى للديمقراطيه العربيه للحكام العرب الا وهى انا وولادى واسرتى نعمل الى احنا عايزينه فى الوقت الى احنا عايزينه من غير ما حد يفتح بقه اصلا ومن شب على شى شاب عليه ومش بيفرقوا ليبيا سويسرا فرنسا
بخصوص الايام السودة انتى متفائله قوى لانى الى جاى اسود مليون الف مره من الى احنا عايشينه



فاتيما says:

يا نسرينا إخص عليكى
ليه يا بنتى سوء النية
و التفسيرات المرتابة و المتشككة دى
يعنى الناس عمالة تحكم فينا زمن بحالو و مورهاش غيرنا لدرجة
إنهم ملقوش وقت يربوا عيالهم
يبقى دى جزاتهم فى الآخر
لا حمدو لا شكرانية ؟؟
أخص عليكى يا نسرين بجد

الأيميل وصلنى يا حبيبتى و هرد عليكى علطول



ahmad says:

ضريح رخام.. فيه السعيداندفن
و حفره فيهاالشريد.. من غير كفن
مريت عليهم .. قلت يا للعجب
لاتنين ريحتهم.. ليها نفس العفن
الله يرحم صلاح جاهين
بس اعتقد انك ممكن تقعدي مع نفسك 5 دقايق و تراجعي نفسك و تاخدي قرار بالبحث عن اسلوبك الخاص في الكتابة دون التاثر باحد
و ليس بالاحا فقط تستقيم الاشياء



Nsreen Bsunee says:

احمد
واضح ان حضرتك مش متابعنى من زمان
:)))



alexandrany says:

ادينا مستنيين
😦



محمد عبد الغفار says:

واحد من ليبيا قالى ان احنا شعب مبنصحاش بدرى واول واحد صحى بدرى مسك الحكم



حـنــّا السكران says:

و الشهر الماضي يا ستـّنا ..أحد الأمراء ( ابن أمير رئيس دولة راحل و أخ أمير رئيس دولة حالي )
ضرب شاب صحفي إيطالي في أحد البارات في سويسرا لأنه الصحفي رفض يمارس الجنس مع الأمير ..ههههه ..الصحفي كان قاعد على طاولة مع شخص عربي و شافه الامير و جاء و كلّمه و طلب منه يمارس الجنس معاه ..قام الصحفي قال له ..و الله أنا بعتذر جدا ..أنا ما ليش في العيال ..مش شاذ يعني ..لكن الأمير طويل العمر أصرّ ..و ألحّ …و لما الصحفي أصرّ هو الاخر على الرفض قام الأمير نزل فيه ضرب و خبط ..المهم انه الصحفي رفع دعوى على الأمير ابن الأمراء أمام المحاكم السويسرية ..الدولة العربية اللي تابع لها طال عمره ..قالت ان ده موضوع قضائي يخص القضاء السويسري و لا تعليق عليه من قبلنا ..
ـ الخبر انا قريته أول مرة على موقع البي بي سي ..و قريت قبل كام يوم انه الصحفي كسب القضية ..



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: