Nisreen85’s Blog











{June 7, 2008}   شكرا منير

كان فاضل بس يادوب انى البس توب الدنيا واتوه عنك00لكن قلبي
المغلوب بيخاف ليدوب فى ليالي الشوق بعدك00
ومابين كده او كده مش مرتاح أنا00خليني بقي كده يمكن الهنا
متدارى فى صبري عليك00
مش عايز بكره يفوت وانا لسه باموت والليل عمال يجرح والوحده
تزيد النار وتزيدنى مرار والحزن يبات يصبح
ومابين كده او كده مش مرتاح انا00خليني بقي كده يمكن الهنا
متدارى فى صبري عليك00
Advertisements


رئيس جمهوريه نفسى says:

عارفه يا نسرين
انا وبلف على المدونات مشغل شريط منير طعم البيوت والاقيكى منزله بوست باغنيه بس بجد اختيارك روعة لانى منير غنى دى لمصر
خلينا كده يمكن الهنا مدارى فى صبرها علينا والى بتعمله فينا
اختيارك رائع



Nsreen Bsunee says:

ربنا يخليك يا محمود
منير مسيطر عليا بشكل رهيب اليومين دول
خاصه الاغنيه ديه
هى تنطبق على مصر وعلى الحبيب وعلى حاجات كتير
بنصبر عليها وبنتعب معاها على امل ان ممكن يكون الهنا جاي انشاءلله
:))



محمد المصري says:

أسكن بيوت الفرح .. آه ممكن
أسكن بيوت الحزن .. لا يمكن
ومستحيل يا حُزن راح تسكن
قدر الزمان يفهمنا
آه .. يمكن !!

مش محتاج أتوب لمصر .. يونس لمصر .. سؤال لمصر .. ودلوقتي كان فاضل لمصر

يا جدعان مينفعش كل أغاني منير تبقى لمصر عشان كده الحبيبة مش هيلاقوا أغاني يغنوها 😀

على فكرة البوستر اللي انتِ منزلاه ده أول مرة أشوفه ، مميز جداً وأحسن كتير من البوستر الأصلي ، ناقصه بس شوية رتوش بسيطة ، كان نفسي بوستر الألبوم يكون بالشكل ده بدل عالم البحار اللي حصل

قدر الزمان يفهمنا
آه .. يمكن !!



بنت القمر says:

يعني مش صابره كنت بعمل ساندوتش وجايه
🙂
الاقيكي مشيتي
ماشي ماشي انا مسمعتش الشريط ولو اني اتعقدت منه قبل ما اشتريه وها ابقا اقولك ليه
بعدين
🙂



بنت القمر says:

فين الريدرررررررر!!!!!!!!!!!
عاااااااااااا



HafSSa says:

ايه ده؟ هو انتي كمان علقت معاكي الاغنية دي؟؟
انا محستهاش في الاول لكن مافيش يومين و علقت معايا و هاتك يا سماعها هي بس و طبعاهاتك معاها كلينكسات انتي عارفة ليه
لدرجة اني كتبتها نوتة في الفيسبوك
و اكتر سطرين موتوني من الوجع كانوا

مش عايز بكره يفوت وانا لسه باموت والليل عمال يجرح والوحده
تزيد النار وتزيدنى مرار والحزن يبات يصبح

وحشتيني يا نيسو



بحب السيما says:


مش عايز بكره يفوت وانا لسه باموت والليل عمال يجرح والوحده
تزيد النار وتزيدنى مرار والحزن يبات يصبح

السطرين دول ياحفظة موتو كل مصر والله
منير كان احساسه عالى اوى اوى اوى فى الكوبليه ده
الالبوم كله على بعضه حالة عجيبة كده من السحر .. انا ماشفتش البوم لمنير الناس كلها مجمعة عليه قد طعم البيوت سواء المنيريان القدام ولا جيل مابعد عشق البنات ولا حتى اللى لسه جايين جديد الا والشريط معلق معاهم
فعلا شكرا يامنير

مبروك على النيولوك الجديد يانسرين
جامد جدا الصراحة



appy says:

انا لسه بعمل له دونلوود اسلام بيقولى حلو معلش عسر سمع عادى يعنى انا اللى متاخره هههههههههههههههههه
مبروك فكك شويه للون الاسود يا حبيبى اللى عملاه على البلوج بحس انى داخله بيت الرعب كده حلو قوى يا شيخه



m5m says:

بقالى أسبوع مش باسمع غير الألبوم ده

منير حايفضل رائع…ربنا يخليهولنا
.
.
.
واحشانا يا نسرين



mado80 says:

طبعا شكرا منير

حلوه أوي الأغنيه اللي إنتي كاتباها

تحياتي ليكي يا نسرين



Dr. Eyad Harfoush says:

عزيزتي نسيرين
الفارق بين فاتن و حنان ترك، كالفارق بين منير و تامر حسني، كالفارق بين اسكندرية الستينات و اليوم، كالفارق بين ما هو طبيعي و أصيل و جميل، و بين ما هو مصطنع و مفتعل و دميم، كالفارق بين جيل الثورة و جيل يريد أن ينتخب عمرو خالد رئيسا للجمهورية لو أتيحت له الفرصة
تحياتي و تقديري



واحدة مفروسة says:

إإهئ
انا مش سمعت الاغنيه ولا الشريط
لسه مش جبتهم و بيقولوا عليه شريط جبار



يا مراكبي says:

تحت الياسمينة ف الليل

نسمة والورد محاكيني

الأغصان عليا تميل

تمسحلي من دمعة عيني

******

أنا لسة ما خلصتش الأغنية دي بقى لي 3 أيام .. بعد يومين ممكن أبدأ أسمع أغنية تانية .. الألبوم تحفة بجد .. مليان إحساس



حـنــّا السكران says:

الله عليك يا نسرين

و الله على منير

جعلتما صباحي أجمل الان

صباح الورد



مواطن مصري says:

الملك هو الملك

فيي حفلة لمنير
يوم 11 في شهر 7
و التذاكر هتنزل يوم 2 ب 35 جنية
في الاوبرا



محمد الكومي says:

منيييييييييييييييييييير ده بوووووووووووووووب كبيييييييييييييير

منيييييييييييييييييييييييييييير

للابببببببببببببببببببببببببد

يا نسرين انا ملك الكبدة بس غيرت اليوزر و البلوج و دول الجداد



alexandrany says:

انتي يا بنتي على طول كدهخ غواية تعذبي في نفسك وتعذبينا معاكي
مش قولتلك كذا مرة بطلي تسمعي الاغاني الممنوعه دي عشان الموود بتاعك مش مستحمل
ما علينا
حلو البوستر
وحلوة الاغنيه بتاعه ورده
ومبروك البروفيل الجديد بتاع المدونه



ادم المصرى says:

بصو ومل اخر مع منير محدش هيقضر يسد ودانو مل اخر الشريط ده جاب من الاخر ولو حد عايذ اى تفسير لى اى كلمه انا فى اى خدمه
وشكرا يجميل على البوست الى هشيلو على دماغى وخلى بالك انتى حطيتك فى دماغى بسبب منير ده هنملك على باب المدونه بتعتك
ههههههههه
***********
اتمنا زياره مدونتى



The Innocent says:

شريط جامد وجه في وقته. كنا محتاجين نغسل وداننا من القرف اللي على الأرصفة.

تحياتي



اسكندراني في الغربة says:

الراجل دة انا بشكرة من اول شريط سمعتة لية كان اسمة مشوار

تحياتي



د/أبويحيى وادم says:

السلام عليكم ورحمه الله وبركاته
آختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم



Mohamed Hamdy says:

اغانى محمد منير هى خليط من الدين والصوفيه والفلسفه وقد انسحقت فى خلاط واحد عبقرى هو حنجره هذا الرائع

تحياتى



.:.-=- ELGaZaLy-=-.:. says:

ومابين كده او كده مش مرتاح انا00خليني بقي كده يمكن الهنا
متدارى فى صبري عليك00
—————————
عارفة يا نسرين
منير مش بيغنى منير بينطق بارواحنا…بجد شكرا منير على كل لحظاتنا الجميلة والحزينة…



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: