Nisreen85’s Blog











{July 9, 2008}   افكار دمويه تخيليه غير منطقيه

انا مش عارفه بالظبط ايه ردود افعال الشارع المصري والناس العاديه فى مصر تجاه كل التطورا ت بتاعه امبارح وانهارده

لكن هنا فى الكويت الناس مش بتتكلم غير عن الموضوع ده لسبب بسيط اوى لان لو حصل اى اى حاجه الكويت حتتسكع سكعه وحشه جداً

الكويت فيها قواعد امريكيه كتير ومع اول عطسه ايران حتضرب القواعد ديه اول حاجه كده من باب الاستفتاح

الأراء كلها هنا متضاربه فيه ناس بتموت فى امريكا وبتعتبرها ماما امريكا فعلا ودول الاغلبيه فى صف امريكا فى كل حاجه ومعتبرين ان احمدي نجاد ده ابن ستين هبله وراجل مخه تعبان مش عارف هو بيهدد مين ولا بيلعب مع مين”ديه امريكا يا بابا”وشايفيين ان لو امريكا قررت فعلا تضرب ايران مش حتلحق اصلا تعمل حاجه ومش حتعمل حاجه

شريحه تانيه من الناس شايفيين ان امريكا حتضرب بس ايران ردها حيكون قوي ورادع وساحق وماحق وحتمسح اسرائيل من على وش الدنيا وحتمسح بامريكا سيراميك الشرق الاوسط كله ودول اغلبهم شيعه معتبرين ايران هى ماما ايران

ليا اصدقاء مقربين جدا من الشيعه ناس محترمين وذوق وبتجمعنا صداقه محترمه مفيهاش اى كلام فى السياسه ولا قله الادب ديه ورغم انهم مش بيتكلمو خالص فى الدين ولا بيلمحو من قريب او بعيد عن السياسه لكن تعاطفهم وعواطفهم ناحيه ايران واضحه جداً وده اللى انا باستغربله ليه الشيعه معتبرين ايران هى “ماما ايران”بيفكرونى بنظره اليهود لاسرائيل يبقي عايش ومتربي طول عمره فى كندا بس عشان يهودي عنده ولاء لاسرائيييييييييل لييييييه مش فاهمه

نفس الفكره مع الشيعه

ما علينا00001

الكلام فى موضوع ايران وامريكا زي ما قلت فى الاول مسيطر على الناس هنا بشكل غريب كل الناس بتتكلم فى نفس الموضوع وياتري لما ايران حتضرب اقواعد الامريكيه اللى هنا فى الكويت اى مناطق سكنيه حتتأثر وحوارات كده

انا بقي ومش عارفه ليه رغم انى مش من محبي الحروب والدمار اى كان السبب ومن مؤيدي الحلول السلميه بس اليومين دول نفسي بقي بجد امريكا تضرب

عشان اشوف احمدي نجاد حيعمل ايه

ويا سلام لو ضرب اسرائيل ومسحها فعلا من على الخريطه بكل اللى فيها ومن عليها

ويا سلاملام لام لو يضرب الكويت ويمسحها من على الخريط

ويبقي كتر خيره لو ضرب اكتر مدينه باكرهها فى حياتي “دبي”ومسحها من على الخريطه

ويدينا ضربتين كده لليبيا

يا سلاااااااااااااااااااااااااااااااااام

زي ما اكون تعبان وارتحت

قنبله عندك هنا فى شرم الشيخ والنبي يا كابتن بس ركز ونشن كويس وحياه ابوك

عندك فى الدخيله فى اسكنريه على ايدك اليمين موكنه محتاجه قنبله برضه ومتقلقش الدخيله مفيهاش سكان كتير واضرب يوم الجمعه عشان ميكونش فيه عمال ولا موظفين

خلاص كده الله ينور

دغدغ كل القواعد الامريكيه اللى فى الشرق الاوسط وخلصلنا على آل سعود وآل حمد وكل العملا دول

قشطه عليك مكه والمدينه بقي يرجع تانى اسمهم الحجاز ومفيش ال سعود ولا سعوديه

ومفيش امريكا

ومفيش دبي

ومفيش اسرائيل

ومفيش “شرم الشيخ”-وارجع بقي بلدنا وهى نضيفه كده واجي بعربيتي عادي بقي ما هو مفيش ال سعود يقولو ممنوع ست تمر باراضي السعوديه وهى سايقه ومن غير محرم

صحيح الواحد حيشوف دمار كتير وناس كتير حتموت بس انا فى لحظه التجلى ديه-والله العظيم مش محششه ولا باشرب اى مسكرات ولا باشرب اى مسكرات ولا مهدئات ولا ليا فى اى دخان-انا مش شايفه اى حال تانى هى لازم تولع وبعدين تنطفي على نضافه بقي

وشويه ساسبينس مش حيضرو عشان احنا بقينا عالم بارده اوى

ملحوظه:على مدد شوفي فيه قاعده امريكيه والله العظيم وممنوع الاقتراب او التصوير يعني اى ضربه اختكم حتروح فيها هئ هئ هئ هئ


Bella says:

ربنا يستر وماتحصلش حرب

عموما امريكا النهاردة بعد تجارب صواريخ ايران الاخيرة رجعت سحبت لورا وقالت انها لاتنوي ضرب ايران

يعني عالم تخاف ولا تختشيش بعد ماايران جربت الصواريخ الاخيرة اللى مداها يوصل لاسرائيل

انا مسلمة سنية ولكني متعاطفة مع ايران جدا وشايفة ان تهديدات امريكا بلطجة وقلة ادب منها وفرد عضلات لانها اتعودت تتفرد وتنتني على العرب المقاطيع وماحدش فيهم بيهش ولا بينش

لكن مع كوريا سحبت بسرعة خوفا من الصوريخ عابرة القارات

ونفس الحكاية مع ايران

ونفسي بجد برضه رغم ان الحرب اهوالها كبيرة ان امريكا تقل عقلها وتضرب علشان ايران تنضف المنطقة من كل الزبالة اللى فيها

وخللى كل المؤيدين للديمقراطية على طريقة امريكا في العراق يتكلموا بقى بعد امريكا ماخرت العراق وشردت اهله وكل يوم تتسلى عليهم تقتل وتذبح فيهم

ربنا يورينا في امريكا يوم اسود من شعر الراس خلينا نرتاح منهم ومن اتباعهم



Nsreen Bsunee says:

مممممممم
هو الحقيقه يا بيلا انا مش عارفه احدد ستر ربنا هو الحرب ولا مش الحرب
يعني ربنا يستر وخلاص والله واعلم الستر حيكون ازاى
تفكيرنا فى اتجاه واحد
انا كمان زيك والله مش باحب الحروب ولا الدمار وباتعب نفسيا من المناظر اللى بنشوفها فى اى مكان فيه صراع او حرب
بس بجد امريكا كده اوفر
اوفر
اوفر
والمنطقه بقت وسخه اوى مش بامريكا على قد ما هى وسخه بعملاء امريكا وحتاجه تنضف
انا كمان مسلمه سنيه بس معجبه جدا بقوه موقف ايران حتى لو فيه دلوه بتعبد شنب لصرصار وبتطبق على مواطنيها قوانين واعراف مش عاجباني بس تبقي دوله صايعه كده وموقفها قوي بالشكل ده لازم تعجبني طبعا
مع العلم انى اصلا معنديش مشكله مع الشيعه كا طائفه كمان
عندي مشاكل مع ايران فى حاجات كتير مش منهم انها شيعيه ومش منهم ابدا موقفها مع امريكا واسرائيل
انا نفسي بقي ايران تثبت صياعتها ديه على ارض الواقع
عشان فيه ناس من عباد امريكا عمالين يقولو مش ممكن مش ممكن متقدرش متقدرش انا بقي نفسي اشوف ايران وهى بتعمل اللى فى نظرهم مستحيل وانها تقدر على كل التهديدات اللى بتقولها
بس المشكله
ان امريكا كسكست وجابت ورا اول ما شافت الصواريخ
هي هي هي هي هي هي هي
بكره نقعد على حطام الحيطه ونشوف ونسمع

نورتيني بيلا الجميله اللى مجننه ادماين الفايس بوك
:))



رئيس جمهوريه نفسى says:

بصى يا نسرين
موقف امريكا من ايران لن يختلف عن موقفها مع كوريا الشماليه فرض سيطرة ونفوذ واشعال الموقف فى المنطقه الى فى العراق يخافوا والى فى الكويت يقولوا الحقينا يا ماما والسعودية تخاف على نظامها الملكى وقطر تخاف والخليج يدفع او يساهم فى فاتورة البقاء الامريكى فى العراق الى ضربت الاقتصاد الامريكى
بس موشوع الضرب والحرب صعب لانى امريكا مش حتقدر تفتح جبهة ثالثه فى ايران وضهره مكشوف فى العراق وبتتبهدل فى افغنستان هى بس مزنوقين فى كام مليار دولار يلموهم من هبل الخليح
احلى ما فى تصورك فى البوست ده انى بقراء البوست وكمان ساعات حروح ااقعد مع واحد حيسفرنى الكويت ص2دفه حلوه قوى



فاتيما says:

بالعكس يا نسرين
أفكارك طبيعية جدا
و هو يعنى تهديدات إمريكا لإيران هيا اللى منطقية قوى ؟؟
و بعدين شعورك دا إنتابنى لما بدأت حرب لبنانت الأخيرة
فولت يا دى النيلة دحنا جنبهم برضو و مش بعيد بعد ما يخلصوا على لبنان يدورا علينا الدنيا كلها مسألة مسافات و القريب طبيعى يقلق …
أنا مليش أى إنتماءات شيعية و لا بحبهم و لا بكرهم بس بصراحة أنا معجبة بموقف حسن نصرالله و بشخصيته و قوته جدا أول راجل اشوفه من ساعة ما وعيت ع الدنيا يقف يجعجع فى وش إسرائيل و ينفذ كلامه و ميطلعش فشنك مش زى النعام و المناظر العيضة اللى فى باقى الدول العربية جمعاااااااء
أنا زيك نفسى بدل الراجل يبقوا إتنين و احمدى نجاد يطلع زى نصرالله عشان الواحد يكتسب شوية ثقة و إحترام للذات إن العربى و المسلم لو بس وقف بشجاعة يدافع عن أرضه و كرامته بيقدر و بينجح و بينتصر كمان بغض النظر عن أى خسائر مادية حصلت
بوش دا مختل عقلياً
و خلى الدنيا إتجننت
كويس إنك لسه بعقلك يا ماما
ربنا يطمننا عليكى
و مين عالم
مش يمكن لو الحرب بدأت يرجعوكى مصر تانى و تبقى جت بفعل فاعل و تيجى فى وسطنا و لإسكندرية حبيبتك ؟؟



Nsreen Bsunee says:

ههههههههههههههه
حتيجي تنورنا يا محمود ربنا يتمملك السفر على خير ويجعله خير عليك يارب وابقي قولي التفاصيل والمستجدات
:))

ايون كلامك صح وانا فاهمه كده
بس فى ظل وجود الاهبل اللى بيلعب بالمتفرقعات على رأي نواره اى حاجه ممكنه وممكن اوى يفتح جبهه تالته ورابعه
ولو اللى بعده بقي ماكين ابن الهبله اللى عايش لسه فى دور اسير حرب فيتنام يبقي برضه احتمال ضرب ايران قائم
لما نشوف انا نفسي امريكا تعملها وتضرب عشان تتعلم الادب



Nsreen Bsunee says:

فطومه
انا برضه مستبشره خير من احمدي نجاد
وعامه احنا المصريين معندناش حساسيه ناحيه الشيعه غير هنا السنه والشيعه يا بنتي مولودين على روس بعض
ده انا مره فى الشغل قلت كلمه كويسه على حسن نصرالله لقيت اللى طالعين يقولولى ده وهو شاب شارك فى مذابح ضد السنه وحوارات كده
بس عادي مش باشكك فى كلامهم وارد جدا انه يكون حصل وايران كدوله فيها حاجات كتير بتستفزنى
بس نيجي عند موقف حسن نصرالله واحمدي نجاد من امريكا واسرائيل وستوب لف وارجع تانى وارفعلهم القبعه خصوصا فى وسط حبه ال******اللى حاكمينا
ااااااااااااااه ياما نفسي امريكا تضرب عشان اشوف احمدي نجاد الاوزعه ده حيعمل ايه



جبهة التهييس الشعبية says:

انا مش عايزة حرب بقى انا زهقت
ايه الدنيا مالها منكوشة كده؟
بيقولوا فيه نيزك ح يضرب الارض ويموت البشرية
ياريت بقى خلينا نخلص



Nsreen Bsunee says:

طيب يعني هو الدنيا فله من غير حرب يا نواره
ماهى زفت وقطران وخرا حتبقي ازفت من كده ايه
انا شايفه ان المنطقه محتاجه حرب زي هيروشيما ونجازاكى كده عشان تنضف الوساخه اللى فيها نقوم بعديها نضاف ونبتدي عصر النهضه من اول وجديد

نيزك نيزك اهى اى حاجه بتحرق وتفرقع وخلاص اى حاجه تشيل الجلخ اللى غطي ع البشريه ونبتدي من اول وجديد صفحه بيضا مفيهاش امريكا ولا دوله عظمى ولا اسياد وعبيد



محمد عبد الغفار says:

لن يحدث شئ



appy says:

انتى خيالك وسع منك يا رينا فى اعتقادى يعنى السخسى ان مش هيحصل حاجه ولسبب بسيط فرقعه امريكيه امريكا عارفه من زمان قوة ايران
بس فخلاص
وبعدين بصراحه اان معرفش حاجه
عندنا يا رينا الناس جلهم صدمه وتخلف عقلى وانا واحده منهم الحر سيح العقول ومبقناش فاهمين حاجه وحسه اننا تهمشنا وسكووووت تام وحتى مفيش كلام
وبعدين بينى وبينك مسمعتش حاجه كان بقالى يومين فى الاسماعيليه وكنت بعيده عن الاخبار ههههههههههههه موصلنيش اى كلام
وبعدين ما تسيبى شارم ليه تضرب هتهزرى انا بحبها ولسه راجعه منها ولا انتى قصدك طيب يا شيخه ما هنا افضل حتى يفضى لنا مكان واسع ولا اللى فى جمعيه عرابى انوى انتى بس فى الدعاء وانا اقولك على كل الاماكن حتى المستخبيه



HafSSa says:

بت يا نيسو
ايه الصدف دي؟؟
انا لسه حالا منزلة بوست عن نفس الموضوع لاني قلت هوبا
كرسي في الكلوب و نتضرب هنا في قطر و اروح في الازوزة
فتحت الريدر لقيتك منزلة بوست قلت اشوف ايه هو

بصي هو مش صدفة
اعتقد اي حد عايش في دولة خليجية و كمان لها قاعدة امريكية حيكون قلقان نفس القلق
لان الباشا نجاد ناوي يضرب المصالح الامريكية في المنطقة و عليكي خيرانا بقول نكتب وصايا انا و انتي و ننشرها في البلوجات و المعلقين يترحموا علينا

انا زهقت من ام القلق ده
اهئ اهئ اهئ
ملحقتش اتهنى بعيد ميلادي يعني
😦



blue-wave says:

اول زيارة لمدونه تحفه
بجد انا زعلان انى ماوزرتش المدونه دى قبل كدا
دمك زى العسل على فكرة
تحياتى



بنت القمر says:

نسرين
=======
يا عزيزيتي اعتقد اني اشكاركك ميه الميه في تمنياتك وافكارك المرة دي احنا جرلابنا بلطجه امريكا في المنطقه وحريتها وديموقراطيتها علي طريقه ابو غريب
طب نغير بقا ونجرب بلطجه ايران
دول الخليج مش ها يحصل فيها حاجه من ايران ولا امريكا
دول الخليج ها يحصل فيها انقلابات عنيفه زاول دوله هي السعوديه مرشحه لانقلاب عنيف جدا وباسرع وقت وقولي مون قالت
بالنسبه للشيعه اعتقد انه اقرب دوله سنيه للشيعه هي مصر لتاريخها من ايام الفاطميين يا بنتي الازهر كان علي المذهب الشيعي نفسه
حسن نصر الله حتي لو بيخدم مذهبه كفايه انه واقف لامريكا واسرائيل زي العظمه في الزور
ارجل واحد في العرب وان كان شيعي
خلي بالك ومتلكيش في السياسه كتير وترجعي لنا بالسلامه

———– بس ايه حكايه
ك فى الدخيله فى اسكنريه على ايدك اليمين موكنه محتاجه قنبله برضه ومتقلقش الدخيله مفيهاش سكان كتير واضرب يوم الجمعه
—————–
انتي بتقولي مفيش مسكرات ولا حشيش مالك ومال المكن
😀
تحياتي



Nsreen Bsunee says:

مستر محمد عبدالغفار
والله ماما بتقولى كده وكل الناس فى مصر بيقولو كده بس هنا عندي فى الكويت الكلام على ان فيه احتمال 80%ان حاجه تحصل
كله حيبان قريب انشاءلله لما نشوف

_______________

آبي
انا عارفه ان خيالي وسع ما اسم البوست افكار تخيليه
:))
ايوه يا حبيبتي انا فاهمه كويس ان امريكا على اقصي تقدير مش قد ايران وعلى اقل تقدير عاملالها حساب
بس فى ظل وجود ابن المهبوشه بوش
او لو جه من بعده ابن المهبوله ماكين
اى حاجه ممكنه

_______________

صفصف
هئ هئ هئ هئ هئ هئ
حنتسكع يا صفصف بس شكلها الكويت حتتمسح خالص لو فضل فى قطر حته سليمه حابقي اجيلك بالناقه اقعد جنبك
:))

________________

بلو وايف

كلك ذوق والله مرسي اوى على المجامله اللطيفه
:))
انا كمان زعلانه انى ماتشرفتش بزياره حضرتك لمدونتى قبل كده

__________________

موووون

ههههههههههههههههههههههه
ايوه يا بت المكنه المقصود بيها مصنع حديد الدخيله بتاع عز بس متقوليش لحد انى قلتلك اصل ديه كلمه السر بيني وبين اونكل احمدي نجاد
اقوله اضرب المكنه هو يفهم ويضرب علطول
:))
اه والله فعلا يا موون احنا معندناش حساسيات ناحيه الشيعه مشوفتش غير مصري واحد بس بيتكلم على الشيعه بغل اوى واكتشفت فى الاخر انه كان عايش فى السعوديه واكيد اتبرمج هناك

يسمع من بقك ربنا عاوزين انقلاب فى السعوديه ونخلص بقي
ونفسي فعلا نجرب بلطجه ايران اصل امريكا مش عاوزه تجيبها البر وتشيل ايديها الوسخه من المنطقه

على فكره والله ماليش فى الحشيش ولا المسكرات بس ديه دماغ تلقائيه انا اجدع واحده تعمل دماغ ذاتيه وتلسع مع نفسها
:))



--> il sognatore <-- says:

“Be Careful what you wish for”

لم أتوقع منك هذه الأمنيات الرقيقة من خلال فترة متابعتى القصيرة للمدونة .. وأرى أن موضوع الحرب والدمار لا يؤخذ بهذه البساطة وموضوع هيروشيما والدمار الشامل وتنطفى على نضافة ده لا أتفق معك فيه إطلاقا

أنا معاكى تماما فى كراهية الهيمنة الأمريكية وأشاركك كراهية دبى لكن البديل الإبرانى أراه أسوأ .. وأحمدى نجاد فى رأيى لايعدو كونه مخبولا مثله مثل مرتضى منصور لا يعى ما يقول ومن الممكن أن يقود المنطقة لكارثة

لكن من الآخر لن يحدث شىء كما قال رئيس جمهورية نفسه فأمريكا لن تفتح جبهة جديدة للقتال خاصة وهى تعلم جيدا مدى قوة إيران



Nsreen Bsunee says:

زى ما عنوان البوست بيقول يا سوجانتورا
تخيلات والله تخيلات
الناس هنا عندي اغلبيتهم متوقعين ضربه امريكيه
والسياسيين فى كل الدنيا روسيا وبريطانيا وغيرها شايفيين ان كل ده كلام فارغ ومفيش حاجه حتحصل من الطرفين
اختلف معاك فى ان البديل الايراني اسوأ مفيش اسوأ من اللى المنطقه فيه دلوقتى على ما اعتقد
لما نشوف ايه اللى حيحصل
سعيده بمتابعتك لمدونتى
نورت
:))



حـنــّا السكران says:

هههه اه يا بنت يا حمشة

ـ شوفي يا ستـّي ..أنا من المؤمنين ان أمريكا لا تجرؤ على الإقتراب من إيران حتى لو ملّكتيها الدنيا .و اللي بيقول دي أمريكا يا عم و مين يوقف بوجه أمريكا ..هؤلاء لا يريدون تصديق أن هناك في هذا الشرق من يستطيع أن يرفع رأسه و السبب بسيط ..أنهم لا يريدون أن يروا أحدا أحسن منهم بمليون مرة و عنده كرامة لأنهم هم مش عايزين يرفعوا راسهم و الواحد لما يكون كده بينزعج لو جاره رفع راسه و صار أحسن منه لأنه بالطريقة هيدي رح يبان هو زي الشمس انه جبان و تافه ..و انت عارفة انه فاقد الشيء لا يعطيه و لا يتمناه لغيره كمان ..خلينا نتكلّم بصراحة .و عشان ما حدا يفهمني غلط ..أنا قومي عربي و قومي حتى النخاع ..عشان كده حانق و غاضب ..و اللي عايز أقوله انه لو إيران كانت دولة عربية كانت أمريكا مسحت فيها الأرض من زمان ..لأننا بقينا أمة بلا كرامة و بلا ضمير إلا من رحم ربي و اللي رحمهم ربي أنا بقصد فيهم المقاومين و المناضلين على امتداد الوطن العربي ..من المقاومين بالبندقية للمقاومين بالكلمة..و هؤلاء مش موجودين في الأنظمة ..إيران نظام عقائدي مؤمن بعقيدته و قضاياه إيمان حقيقي سواء اتفقنا مع هذه العقائد أو اختلفنا ده اخر همّ الايرانيين ..و الشعب الإيراني شعب بأغلبيته الساحقة شعب عاشق للشهادة و بيقاتلوا بطريقة غريبة جدا زي اللي رايح على عرس ..لما جاؤوا إلى جنوب لبنان بعد الإجتياح الإسرائيلي في بداية الثمانينات ( الحرس الثوري ) أطلق الخميني فتواه الشهيرة أن من ينفذ عملية استشهادية ضد الاسرائيليين فهو إلى الجنة مباشرة بدون سؤال أو جواب ..و عينك ما تشوف إلا النور ..لولا يوقفوهم ..كاوا خلصوا بشهر واحد ..الواحد منهم كان يركب على موتوسيكل يفخخه و يروح يفوت بالعربة الاسرائيلية و يفجر نفسه ..و هم أصلا كانوا جايين لتدريب المقاومة و ليس للقتال عشان كده المقاومين ترجّوهم يخفوا شوية و يدربوهم هم و هم بيقوموا بالواجب..المهم إن إيران نظام يحترم نفسه و يحترم قضاياه و يضعها فوق أي حسابات أخرى مهما علت ..و النظام ده عمل من أجل قضاياه طوال السنوات الماضية و استطاع أن يصل إلى درجة تعتبر خيالية بالنسبة لدولة شرق أوسطية غير مدعومة من الدنيا كإسرائيل ..اعتمدت إيران بمعظم ما وصلت إليه إلى جهد و خبرات ذاتية ..الان أي ضربة لإيران يعني حرب عالمية تالتة .. يعني اسرائيل في خبر كان و الأنظمة العربية في خبر أي حرف مشبّه بالفعل ..ما لوش خبر ..و كل هذه الجعجعة ضد إيران هي للتخويف و حرب نفسية ضرورية فقط ..و أنا مش بقول ان إيران ستربح حربها على أمريكا و العالم لا ..أنا بقول إن اي حرب على إيران ستكون فيها خسائر أمريكا و اسرائيل قد تفوق خسائر إيران بكثير ..إيران تحارب على أرضها ..و المجال قدامها مفتوح من أفغانستان إلى العراق حيث القوات الأمريكية و حيث الشيعة الموالين لإيران و الذين سيدخلون حرب عصابات ينهكون فيها القوات الأمريكية إلى الخليج إلى الكيان الصهيوني ..يعني مش محتاجة خط شحن جوي من اّخر الدنيا ..لا ..بتحارب و هي رجليها على أرض حافظاها بصم و مأمنة لأهلها ..بعدين انت فكرك تجربة اسرائيل مع حزب الله الأخيرة ما غيّرت قواعد اللعبة بطريقة لم تكن أذكى مخابرات تتوقعها ؟؟ ..ده حزب ..بضعة اّلاف موجودين في بقعة محدودة جدا ..و بيواجهوا أعتى قوة في الشرق تمدّها واشنطن بخط جوي لا ينقطع ..و داسوا على رقبة اسرائيل ..و اللي يقلك غير كده بيكون زي اللي قلنا عليهم في البداية ..عاجز و مش عايز حد غيره يقدر ..
ـ أما بالنسبة لنظرة الشيعة لإيران ..ده طبيعي يا نسرين ..لأن الشيعة أقلية في البلاد العربية و أي أقلية بتختار لها مرجعية قوية من نفس ملّتها ..أو جنسها ..ده معروف ..و طبيعي ..يعني مثلا ..حزب الله اللي هو شيعي .و أنا بعتذر اني بتكلم بالمنطق المكروه ده ..لو طلب سلاح من أي دولة عربية ( غير سوريا ) فكرك حدا بيعطيه بارودة واحدة ؟؟ و سوريا لها اعتبارات كمان ممكن الحديث عنها بإسهاب في مقام اّخر ..و للأسف ده قانون الدنيا ..خصوصا الشعوب التي تولي المرجعيات الدينية أهمية كبرى ..كل واحد وقت الزنقة بيدوّر على القوي بطائفته و بيتحامى فيه و بيشوف فيه المخلّص ..
ـ ممكن أطلب أغنية في نهاية البرنامج ؟؟



alexandrany says:

ايه يا نسرين الكلام اللي انتي بتقوليه ده
كده غلط
غلط
غلط
لازم تحددي يا ماما
قوليله الدخيله على ايديك اليمين وانت نازل من العجمي
وهتكون على ايديك الشمال وانت طالع العجمي
لازم تحدديله المكان بالظبط ولا تيجي في الناس
عشان لما ينشل ..لازم يصيييييب
هههههه
بالرغم من ان كل المؤشرات بتقول ان ممكن تكون فري حرب قريب
الا اني مقتنع جدا ان الكلام كله تهوييش
يعني من الاخر استعراض قوة
امريكا مش هتضرب ايران
زي ما عملت مع كوريا الشمالية وحاولت تجيبها بالتهديد وبعدين راحت باست الايادي هتعمل بتحاول تعمل كده برضه مع ايران
بس اوعي تفتكري يا سينا ان الحال مع ايران هيكون افضل من الحال دلوقتي
بالرغم من ان الشيعه تلاقي منهم ناس كتير كويسين ومعاملتهم حلوة بس لا تأمن خطر الفكر الشيعي ومحاولتهم لتسيد الفكر العربي الشرق اوسطي
زي ما انتي قولتي كده ماما ايران
بس بالرغم من كده انا عايزه تقوم الحرب من مبدأ
اللهم اهلك الظالمين بالظالمين وأخرجنا من بين ايديهم سالمين
مع اني مش حابب وضع اننا نكون اللقمة اللي في النص بس ده الحال بتاعنا الايام دي وربنا يسترها ان شاء الله



على باب الله says:

أيران ها تضرب إسرائيل بشكل عسكري في حالة واحدة بس

لما أحمد نجاد يتمكن من أنه يعض قفاه

—-

و أمريكا عمرها ما ها تضرب إيران بالذات بعد ما أوباما يبقي رئيس إلا في حالة واحدة بس .. إن إيران تعلن الحرب علي إسرائيل

إيران كبيرها تحارب العراق زي ما عملتها قبل كده

أما إسرائيل .. لا .. مفيش تهديد إستراتيجي حقيقي ليها جاي من إسرائيل

أما الشعارات و الكلام .. فده سعادتك لزوم الثبات علي الحكم .. و ضمان ولاء الرعية


—-



Nsreen Bsunee says:

جو

ايون يا جو بالظبط كده هما هنا بيحاولو يخسفو من قدر ايران عشان حاسيين ان شكلهم بقي وحش وعره العرر اوى اوى وبقو شبه القفا
الشيعه انا مش باقول ان تعاطفهم وانتمائهم لايران غلط انا مستغربه المبدأ بس لانى انا كسنيه مثلا معنديش اى تعاطف او انتماء لال سعود كسعوديه وكدوله
اه ليا مقدسات فى الحجاز بس ده ميخلنيش اناصر ال سعود واقول امين وراهم فى كل حاجه
وبرضه كونى سنيه ميخلنيش اعادي ايران او حزب الله او اى كيان سياسي اى كان الا لو كنت مختلفه مع مواقفه وتوجهاته السياسيه بغض النظر انا طائفتى ايه وهما طائفتهم ايه
يعني اللى مضايقني هو الخلط بين العقيده\الطائفه وبين السياسه

اللى حاصل دلوقتى انهم بيقولو ان ايران مفبركه صور الصواريخ وان ايران ليست بالقوه اللى بتدعيها والدول العربيه كلها حتى سوريا ملهاش اى موقف مساند ومؤيد لايران
مفيش تصريح واحد حتى من عمرو موسي طلع يقول لامريكا كفايه تهديد بضرب ايران
او احنا معترضين على ضرب ايران
كلهم نايميين فى العسل وعايشين دور الميت او دور عبده العبيط
ويوم ما بينطقو بينطقو كفر

اطلب اى اغنيه يا فندم احنا تحت الامر
:))
وسمعنى سلام اجيال ورا اجيال
:))
ايه حكايه الاغاني معاك يا جوو اليومين دول مزاجك موسيقي خالص



Nsreen Bsunee says:

صفصف
ههههههه
مش حتفرق هما يجيبو اى جاسوس سواق تنايه دخيله هانوفيل حيدلهم
:))

مش عارفه ليه يا صفصف مش حاسه بموضوع خطر الفكر الشيعي ده
مش حاسه بالقصه ديه خالص
بتاتا
لدرجه انى ممكن احب واتجوز واحد شيعي
مش شايفه اى مشكله ومش شايفه انهم ليهم اى طموح فى نشر الفكر الشيعي وسط السنه

مش عارفه تفكيري صح ولا غلط بس هو ده احساسي لغايه دلوقتى



Nsreen Bsunee says:

على باب الله

اهلا يا جيمي ازيك
“عايزاك فى حوار”
:))

بص انا عارفه الكلام اللى انت بتقوله ده كويس
بس مفيش حاجه مضمونه
وصياعه احمدي نجاد ديه كلها اكيد مش على الفاضي
واسرائيل عايشه دور الطفل المظلوم الخايف من ايران اللى عماله تهدده وتفتري عليه وده ممكن اوى يحرك بوش او ماكين من بعده لانه يعمل حركه هبله متهوره زى ما عمل فى العراق

متفقه معاك ان احتمالات الحرب حتقل اوووووووووى لو اوباما مسك امريكا



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: