Nisreen85’s Blog











{June 28, 2008}   دردشه
    • احمد عز لم اجد فى حواره اى شئ يقنعنى لماذا اصبح هذا الغبي الثرثار السمج من اهم الشخصيات الرأسماليه والسياسيه والحزبيه والبرلمانيه والملوخيه والحراميه اعتقد ان اقل رئيس عصابه فى اى منطقه شعبيه فى مصر سيكون على الاقل فى ضعف ذكاء احمد عز في لقاءه مع منى الشاذلي لم اري سوي طفل سمج حقاً كنت انتظر فى اي لحظه ان يدبدب فى الارض ويبكي صارخاً “ثيبيني اكمل كلامي يا طنط منى ثيبيني اكمل انا عاوث اوضح النقطه تيه يا طنط منى وحياة مامتك
    • الزوبعه الفارغه المثاره حول دور عادل امام فى فيلمه الاخير واتهامه بالتنصر والكفر والخروج على المله كل هذا لم اتوقع ابداً رغم استيعابي جيدا لان في شريحه مش قليله من المصريين اصابهم عدوي الهبل الوهابي وغطيتهم رمال الصحراء بس برضه متخيلتش ان الحاله مستعصيه وبالسوء ده اللى يخليهم يكفرو ويحللو دم فنان عشان مثل او شخص دور رجل دين مسيحي بغض النظر عن اعجابي او عدمه بعادل امام كفنان بس انا متضايقه جدا من اللى حاصل حتى من قبل عرض الفيلم صعبان عليا انى اصدق اننا بقينا بالغباء ده0
    • فى الفتره الاخيره عندي حاله قرف من المتطرفين العلمانيين يوازى تماما قرفي من المتطرفين الاسلاميين او المسيحيين او اى متطرفيين فى اى حاجه اكتشفت ان فيه علمانيين فى منتهى الاستفزاز وقله الادب والذوق وهما السبب فى نفور ناس كتير من الافكار العلمانيه اللى لو اى حد فهمها كويس مستحيل ميقتنعش بيها بس البغال اللى بيدعو العلمانيه كرهونى انا شخصيا فى العلمانيه وفى نفسي
    • عمر الشريف سواء فى لقاءه مع عمرو اديب او فى المشاهد القليله اللي شفتها ليه فى برومو حسن ومرقص بيخليني ابتسم واتحسر على رجاله مصر يخرب بيت الذوق واللطافه والجنتله والرجوله والجمال اللى هو فيهم يالهوي يا ناس عليه وعلى جماله ربنا يديله الصحه وطول العمر بس سؤال يحير فعلا ازاى يوسف اللى اكتشف عمر الشريف هو هو بذات نفسه يوسف اللى اكتشف خالد يوسف ؟؟
    • شيكابالا المحكمه الرياضيه حكمت عليه بالوقف والغرامه 990 الف يورو ما يعادل على الاقل 7مليون جنيه مصري00ا7ا بجد يا زمالك مفيش كلمه تانيه تتقال
    • بما انى فيما يخص الكره الاوروبيه باشجع هولندا اولاً تليها فرنسا فا حماسي للبطوله انتهى بخروج هولندا بس تركيا ابهرتني وكنت باتمنى من كل قلبي انها تتأهل والبطوله فى المجمل رائعه والجمهور يفرح والفرق باستثناء فرنسا كلها لعبت بروح قتاليه تسد نفس الواحد عن مشاهده اى كوره محليه خلال العقد القادم
    • أعتذار لكل من ازعجه اختفائي من البلوجر والفايس بوك فى

      الفتره اللى فاتت واعتذار خاص جدا لمحمود

      رئيس جمهوريه نفسه


حمادة زيدان says:

ايه البوست الجامد ده

مش عارف تلاتة في واحد او اربعة في واحد علشان كدة هكتب الكومينت حتة حتة
أولاً أعرفك بنفسيتي معاكي حمادة زيدان

عز … هو تعبير واضح عن عصرنا الحالي … شوية رجال أعمال طلعوا على السطح في غفوة من الزمن … وعن جهل عز فهو بيعبر عن جهل الشعب كله …

نيجي لموضوع فيلم عادل إمام … ده دليل آخر على تخلفنا الديني اللي بيخلينا نسد ودانا ونغمض عنينا وننقد حتى من الغير الفيلم ما ينزل … والله تخلف بجد وربنا يحوش

العلمانين المتطرفين … أعتقد أنهم بيقوا أشد هجوماً على الدين الإسلامي من الغرب نفسه … ربنا يهدي

شيكابالا … مليش في الكورة

وسلاموز بقي احسن انا طولت عليكي وبعد كدة هتطرديني



بحب السيما says:

ينفع كده يعنى تخلى الفار يلعب فى عبى .. انا قلت السعوديين اضايقوا من البوست بتاعة الخدامة الاندونسية قاموا خطفوكى
:}


سؤال يحير فعلا ازاى يوسف اللى اكتشف عمر الشريف هو هو بذات نفسه يوسف اللى اكتشف خالد يوسف ؟

احب اضيف حيرتى على حيرتك واقول ازاى يوسف اللى اكتشف محسن محى الدين هو هو بذات نفسه اللى اكتشف م هانى بيه سلامة الله لايسلمه ؟



بنت القمر says:

كده كده
رئيس جمهوريه نفسي بس
منك للي كلت الفار الابيض
بالنسبه للبوست رايق وراكز وعجبني اوي خصوصا حته المتطرفين العلمانيين
انت ميته مقتوله
من دول او دوكهمه
تحياتي ويا رب دايما بخير



واحدة مفروسة says:

طيب انا ارد عن انهو موضوع؟؟؟؟
تلاته مره واحده
يعني اعلق على واحد و اخرج و ارجع اعلق على التاني وهكذا
ولا اكتب التعليقات التلاته بعض زيك

المهم االلي اسمه احمد عز
ما قدرش اقول اكتر من ان كل قصير لئيم

اما الفيلم
عايزه اروحه
عمر الشريف طول عمره زوق
حد بقى مننا اتعلم الزوق ده منه؟؟؟

انا بكره التعصب فى كل حاج حتى الكوره

اما الكوره فانا ماليشئ فيها نهائي



جبهة التهييس الشعبية says:

عمر الشريف ده عثل عثل عثل



عم مينا says:

حلو قوي البوست ده و لو اني مختلف معاكي في موضوع خالد يوسف ده
اما بالنسبة لموضوع المتطرفين العلمانيين فانا معاكي ١٠٠٪.. التطرف موجود في كل حتة و زي ما فيه ناس متعصبة للدين.. فيه ناس متعصبة ضد الدين و للأسف الناس دي هي الي مدية للناس فكرة وحشة عن العلمانية لانهم ببساطة ما فهموش المخزي الرئيسي ليها



mado80 says:

نســـــــــرين
حمدالله علي السلامه
بجد الواحد كان في قمه القلق لما دخلت المدونه ولاقيتها مقفوله لأ والفيس بوك كمان حاجه تخض طبعا جدآ
إن شاالله تكوني بخير

بصي يا نسرين بوست هايل ومتفق معاكي في كلمه قلتيها وخصوصا موضوع التطرف العلماني ولو كان فيه حد فعلا منفر الناس من العلمانيه فهما العلمانين أنفسهم فعلا

مش عيب ابدا إن أبقي علماني ومسلم أو علماني ومسيحي
مش شايف أي تعارض بين العلمانيه والدين للأسف المتطرفين سواء من العلمانين أو المتدينين هما اللي بيخلقوا هذا التعارض

مهاتير محمد صاحب نهضه ماليزيا الكبيره كان دايما يقول أنه علماني مسلم

كمان أنا مستريح جدآ لتقسيم المسيري للعلمانيه
علمانيه جزئيه لاتتعارض مع الأديان أو الأخلاق
وعلمانيه شامله تتعارض مع كل دين أو خلق وتحول الأنسان لمجرد سلعه أو شئ

نسرين كل التحيه وكل التقدير لكي
بوست أكثر من رائع



رئيس جمهوريه نفسى says:

العزيزه نسرين بسيونى بما ان العبد لله المعنى باخر البوست فحبتدى بية وحقولك مالهوش اى لازمه الاعتزار لانى بين الاخوات الكلمة دى مالهاش محل من الاعراب اصلا
——————
موضوع البوست
عارفة يا نسرين كل ده بيدل على انى احنا عايشين فى زمن مالهوش ملامح زمن مسخ
شوفى فى مصر القديم افرزت واحد راسمالى بقيمة طلعت حرب والى عملة وقارني ال عملة بكل رجال الاعمال والراسمالين الحالين حتعرفى الفرق بين مصر زمان ومصر دلوقتى حاجه تسد النفس صح المكشلة مش فى كونة رجل اعمال المشكلة فى الحيز الى متاح ليه مع غباءه ده فى التحكم فى امور البلد فى مجلس الشعب
افتكر فى الستينات او السبعينات اتعرض فيلم اسم لقاء هناك عن قصه الكاتب ثروت اباظه بطولة نور الشريف وسهير رمزى وقام نور الشريف بدور ملحد فى الفيلم ده حسب دور البطل فى الرواية ومتهاجمش بس برضه زمن المسخ الى احنا فيه الى عايزين يقتلوا اى ناحية ابداعيه رغم تفضيلى للراحل احمد ذكى عن عادل امام والهجوم ده دليل على انى النار تحت الرماد فى علاقات المسلمين بالمسيحين فى مصر مش زى ما بتظهر فى صور البابا وشيخ الازهر
موضوع التطرف بصى لاى حد يا نسرين متطرف حتلاقية عبارة عن بغباء بيكرر حافظ مش فاهم والنموذج ده موجود فى كل التيارات الفكرية حد بتعجبة الكلمه بيختارها وكان الله بالسر عليم بيردد من غير فهم شوية مصطلحات براقة
موضوع شيكابالا بغض النظر عن اهلاويتى طبعا بس والله العظيم ماساه فاضل انى حاجه من الاتنين تحصل يا ننقل الفيفا هنا يا يروح الاتحاد واللاعيبه المصريين سويسرا المشكلة انى حازم اعتزل شيكابالا حيتوقف اربع شهور يعنى مشكلة كبيرة جدا فى مركز صانع الالعاب وخصوصا انى جمال حمزه مزاجى فى لعبه ومش بيفيد الفريق
للاسف ما سمعتش ولا ماتش اوروبى الدورة دى علشان ميعادها بيكون نفس ميعاد المكتب بس حاجز بكرة واسمع النهائى وامرى لله
حمدلله على السلامة



محمد الكومي says:

انا على بلاطة كدة و من الاخر جاي اشمت فيكي في موضوع شيكابالا لاني اهلاوي و فرنسا لاني بشجع ايطاليا – قال يعني فلحت هي التانية –

بالنسبة لعمر الشريف
فعلا نحس انه راجل متصالح مع نفسه كدة و جميل

العلمانيين المتطرفين

مصر اصبحت لا تعترف بالوسطية في اي شئ رغم انها مهد الوسطية و الاعتدال في كل شئ

تحياتي



appy says:

ورجعت بقوة وضربت الارض بأرجلها
بس مش هقولك اكتر من كده



راجى says:

ايوه كده هى دى رينا بتاعتنا زى الفل واحسن من الاول
وعلى فكرة التطرف وحش خصوصا عند مشجعى الزمالك
:)))
وحشتينا



ابو احمد says:

انا جيت أقولك حمدا الله على سلامتك
ومش فاهم يعنى ايه متطرف علمانى
تحياتى



فاتيما says:

نسرينا
يا بنتى أنا كل حبة كدا إكتشف أن دماغك زى دماغى
فى حاجات كتير
أنا كمان بقيت بتقبض لما أشوف الناس اللى شمال قوى و يمين قوى دول
طرف قاعدين بس عشان يحرموا علينا العيش و العيشة و اللى عيشنها
و الطرف التانى فاتحها على البحرى لأبعد من فكرة الأنحلال بمراحل
حاجة بقت تحزن
أن مصر هما دول اللى حاكمينها
سياسياً و فنيا و ثقافيا و على كل المستويات
مش عارفة أقولك إيه
الله ينور على البوست دا
بوسة على خدك
و حضونة



محمد عبد الغفار says:

سيبك انت

هى ديتها ان الواحد يقع من طوله وخلاص شكراً على كده



ابتسم من فضلك says:

اروع بوست قريتة بجد انت مدونتك كلها روعة اصلا
هاااااااااااااايل
انت فعلا…………..؟
حط مكانها اى كلمة اعجاب تحبها



alexandrany says:

حمدالله ع السلامة
يا سينا



17MeD 3L1M says:

معاكي حق والله
في حكاية خالد يوسف ده
بجد من بعد فلم الريس عمر حرب قررت اقاطع اي حاجه فيها ريحة الرجل ده
…….
احمد عز شكلك اساسا متغاظه منه من قبل ما حتي يتكلم في البرنامج ده
قاعده ادام الشاشه قرفانه وبتبوصي بتحفظ وترقب ومستنيه اي كلمه ليه عشان تعلقي عليها
……..
مصر بقت بلد الكوسه فعلا بس مش كوسة الواسطه والمحسوبيه
انما كوسة الاديان والمعتقدات الناس تاهت والعقول خربت

شيعه وشيوعي وعلماني وملحد
وبهائي ووهابي
وشواذ وما خفي كان اعظم
….



يا مراكبي says:

حلوة الدردشة دي .. أنا بجد بأعرف أخبار الدنيا من المدونات لأني بعيد عنك ما شفتش تليفزيون من شهور طويلة

المهم

عايز أرجع لموضوع اليأس يقتل .. اللي قولتيه هناك ده حقيقة للأسف .. أنا بعد أول سنة غربة إكتشفت إن الناس خلاص إتعودت على عدم وجودي وبالتالي بيتعاملوا معايا على هذا الأساس حتى لو نزلت أجازة .. كأنهم بيقولوا ما فيش داعي للتغيير كلها يومين وهيمشي وهيرجع الوضع كما هو عليه: هو مش موجود

وبالتالي قساوة القلب بتكون متبادلة للأسف



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: