Nisreen85’s Blog











{June 13, 2008}   اليأس يقتل

من سنه ونصف فقط كنت اظن نفسي اسعد مخلوقات الارض

كنت أعيش مع أمي لي حبيب مخلص وحنون وأصدقاء اوفياء لم أواجه ازمات او مشاكل بالشكل المعروف بل كانت كلها عثرات يوميه كالتى تقابل اى شخص

ومنذ سنه ونصف فقط بدأ كل شئ في التغير وبشكل مفزع حاولت ان احتمل لفتره طويله ولكن طاقتى نفذت خلال ال18 شهرا الماضيين

بدأ الامر بتذكر ابي لى فجأة ورغبته فى ان اعيش معه خارج مصر رغبه لم تكن -للاسف- حباً لي او رغبه منه فى التقرب من ابنته التى لم يعرفها لعشرون سنه ولم يعرفها ايضا فى السنه وةالنصف التى عاشتها معه كان كل الامر عنداً فى أمي التى ثارت فى البدايه ثم هدأت بعد ذلك ورأت ان ربما سفري مع ابي يعود علىّ بالسبع فوائد المزعومين للسفر

فى البدايه كان الكل مشتاق لي حبيبي يبكي كلما سمع صوتى على الهاتف ويستحلفني بالله ان “آخد بالي على روحي”ويمطرني برسائل الsms

وأصدقائي يشاركونى كل اخبارهم ويتذكروني فى كل مناسبه وبدون مناسبه ويفاجئونى بايميلات بها صورهم مع تذكيري بان الصوره ناقصه لانى لا اشاركهم اياها

وأمي تشاركنى كل تفاصيل الحياه اليوميه-وربنا يخللي الماسنجر اللى بيخلينا نتكلم ونشوف بعض-

كم استمرت هذه الحاله

ربما 6شهور على اقصي تقدير حتى بدأو بالتلاشي او بمعنى أدق بدأت انا بالتلاشي من حياتهم

الازمه الحقيقيه انى لم اكون اى حياه هنا بقيت بروحي وقلبي واعصابي فى مصر لم اكون صداقات ولم اتكيف مع الشوارع او اماكن الترفيه ولم أتأقلم مع ابي واسرته واصدقاءه

بقيت انا هناك

فلم يعد لى شئ هناك ولم يصبح لي شئ هنا

في فتره ما سابقه شهور قليله الى الخلف كنت اظن انى ممزقه بين هنا وهناك

أخذ منى الأمر بعض الوقت والوضوح مع النفس والواقعيه لكى استوعب انى لست هناك ولم اكون يوما هنا

حتى الحنين لم يعد موجود

لا احن لمصر الان ولا احن لغرفتى هناك ولا الى حبيبي الذي يعانى من ذاكره ضعيفه وقدره يحسد عليها على -لحس كلامه-لا احن الى قطتى “لوكا”ولا الى شاطئ العجمى ومقاهى بحري ونادي الاتحاد والفلاح للكبده وبيسترو شارع فؤاد-اللى اخد منى راقات-

هناك رباط مقدس بيني وبين امى واخوتى ولكن لم يعد هناك شوق او حنين من كلا الطرفين

هم تعودو على غيابي وانا قسوت نتيجه لتعودهم

تبدل شعور الحنين الذي سيطر علىّ لفتره طويله الى شعور باليأس

يأس يأكلنى من الداخل ويؤثر عليّ جسمانياً قبل نفسياً

هل ابالغ لو قلت انى اشعر حاليا بالاحتضار او انى اعيش حاله احتضار فعلا لكنها طويله الى حد ما

ربما ابالغ!!!!!

لا اعرف حقاً

ما اعرفه واعيه تماما انه لم يعد لى اى رؤيه مستقبليه ولا اى امنيات للغد فكل يوم هو لى يوم ليس له غد فاليوم هو هو أمس وهو هو غد0



online lottery says:

Considering the fact that it could be more accurate in giving informations.



Che The Hermit says:

عارفه الحالة مش غريبة عليا
بحاول اتخيل اللى انتى فيه واقارنه بيا كطالب بسافر الزقازيق م القاهرة 3 ساعات بالسوبر جيت او القطر
امال بقي انتى هيكون الحال ازاي
فعلا كل كلامك حصل تقريبا معايا بتفاوت

وكمان حالة اليأس وانعدام الامل دي والله

بس خلي بالك ان فى حد محتاج اوي اكتر من الناس كلها اكتر من اللى هنا ولا اللى هناك

انتى محتاجه نفسك اوي خليها مش محتاجه لحد غيرك انتى لا اللى هنا ولا اللى هناك والحبيب لو ما استناكيش بكل شوق وحب الدنيا ما يستاهلكيش

بلاش حاله انعدام الروح زي ما بسميها او الاحتضار زي ما سميتيها دي تأثر عليكي وتغلفك

خلي نسرين تعيش علشان نسرين فى المقام الاول

هتلاقي دايما فى جديد وحاجات تعمليها تفيد ناس لو مش لاقيه وعايزة تعملي جديد شاركي معانا فى حملة اقرأ تكون واكيد يكون فى جديد

عارفه كمان اول حاجة جت فى بالى وانا بقرأ جملة كنت قريتها لعمر طاهر بتقول ” الغياب – زي الرياح بنزود حريقة ف غابة وبتطفي شمعه على ترابيزة – بيقوي قصص الحب الكبيرة وبيقتل قصص الحب الصغيرة “

ربنا يسعدك دايما

تحياتي كتير
تشي أحمد



فاتيما says:

موش عارفة ممكن أقولك إيه و يفرق معاكى يا نسرينا ؟؟
جمود القلب و القساوة دى من وجهة نظرى – وأنا إتغربت عن أهلى ست سنين عجاف غربة حقيقية مفيهاش حتى جوابات و لا تليفونات و لا ماسنجر –
بقول القساوة دى مؤقتة
و إحساسك بيها متضخم
لأنك موفقتيش على حاجة من البداية
و كنتى مرغمة
موش قادرة تستمتعى بأى شىء ممكن يسببلك متعة
طبعا الحل الجذرى إنك ترجعى
بس واضح إنه مينفعشى حالياً و إلا كان حصل
بس عاوزة أقولك إنك يوم ما ترجعى
هتلاقى إسكندرية بتحضنك
و كأنك مسبتيهاش يوم
و الناس اللى أنتطرتى منهم رد فعل
و خذلوكى مرغمين أو ندالة
هتعذريهم و تسامحى
أنا حاسة بيكى و الله
بس موش عارفة أقدر أقول إيه ؟؟
ربنا يطمن قلبك
و يهدى نفسك
يا رب
تحياتى يا نسرينا
و مبروك على الشكل الجديد مع إن موش وقته و إنتى مقريفة بس حلو قوى و ناعم و ماشى مع شخصيتك أكتر من القديم
تحياتى



Che The Hermit says:

سوري بقي تعليق تاني

التمبليت بتاع البلوج دا انا كنت معجب بيه جدا لما كنت بغير التمبليت بتاعي بس لقيت البنت كنت هاخد التمبليت واخليها ولد بالفوتوشوب بس قولت مش مهم بقي نشوف غيره

التمبليت رااااااااااائع للغاية

تحياتي مرة كمان
تشي أحمد



راجى says:

لازم تكونى واقعية ورجليكى على الارض
ودايما تتلمسى الاعذار للناس مهما عملوا ومهما شعرتى بالياس
ويمكن لو بصيتى بعيون اللى بتلوميهم تلاقيهم بيحطوا عليكى اللوم وازاى انك مقصرة فى حقهم
طبعا لا يوجد حلول جاهزة او اجابات لكل مشكلة لان المشاكل زى اى كائن حى تولد وتنمو ثم تموت فخلى عندك صبر تلاقى المشاكل حلت نفسها بنفسها



appy says:

كده يا رينا تخلينى اعيط على الصبح
وانا فين مت خلاص يعنى بالنسبه لكى ولا ايه
اخص عليكى رينا عدى كل الحاجات دى صدقينى هتعدى لما تفتكرى ان فيه ناس بتحبك بجد وانتى عارفه
الله يلعنها غربه ويلعن ابو العند اللى فى دماغ الناس



appy says:

على فركة حته هزار بقى وبطلى رخامه لو النكد ده كان هيخليكى تغيرى شكل البلوج من بدرى كنت نكدت عليكى مبروك اللوك الجديد عقبال ما يحصل لوك جديد فى حياتك



haneen says:

نسرين يا حبيبتى ايه السواد دا على الصبح بقى انا اقعد كتير ما ازوركيش ولما آجى الاقيكى وصلتى للمراحل المتقدمه دى وبعدين كلنا جنبك يا جميل يا اسكندرانى انت دا انا بقول عليكى انك اقوى واجدع بنوته من مصر ياللى ” ما بين النون والنون سرك” ربنا يفرج عنك الكرب والاحباط ويسعدك دايماً صدقينى الحاله دى عند الناس كلها بس لازم نكون اقوى من كده ونتحدى اليأس ولا ايه
سلام يا قمر



أفندينا says:

نسرين
كل ما يمكنني قوله لك أنت تحددي بينك وبين نفسك ماذا تريدين وهل الأفضل لك هناك أم هنا … وصدقيني دوامة الحياة ربما تشغل الأحباء عن بعضهم ولكن تبقى المحبة في القلب لحين اللقاء
عموماٌ يا ستي لو قررت ترجعي هنا حنظلمك رحله سياحية تبدأ بالفلاح بتاع الكبدة ثم كوب تمر هندي من خروب آمال ثم أرز باللبن بالآيس كريم والمكسرات من عند الشيخ وفيق … ههههه إيه رأيك



EmY says:

ايه ده مش معقول نسرينا هي الي كاتبا الكلام ده

فين عشمي فيكي يا حبيبتي انك بطله و مايهزكيش اي حاجه

دي حاله عاديه بتمر باي حد

و في مثل بيقول كتر البعد يعلم الجفا

بس انتي هاتكري ان ليكي صحاب مننا ولا ايه ده انا اتاويكي كده

انتي وراكي رجاله يا رينا

تحياتي يا قمر



mado80 says:

نسرين

كلامك مؤثر جدا
أنا مش عارف أقلك إيه
أنا مش عارف أتكلم أساسا
أنا قريت البوست كذا مره

بس فعلا أنا مع فاتيما في كل اللي قالته
يوم ماهترجعي هتلاقي إسكندريه كلها بتحضنك
ممكن برضه يا نسرين تلتمسي للناس العذر الحياه بقت صعبه جدا يا نسرين وكل واحد عنده مشاكل ياما
أنا بس عاوز أقلك حاجه إنك لو تقدري ترجعي حتي لو فيها تضحيه يبقي لازم ترجعي

ربنا يوفقك ويحل كل مشاكلك يا نسرين
😦
😦
😦

نسرين أنا واثق إنك هتقدري تتجاوزي محنتك دي … إنتي أقوي من كده بكتير



alexandrany says:

Seena

مالك يا بنتي في يه؟
احنا مش اتفقنا قبل كده وقولنا
هاتعدي
صح ولا مش صح؟
هاتعدي ..بتاخدنا الايام وتعدي ..على اد ما تاخد على اد ما تدي
وان طال الحزن عليا..هاضغط على جرحي واعدي…وهاتعدي يا سينا

ثم على رأي آابي
مش عيب عليكي كده واحنا معاكي
ياللا عايزين بوست مصالحه بقي
🙂



soly88 says:

انا قريت ردودك على اسئلة التاج
وبعدين قريت البوست
وبعدين قريت ردود اصحابك
وبعدين اقدر اقولك انت قويه ومفتريه
تحياتى



بنت القمر says:

فترة وها تعدي يا عزيزتي الحزن زي الموج يوم بيعلي ويوم بيدوب
بنا يفك ركبك

وبعدين مش احنا اتفقنا نحول نستفيد من المرحله دي
ونحاول نخليها مجرد مرحله
🙂
علي فكرة تعليق راجي حلو اوي
مش اكتر
عارفة يا نسرين في مثل بيقول ان جالك الغصب خده بالرضا
يعني لو انتي مضطره دلوقت تقبلي الظروف دي حاول تستفيدي منها
صحابك راحوا عندك صحاب جداد علي النت
حبيبك راح مش مشكله ربنا يبعت اللي احسن منه واكيد ما يستاهلكيش
استفيدي من السفر اقصي استفاده عشان تقدري ترجعي بسرعه
وتعيشي وتعوضي اللي فاتك
ربنا معاكي يا عزيزيتي



فؤاده says:

جميله يا نسرين
التدوينة ده خرجتني من حالة الاعتزال اللي انا فيها وخلتني ارجه اعلق تاني
انا حاسس كل حاجه في الموضوع ده
انا كمان مريت بنفس المرحلة
وبرضه تقريبا سنة ونص ، والغريبة انها كانت الكويت برضه
الغربة بتقسي القلب بطريقة غريبة
مصر كلها تحولت عندي لشخص واحد بس ، امي
بس الفرق بينا ان الفترة ده من احلى فترات حياتي واستغليتها كتير واستفدت من فوائد السفر-الغير مزعومه- وكونت صداقات وتاقلمت مع البلد
ورجعت مش زي ما سافرت خالص
واكيد ده حصل معاكي
السفر ليه اثاره السلبيه مفيش شك ، زي موضوع الارتباط ده مثلا وده حصل معايا
بس حاولي تعيشي التجربة وتحبيها اكيد هتفرق كتير
معلش اتكلمت كتير بقالي كتير مش بتكلم



رئيس جمهوريه نفسى says:

مش عارف اقولك ايه يا نسرين بس لو انتى حاسه انك بتضيعى وانتى بعيد عن مصر اعتقد انك بقيتى فى سن تقدرى تقررى فيه انتى عايزه ايه ومش قاصر ولو حبيتى تاخدى اول طياره على مصر محدش حيقدر يقولك لا
نسرين تماسك الانسان بحلمه او بالى هو عايزه تماسك علشان نفسه مش علشان الى حواليه بس حاولى تتماسكى علشان نفسك وشوفى انتى عايزه ايه واعمليه بدون تردد هى حياة واحده فبلاش تستلمى للحزن وتضيعها منك
مبروك النيولوك بس القديم كان عجبنى اكتر الى قبل ده



Anonymous says:

انتي قلتي اصل المشكلة في نهاية الموضوع

الهدف

خلليهم كلهم على الهامش …لا تمحيهم ابدا…ولكن ضعيهم على الهامش

وخلي ليكي انتي هدف…هدفان وليس هدف واحد فقط…..واحد قصير المدى…وواحد طويل المدى

واشتغلي عليهم

وليكون الهدفين تستغلي فيهما احسن قدراتك واهمها….مفيدين للناس وليسا مجرد تقضية وقت…ومرضيين لله

وقتها ستجدي ان وحدتك هذه كانت مفيدة ايضا….ووقتها باذن الله ستتذكري هذه الأيام وتبتسمي

دمتي بخير



Anonymous says:

امحي فقط من نساك هذا…لانك بالنسبة له كنتي اياما سعيدة- له – ومضت…ليبحث عن سعادة وانشغال مع آخر..أواخرى



اسكندراني في الغربة says:

من اربع سنين سافرت و سايب ورايا عيلة كبيرة و اصدقاء بجد
وبعد ما كان التليفون بيرن كام مرة في اليوم بقا بيرن مرة كل كام يوم
وبقا عادي ان اصحابي يكونوا كل يوم اون لين من غير ما نصبح على بعض
بعد سنتين كنت وصلت لمرحلة اني مبقتش مهم عند حد
وجت اول اجازة وانا بهرب من فكرة حقابل الناس دي تاني ازاي

مش حاعرف اوصفلك عيلتي و اصحابي استقبلوني ازاي ولا كمية الحواجز الي اختفت بعد ثواني
واد اية السنتين دول كانوا كابوس اختفا بعد اول تمشية عى البحر

البعيد عن العين بعيد عن القلب
بس بسرعة بيرجع جوة القلب لما بيقرب

قسوةالقلب وعدم الحنين نوع من انواع التكيف مع الغربة. بيختفي بأختفائها

اما الرجوع بعد الاجازة فدي مرحلة تانية ليها احاسيس تانية خالص

عارف ان الظروف مختلفة بس الغربة واحدة


جميل الشكل الجديد للمدونة
تحياتي و اسف للأطالة



7ala says:

بتعرفي نسرين؟ إجيت هون بالصدفة ، ومو متذكرة كيف وصلت بس أنا جد مو عارفة شو أحكيلك! صعب كتير إنه الانسان ما يحس بالانتماء لأي مكان ولأي ناس، وإنه يحس إنه مو عارف وين وطنه الحقيقي ووين أهله ووين لازم يكون!

أعتقد إنها فترة وبتعدي يا نسرين، لأنه الله كريم كتير ورحمنا بالنسيان وبالتعود والتجدد.

صدقيني كمان فترة قصيرة حتصيري تعيشي حياة طبيعية كتير وتحسي بمشاعر كنت تحسيها زمان.

الغربة بدها وقت عشان تصير شي عادي بالنسبة إلنا. في البداية بتلخبط حياتنا وبتكون صعبة وبتغير فينا وفي حياتنا كتيييييير لكن بعدين بتصير هي الوضع الطبيعي تاعنا.

الله يخفف عنك يا رب، وإن شاء الله بتلاقي تغيير قريب في حياتك يكون حلو ويضيف لحياتك رونق وشوق ومشاعر حلوة.



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: