Nisreen85’s Blog











{July 8, 2008}   انتحار شعب

من فتره طويله قرأت قصه القس المزعوم”جيم جونز“وعمليه الانتحار الجماعي اللى كان هو قائدها المغوار00جيم كان قس مهووس بالجنس والمخدرات اقنع جماعته ومن اتبعوه بالانتقال للعيش فى مكان منعزل تماما عن البشر واباح لهم ممارسه الجنس وتعاطي المخدرات ولفتره كبيره ظنو انهم حصلو على جنه الله على الارض والسعاده الابديه00ولكن مع مرور الوقت ساد الملل والاحباط كل افراد الجماعه وبالفعل استطاع جيم بتأثيره السحري عليهم بجانب حاله الاحباط انه يقتعهم بتنفيذ الانتحار الجماعي فى 1978 م انتحر بالفعل 918شخص كان من بينهم اطفال ونساء وشيوخ اقدمو جميعا على تناول السيانيد السام ومن امتنع او جبن مات رميا بالرصاص00
الملاحظ ان اغلب اعضاء الجماعه كانو من الزنوج اللى كانو فى الوقت ده واقعين تحت اشد درجات العنصريه والظلم والفقر فى الولايات المتحده!!!

تعتبر جماعه جيم جونز من اشهر حالات الانتحار الجماعي ويليها شهره جماعه الوصايا الاثني عشر اللى كانو طائفه من كاثوليك اوغاندا المسيحيين اقنعهم راهب “جوزيف كيبوياتيرا” بان القيامه حتكون ليله 31ديسمبر1999م واقنعهم ايضا ببيع كل ممتلكاتهم والتبرع بيها والاستعداد لدخول الجنه ولكن-للاسف- لم تقم القيامه واصاب اتباع القس المفلسين احباط ويأس شديدين وبدأو موجه من الانتحار الجماعي بدأت فى مارس 2000 بانتحار 530 مسيحي كاثوليكي فى احد الكنائس الكاثوليكيه فى مدينه “كانوجو”الاوغنديه0

وبالبحث في حالات الانتحار الجماعي لاحظت ان دايما بيكون وراها يأس واحباط او هوس ديني متطرف
موجودين في مصر دلوقتى
حاله يأس وفقر واحباط مسيطره على اغلبيه المصريين00وهوس ديني وهوس بما وراء الطبيعه والعوالم السفليه و الجن والميتافيزيقيا

اعتقد ان كل شاب او بنت او سيده او رجل فى مصر هو حاله جاهزه ومهيئه جدا للانتحار لا ينتظرو سوي شخص ك”جيم جونز” له نفس سحره وتأثيره ويا سلام لو قس او شيخ بعمامه حيهرولو وراه من غير تفكير!!اعتقد ان عمرو خالد لو فكر فعلا انه يشجع تابعيه على الانتحار فحيقدر يحقق رقم قياسي يغلب بيه “جونز” و”جوزيف” ويحتل المرتبه الاولي بجداره ويحفر اسمه فى التاريخ00

البدايه كانت قريب لما انتحر اب وابنتيه الجامعيتين بسبب حاله الفقر الشديد اللى اجبرتهم على بيع اثاث المنزل والنوم على الارض وبعد ان تخلي عن مساعدتهم الاقارب والجيران قررو انهاء حياتهم بتاناول عقار ال“لانجوسين” المخصص بمرضي القلب ليتخلصو من عذاب الفقر والحاجه00ونشرت الحادثه على انها حاله انتحار جماعي لاسره فى مصر الجديده00

وبما اننا شعب قرر عدم الثوره والخنوع والخضوع واعتاد عليه فلن اتعجب ان يكون الانتحار الجماعي هو الكلمه السحريه والحل القادم اللى سيبتكره الشعب المصري للتخلص من يأسهم بعد فشل الاضرابات والاعتراضات والانتخابات والعلاوات والحركات الفيسبوكيه والصراخ البلوجري والمظاهرات والوقفات الاحتجاجيه وجهود المنظمات الحقوقيه فنسمع فى الجزيره غدا خبر عن حدوث عمليه انتحار جماعي لبعض اقباط مصر في احد الكنائس التاريخيه وقرر المنتحرون الانتحار تحت ضغط الاضطهاد اللى بيشعرو بيه في وطنهم

وربما يتجمع مجموعه من فتيات مصر داخل حرم جامعي ويهددو بالانتحار لتخليص نفسهم من الم ومهانه التحرش الجنسي الذي اصبح وجبه يوميه يتبرع بها الشباب المصري كل يوم للفتيات

وبالتأكيد ستصل الامور ببعض المعتقلين والاسري فى السجون المصريه الى الانتحار ومن الجائز ان تقرر المطلقات والانسات اللي تعدو سن الخامسه والعشرون دون زواج ان ينتحرو انتحار جماعي بسبب عدم تقبل المجتمع المصري”المحافظ اوى”لهم !!

الشعب اللى يتسحر ويتأثر ب”عمرو باشا خالد” ويفديه بالروح بالدم ويهدر دماء عصام الحضري هو شعب في اتم الاستعداد لتجربه الانتحار الجماعي00كل حي راقي كان او شعبي لا يخلو من دجال او قارئه فنجان وكل بيت لا يخلو من ازمه حقيقيه بدايه من ازمات المعيشه والمرتبات والمصروف والاكل والشرب ومصاريف المدارس انتهاءا بمشاكل غرف النوم من ضعف جنسي عند الرجال هو نتيجه طبيعيه للمشاكل السالف ذكرها او حاله جواز عرفي او هتك عرض00

مصر حزينه فعلا والظروف والاحوال مش مبشره بأي خير واعتقد ان نبره التفاؤل عند البعض هى محاوله يائسه منهم للتشبث بامل مش موجود ابدا على المدي البعيد او القريب00
امضاء00
مصريه محبطه



رئيس جمهوريه نفسى says:

نسرين الاول حمد لله على السلامه ويارب تكونى بقيتى احسن دلوقت
انا قريت البوست ده لما اتنشر فى مجله مصر الجديده بس معنديش مانع اعيد التعليق تانى
كل الى حقدر اقوله ليكى انى الى بيدور على الانتحار عايش لسه يا نسرين بس للاسف الشعب المصرى مات من زماااااااااان وشبع موت علشان كده مش ممكن ينتحر



محمد عبد الغفار says:

احنا كمصريين مهما كان الأحباط فلا نقوى على الأنتحار

الأنتحار ليس من ثقافتنا



محمد فوزي says:

إسمحيلي أضيف تعليق ربما يختلف
مع وجهة نظرك , وربما يتفق لا أدري

انا دائما لا أرى الخطر قادما
من الدين لأنه ببساطه
إتباع تعاليم الدين الصحيحه
سواء في الإسلام أو المسيحيه
لا يمكن أن يخلق إلا الرضا
والأمل والشعور بالسعاده

فيما عدا ذلك لا بد أن
نقيمه على أنه ليس من
الدين الصحيح بغض النظر عن
الشخص الداعي قسا كان أو شيخا
ببذله كان أو بعمامه

وأي مشكلات فكريه أو تطرف أو صراع نشأ بإسم الدين في حقيقة الأمر نشأ
بسبب عنصرية وتطرف أتباعه
وبالتالي احنا كمسلمين ومسيحيين علينا أن نخشى التطرف والتعصب وليس كل من يسحر الناس بكلامه عن الدين

أما فيما يخص إحباط الشعب المصري
فأنا متأكد إن دي حاله مؤقته
متأكد بيقين لا تشبثا بأمل بأنها ستتغير وقريبا

أعتذر للأطاله,
و
ربما الخروج عن صلب ,
الموضوع



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: