Nisreen85’s Blog











{July 12, 2008}   رجل من ارجل الرجال00من اشجع الرجال00من افشخ الرجال00عن هانى سعيد أتحدث
البدايه السوده والله انا مأدفعش فيه 2000 جنيه مقابل حتى انه يجيب عيال ويطبخ ويمسح ويصرف ويلعب كوره وكيك بوكسنج ممكن وقتها ادفع فيه 1800 جنيه
الحلقه الاولى من مسلسل تخلص من قدرتك على الانجاب مع هانى سعيد والاهلى والزمالك
الحلقه التانيه
الحلقه التالته وهى اكثر الحركات تشويقاً حيث يظهر هانى سعيد مواهبه فى البلطجه والسرقه والتى تضاف الى قائمه طويله من اخلاقه العاليه
الحلقه الرابعه
الحلقه الخامسه
السادسه
الحلقه الاخيره حتي الان والتى تسببت لى فى انسداد فى الشعب الهوائيه اعقبه كرشه نفس فظيعه نقلت على اثرها للحمام لافراغ كل ما تحتويه معدتى”شويه بيبسي وبسكوت بالعجوه”ومازلت حتى الان اعانى من اثار الصدمه فلا تستقبل معدتى اى طعام وهناك احتمال قائم ان اكون اصبت بالسكر او الضغط


واحدة مفروسة says:

هاااااااا
انا ماليش فى الكورة يا احتي خاااالص
ولا افهم فيها
ولا احبها
بس انا جيت اتطمن عليكي
سلام مربع
ومثلث
وكروي



Che The Hermit says:

عارفه يا نسرين
والله انا بطلت اشوف كورة علشان الاشكال دي وغيرها وبقيت مقتنع ان الكورة افيون الشعوب
ممكن اسمع الاخبار اللى فى كل حته بتترمي عن اخبار الكورة وما إلى اخره لكن بطلت خلاص واتغلبت على إدمانها لانى مكانش بيفوتني ماتش اصلا
لكن الحمد لله اتعالجت وبطلت ادمان وتعصب

عقبال بقية الشعب المصري
تشي



محمد عبد الغفار says:

حد قالك تتابعى المسلسل !!! انا عن نفسى متابعتش ولا حلقه



wade7 says:

البوست لذيذ و شكل المدونة الجديد رائع ..

فاكراني ..

انا باصالحك اهه ..

المسامح … ايه …

صباح الفل ما ينفعش انام و حد زعلانة مني و احنا مانعرفش بعض اصلا ..
بلييييييييييييييز



رئيس جمهوريه نفسى says:

يا نسرينا والله اطمنى ما فيش لاعب اتخانق عليه الاهلى والزمالك عمل حاجه عليها القيمه اصلا نفتكر مع بعض
رضا عبدالعال موسم وبطل كورة خالص
سعيد عبدالعزيز شرحه
رامى سعيد
محمد عبدالله
عمرو ذكى
وطول ما اللاعيبه فوق الانديه والمنتخبات وواحد زى محمد زيدان يسييب المنتخب ويوقول مصاب ويسهر طول الليل فى الكافتريات وهو مش مصاب اصلا وبعدين شحاته يطلع يقول معانا من شهر 9 ان شاء الله
ان عمرو ذكى يقطع فى الزمالك ويقول مش حعلب كورة تانى وعلشان خاطر ماتش الاهلى حسن شحاته يرجعو وشحاته يستقبلوا ويقابل مقابله الفاتحين فى الزمالك
وعلشان متعب يتمطع والاهلى يموت عليه علشان يمضى ويديهم الطرشه لحد ما فى الاخر يتساب يروح نادى درجه تانيه فى انجلترا علشان يرجع بعد سنه زى ما راح زى ماجه
طول ما اللعب بيتدلع وبيعمل الى هو عايزه والانديه بترضخ
اعرفى انى الرجل الى من ارجل الرجال ومن اشجع الرجال ومن افشخ الرجال حيتكرر كتير كنموذج
وللكورة المصريه وادارتها واتحادها وانديتها وجمهورها يا اخى ابوجكشن



ahmad says:

و انت ايه الي حارق دمك الجنازة حارة و الميت كلب .. انا مش هغلط في الزمالك بس والله عشان خاطرك و لا هغلط في الاهلي عشان بحبه🙂 بس عادي بصي لازم تقتنعي انه الكورة عندنا في مصر هي تشجيع و نتيجة و بس انما لو فكرنا في كل حاجة بقي فعلا هيجيلنا السكر يعني ماياااما و الموضوع خلص علي ايه .. عندك عمرو ذكي مثلا اهو قفلو عليه و ضربوه و لا اسلام الشاطر يا عيني الي زحلقوه من برة برة
كبري كبري خليكي والنبي في احلام اليقظة بتاعة ايران علي الاقل فيها حبة ساسبينس انما الموضوع ده زي مقلتلك : جنازة حااااااااااارة و الميت.. كلب لاموأخذة



راجى says:

وماذا تتوقعين خلاف ذلك؟
بس بسكوت بالعجوة فى الكويت؟ طيب جربى حتة انتركوت وشوية مشروم وانتى تنسى موضوع الكورة اصلا
:))



محمد الكومي says:

هتكلم بصفتي اهلاوي و هرد عليكي بصفتك زملكاوية

هريتونا كلام عن رغبة اللاعب و زفتة اللاعب و طينة اللاعب و لما ييجي اللاعب للزمالك يبقى فل و لما يروح الاهلي يبقى الويل و الثبور و عظائم الامور

يا ريت يبقى في نظرة موحدة للامور و يكون القياس مطلق مش نسبي

تحياتي



سبهللة says:

يا بنتى
ولا يندفع فيه الف جنيه حتى
هم دول بيلعبوا كورة؟؟
دول بيلعبوا حوكشة
واتفرجى على مباريات اوروبا
فرق فظييييييييييييع بين هنا وهناك



alexandrany says:

زمالك
!!!!!!!!!!!
زمالك زمالك
امممممممم
انا متهيألي سمعت الاسم ده قبل كده
ده محل طعميه مش كده؟
🙂
يا بنتي انتي لسه ما بطلتيش تتفرجي على كورة
خلاص ما بقتش نقصاها



Che_wildwing says:

ملعون أبو الاهلى على الزمالك لو قبلوا إن لاعب يلعب معاهم بالطريقة الوسخة دي
بس نقول إيه
هي الفلوس اللى بوظت طعم كل حاجة
حتى الكورة



EmY says:

رينا حبيبتي واحشاني اوي اوي

ازيك عامله ايه و مختفيه فين يا قمر

انتي عارفا انا زيك زملكاويه من الاحرار

بس ايه البلطجه و قلة الادب دي بجد حاجه تكسف و تقرف



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: