Nisreen85’s Blog











{May 28, 2008}   كفايه نورك عليا

امبارح كان عيدميلاد فاتن حمامه التمانين

كل سنه وهي طيبه

عاشت اجمل 80 سنه من الممكن ان تعيشها أمرأه

اعتقد ان ابسط واسهل طريقه ممكن نحس بيها الفرق بين دلوقتى وزمان هو المقارنه بين شخصيه فاتن حمامه وشخصيه حنان ترك

!!!!!!



فاتيما says:

إشمعنى حنان ترك يا نسرينا ؟؟
مفيش مقارنة بينهم حتى فى البدايات …
كفاية إن فاتن حمامة جت فى وقت اللى تشتغل فنانة دى تبقى فضيحة موش زى دلوقتى ؟؟
ياسلاااااام
أنا بموت فى فاتن حمامة أصلا تقوم تطلع من نفس البرج بتاعى ؟؟
ميرسى يا جميلة على المعلومة دى
و ميرسى إنك بتفتكرى الناس الحلوة
و ميرسى أكتر إنك حطيتى صورتها مع يوسف شاهين العبقرى



محمد عبد الغفار says:

فى طرق كتير بس دى سهله فعلاً

انما ياترى فاتن حمامه لها نفس الراى فى عمرها اللى عاشته



واحدة مفروسة says:

كل سنه و هى بخير و سعاده يا رب
فاتن حمامه انسانه جميله و ناعنه جدا و نعوميتها هيه اللى حببت الناس فيها
يلرين الناس لما تحب حد كويس لا يختلف عليه اتنين يحاولو يقلدو اسلوبه
الهدوء فى التصرفات و الهدوء فى التفكير و الرومانسيه
كلها حاجات جميله يارب الناس كلها تتمتع بيها



Nsreen Bsunee says:

فاتيما الرقيقه الجميله
:))
فاتن الفنانه الملتزمه اللى بتحب فنها بجد اللى عمرها ما قالت تصريح يحسب عليها وكان ليها موقف لا ينسي تجاه عبدالناصر عندما تركت مصر ولم تعود الا بعد وفاة ناصر لانها رفضت التعاون مع جهاز مخابراته اللى رغب فى تجنيدها

وحنان ترك قضيه دعاره وقضايا فى المحاكم كل يوم والتانى لاسباب تافهه لاتذكر اصلا وتصريحات مستفزه مستفزه خاصه بعد حجابها انعدام الثقافه والذوق والحس الفني

الزمن اللى يجعل واحده زي حنان ترك نجمه صف اول بعد ما كان يوم من الايام ماجده وفاتن وسعاد نجوم الصف الاول اكيد زمن وحش اوى

بس شوفتي يوسف زى القمر ازاى فى الصوره ديه
كانت بيحب فاتن اوى اعتقد انها اكبر حب فى حياته وحاول الانتحار عشانها كمان
:))



Nsreen Bsunee says:

استاذ احمد

اعتقد ان فاتن لها نفس الرأي
زواج وقصه حب قالت هى عنها انها حلم جميل لم تكن تتمنى ان ينتهي لمده اكثر من عشرين عام هى وعمر الشريف
وابن ماشاءلله وحفيد جميل
وتاريخ وجوائز وتقدير ادبي ومادي حصلت عليه طول عمرها وحب الناس ليها
وتعاملها مع كبار الفنانيين والمخرجين
لها 15 فيلم من اعظم 100فيلم فى تاريخ سينما مصر
يااااه حاجات كتير اوى واهمها انها حافظت على صورتها وشخصيتها فى الوسط ده وتميزت وخلدت نفسها واعمالها للابد
يااااااه كل ده فى 80 سنه بس ده الواحد بس بيتمنى يعمل ربع اللى هى عملته
:))
هى اكيد حاسه كويس بقيمه السنين اللى عاشتها وبقيمه اللى هى حققته

شرفتني بزيارتك



dodda says:

يا شيخه حرام

مالك بس ومال حنان
الى بيحصلها ده ضغوط
ربنا يسترها معاها

ومين بقى الفنانه المثقفه فى الزمن ده؟؟؟
عاده عادل؟؟والا منى ذكى؟؟
والا نيللى كريم؟؟؟؟

انا بحب فاتن حمامه
شكلها رقتها
بس يعنى مضربش بيها المثل فى الثقافه
ولا تكون مثل اعلى!!!!



Nsreen Bsunee says:

واحده مفروسه
لو كل بنات وستات مصر بقو في رقه ونعمومه فاتن حمامه كانت الدنيا بقت حاجه تانيه خالص
:))
يا ما الواحد نفسه يلبس فستان وجوانتى وشابو وكعب عالى وايشارب حوالين الرقبه ويركب عربيه مكشوفه جنب شاب مصري صميم زى احمد رمزي ويسمع اخر اسطوانه لمحمد عبدالوهاب ويشرب قهوه زياده فى نادي السيارات
:))
كان زمن ياريتني عشته ياريت



Nsreen Bsunee says:

دودا

مفيش ولا واحده منهم مثقفه ولا فنانه عدله اصلا
ولا اى واحده فيهم تييجي جنب فاتن او زمنها حاجه
اللى بيحصل لحنان ضغوط من مين
هو اللى عليه ضغوط يهبل ويعبط فى الدين ويعمل نفسه عالم
ليه محدش فيهم بيعمل زى المحترمه جدا شاديه
هو ده اعتزال الفن
مش عاوزه الفن ولا الشهره وعاوزه اتقرب من ربنا وارضيه وابتعد عن الوسط والشبهات و و و و الخ
يبقي اختفي
عاجبك يعني اللى بتعمله صابرين ولا شهيره ولا حنان
انا باحترم حلا شيحه لانها لما اعتزلت مأدعيتش انها عالمه وفقيهه ولا ظهرت فى الاعلام تتكلم عن الدين كل اللى قالته انها مقتنعه باللي هى بتعمله وبتتمنى رضا الله
مأستغلتش حجابها ولا عملت كافيه للمحجبات فقط والبنات فقط كانها لما تعمل كده هى بتخدم الدين اصل الاسلام كان ناقصه كافيه خمس نجوم تكلفته خمسه مليون جنيه
بس بس عشان انا مفروسه منها ورأيي فيها يا دودا انا حره فيه وياريت ميضايقكيش
وايه الحرام فى انى اقول ان حنان ترك مش عجباني تصرفاتها هو اللى يتكلم عن حنان ترك بقي حرام ده كمان

نورتيني



wade7 says:

كان نفسي اسيبلك تعليق يليق بكل التدوينات اللي شفتها عندك بس صعبتي عليا. لازم تفكري تاني في طريقة تفكيرك و رؤيتك للدنيا (الدنيا!!!)



Nsreen Bsunee says:

هههههههه
غريبه ديه يا فندم اوى
انت تعرفني
عمرك شفتنى ولا اتكلمت معايا
قرايب
اصدقاء
يبقي اصعب عليك او ماصعبش عليك بمناسبه ايه انشاءلله
ومالك بطرقه تفكيري اصلا
ايه الشخصنه ديه
ديه مدونه مش محادثه شات يا فندم مدونه يعني فيه موضوع عجبك ترد عليه معجبكش ترد برضه بشكل محترم او يستحسن متردش خالص
ايه العالم الغريبه ديه!!!!!!!



رئيس جمهوريه نفسى says:

اوجزتى فا انجزتى فرق جامد بين الزمنين طبعا فرق مش فى صالحنا ثقافيا
زمن خرج فيه اباطره الكتاب والمطربين والممثلين
بس يختصر زمنا فى كلمه عادل امام فى مشهد من فيلم عماره يعقوبيان
( احان فى زمن المسخ )



wade7 says:

واضح انك متأثرة قوي اوي بالافلام العربي و بفاتن لموأخذة حمامة فعلا: (انت بتكلمني ليه .. قريبي .. خطيبي .. حبيبي ..) هههههه.
و الله ماتزعلي نفسك. انت طلعتي لذيذه و الله . معلش بجد .. و اسف اني عكرت مزاجك .. سؤال اخير .. تديني كام من عشرة في الغلاسة؟



wade7 says:

اه صحيح يعني ايه الشخصنة؟ معلش انا اصلي بعيد عن السوق بقالي فترة



EmY says:

اعوذ بالله ليه حنان ترك بس و هي دي فنانه اصلا
ولا ليها في الفن ولا نيله بس اهو كلو بيقلب يشه و لما لاقت الي يجيب اكتر من الفن قالت مش مشكله تركب قطر المتاسلمين

كل سنه و كل الفنانات الي بجد بخير

تحياتي يا قمر



زيزو الشقى says:

اولا السلام عليكم

كتبت تدوينة جديدة ومنتظر رأيق

عز

سلااااام



Amr Ahmed says:

انا بموت في فاتن حمامة

نفسي اتجوز واحدة زيها كده

بس صعب

هجيبها منين دي

هههههههههه



alexandrany says:

سينا
انتي يوسف شاهين هياكل دماغك
ده اذا ماكانش اكلها اصلا
🙂
لو كل بنات وستات مصر بقو في رقه ونعمومه فاتن حمامه كانت الدنيا بقت حاجه تانيه خالص
:))
بجد تعبير جامد جدا منك
هههههههههه
اضحكتيني يا بنيه وانا مش عايز اضحك
🙂



.:.-=- ELGaZaLy-=-.:. says:

السلام عليكم ورحمة الله وبركاته

قراتى فزورة محمد عبد القدوس فى صوت الامة…

كان بيتكلم عنها,.,,فاتن حمامة…جميلة
وحنان ترك بتمر بظروف كتيرة وصعبة

تحياتى بس ايةو وجة المقارنة اصلا



Fantasia says:

إيش جاب لجاب يا نسرين؟ معقولة تقارني فنانة كبيرة بقيمة فاتن حمامة, سيدة الشاشة العربية, بحنان ترك السوابق؟ يعني لا ليها قيمة فنية ولا انسانية ولا حتى شكلية. أنا مش عارفة يوسف شاهين خلاها تمثل في افلامه ازاي! بس هو ليه شطحات كدة, زي ما جاب نبيلة عبيد في فيلم الآخر.. وهو من أسوأ أفلامه بعد سكوت هنصور

إنما المقارنة في الزمان والمناخ العام بين الأمس واليوم, فعندك حق.. هو بالظبط الفرق بين عبد الحليم حافظ وسعد الصغير. الانحطاط يبتلع كل شيء جميل في حياتنا

خالص تحياتي يا عزيزتي



Nsreen Bsunee says:

محمود
فعلا احنا في زمن المسخ
كل حاجه مشوهه

منور يا ريس



Nsreen Bsunee says:

wa7ed
متجيش هنا تانى
________



نسر الشرق says:

السلام عليكم

دى اول زيارة لية

هذة المدونة جميلة ودماها شربات

سلااااام



Nsreen Bsunee says:

ايمي حبيبتي

خخخخخخخخخخخخخخخخخخخخخخخ
عندك حق اهو كله تقليب عيش

_____________

زيزو

حاضر من عينيا

____________

عموره

ههههههههههه
حتلاقيها فين ديه صحيح
بس ممكن والله
ادينا بنحاول نبقي زيها بقي وانت كلك نظر
ههههههههههههههههههههههههه
ههههههههههههههههه

_______________

صفصف

ايه يا عم شكلك كده بتغير عليا من يوسف شاهين
:))



Nsreen Bsunee says:

الغزالي

اللى اقصده بالمقارنه هو بين الانسانه المحترمه المثقفه الفنانه اللى كل الناس كانت بتحترمها من اول رئيس الجمهوريه لغايه الغفير
وبين حنان ترك وتخبطها وتفاهتها وحبها وولعها للشهره والفلوس وقضايا الدعاره والضرب لزوجها و و و و
لم تقدم اى قيمه فنيه للفن ولم تعتزل فى احترام وهدوء
لكن برضه مصممه تستغل حجابها
نفسي افهم عاوزه ايه بالظبط
ربنا يشفيها بقي

___________-

فانتا

انتى اللى فهمتى اللي اقصده على اكمل وجه
:))



wade7 says:

الله يكرمك يا ستي بتطريديني؟ متشكر.. بس انا برضه هاجي عشان اشوف انتي كاتبة ايه ممكن مش هاعلق تاني عشان ما اتطردش تاني.. بس افتكري انك كده هتبقي منعتي صوت من انه يعبر عن نفسه .. عموما انا اعتذرت قبل كده و مش هاعتذر تاني .. لكن اذا كنتي هتقبلي اعتذاري و نكون اصدقاء يبقى من شيم الكرام



Che The Hermit says:

تمانين عن تمانين تفرق
😀

اعتقد قصدي واضح

كل سنة وهى بألف خير وكل سنة وفانز اكتر بينضمزا لقائمة محبي فاتن حمامة اجمل طيور الشاشة المصرية على مر تاريخها … ع الاقل ف نظري

تشي



Abo 7anf says:

السلام عليكم
دى اول زياره ليا
زان شاء الله تتكرر
وكل سنه وفاتن حمامه بخير
بس المقارنه صعبه
الزمنين مختلفين
يمكن يكون كل واحد منهم متميز فى جيله
بس المقارنه بعيده
مهو مينفعش اقارن بين عبد الحليم وعمرو دياب



اجندا حمرا says:

صباح الفل نسرين

صدقيني مفيش زي الزمن الجميل ده
و لو جينا نقارن بين اي ممثله زمان و ممثلات دلوقتي المقارنه مش حتكون في صالح الجداد خالص
انا احترمت الفنانه شاديه لما رفضت تعمل حاجه عن مشوار حياتها و ماطلعتش تقولك انا ندمانه علي اللي عملته زيها زي صاحبه الصوت الرقيق نجاه و كتير زي هند رستم برضه
لكن ممثلات اليومين دول لا ليهم طعم و لا عملوا حاجه و فجأه تلاقي واحده طلعت تقولك انا حتوب عن الفن اصل الفن كذا و كذا طب سيادتك عملتي ايه للفن اللي بتشتميه ده؟

كل سنه و سيده الشاشه العربيه بخير و عقبال مليون سنه و مرسي علي اللفته الحلوه دي
تحياتي ليكي ياجميله



إبـراهيم ... معـايــا says:

إزيك يا نسرينا ….

أول مرة أعدي هنا، وبما إنك من مدوني الإسكندرية فكان فيه فكرة لتجميع مدجوني اسكندرية ع الفيس بوك ….
.
.
وكل سنة وإنتي أحلى من فاتن حمامة ….

اتردد الموضوع ده كثير مؤخرًا أول مرة آخد بالي منه السنه دي …..
ولا يمكن أنا اللي أول مرة آخد بالي !!



د/أبويحيى وادم says:

السلام عليكم ورحمه الله وبركاته
معك حق
فاتن حمامه من الناس اللى قدموا فن جميل جدا ومن اروع مايكون
ولكن دعينى اساللما المقارنه بينها وبين حنان ترك
هل المقارنه من الناحية الفنية
ام
لمجرد التزام حنان ترك ؟
أن كانت الثانية فمرارة اشعر بها لضيق فهم مازال بنا
نهاجم الصح ونقول خطا ونفرح بالخطا ونعلم انه خطا ونقول نبقى كلنا غلط افضل
أسال الله أن يرنا الحق حق ويرزقنا اتباعه



إبـراهيم ... معـايــا says:

ده الجروب :
http://www.facebook.com/group.php?gid=13937234519&ref=mf

مع تحياتي



Coca says:

امي افتكرت عيد ميلاد فاتن حمامه ومفتكرتش عيد ميلادي شوفتي المهزله ههههههههههههه

كل سنه وهي طيبه
وجبتي يوسف حبيبي قلبي شاهين
وانا بقول انا بحبك ليه
مبتجيش علي الماسنجر ليه ؟



واحد مصرى says:

فاتن حمامة…حنان ترك….يا لها من مسافة شاسعة تتفق و المسافةبين فريد الاطرش و سعد الصغير و بعرور و زرزور و كل المخلوقات المشابهة

بالمناسبة..لم استطع مقاومة البصق عليه و عليهم عند مشاهدتي كليب يا مصري لعلي الحجار

و اتيت بنفس الفعل عند قرائتي موضوع الخادمة الاندونيسي في بلاد الوهابيين الرملية

دمت بخير



ابو احمد says:

لكل زمن نسائه ورجاله
واحنا فى زمن الحاجات شبه الحاجات
بس مش هيه الحاجات
احزاب شبه الاحزاب لكن مش احزاب
اغانى شبه الاغانى
بس مش هيه الاغانى
تحياتى



Desert cat says:

كل سنة وهى طيبة وبسعادة
فاتن حمامة انسانة رائعه من زمن الفن الجميله



FaceMoon says:

فاتن حمامة ممثلة جميلة وكل افلامها محترمة وقدمت للفن كتير كفاية انها انسانة رقيقة كدة وعندها احساس
اما عن حنان ترك فربنا هداها وكل انسان ولية اخطاؤة فى الحياة ومش معنى انها حصلها مشاكل فى حياتها تبقى انسانة مش كويسة وربنا يهدى الجميع
سلامى وتحياتى ليكى



Nsreen Bsunee says:

تشي

صح يا تشي 80 عن 80 تفرق
80 تحيي وتمانين موتت شعب بحاله
:((



Nsreen Bsunee says:

ابو حنف
نورتني بزيارتك
لأ المقارنه منطقيه جدا حتى بين حليم وعمرو
الاتنين متميزين اه بس جوده الفن اللي قدمه حليم غير جوده الفن اللى قدمه عمرو
وعمرو لو كان ظهر فى الزمن القديم الراقي المحترم عمره ما كان حينجح
حليم نجح وسط عبدالوهاب وفيروز وثومه
وعمرو نجح قدام لولاكي لولا لولا
:))



Nsreen Bsunee says:

اجنده حمرا
نورتيني
وصباح الورد يا جميله
:))

شاديه الله يكرمها كانت جميله وهى فنانه وبقت جميله لما قررت تبعد مأستغلتش حجابها ولا زيها ولا عملت دعايا لنفسها
هى اختارت العزله او الاعتزال ووجدت فيها راحت البال اللى كانت بتدور عليها يعني الامر بالنسبالها كان اقتناع شخصي مش مجرد فوره دعايه واعلان
بتوع اليومين دول انا مش عارفه ازاى مش مكسوفين من نفسهم على العك اللى هما بيعملوه ده
مفيهومش غير منه شلبي بس
:))



Nsreen Bsunee says:

ابراهيم معايا
ازيك يا هيما منور
تم التنفيذ يا فندم وانضميت للجروب
شرفت



Nsreen Bsunee says:

د/أبويحيى وادم

بالتأكيد مش باهاجم التزامها
هي مألتزمتش اصلا
ولا كل واحده لبست ايشارب بقت ملتزمه
انا بانقضها فنياً وبانقد استغلالها لكل شئ واستعباطها للناس من الاخر
لما واحده تلتزم يبقي متروحش تمثل تانى وترقص والاسم لابسه ايشارب ومتروحش تعمل مشروع مطعم وكافيتيريا بملايين الجنيهات وفيه ناس مش لاقيه تاكل
يبقي تبعد خالص وتتقي الله فى الزي اللى اختارت تلبسه وتبقي قد اختياراتها
مرسي على دعوتك جدا
اللهم امين



Nsreen Bsunee says:

كوكا
لا باقولك ايه كله الا جو ده حبيب قلبي انااااااااااااا
:))
كده يا كوكو حتخطفي منى حبيبي
خخخخخخخخخخخخخخخخخ
فكرتيني باغنيه مريم فارس الجديده
انتى البت اللى لابسه اخضر
وانا ميريام فارس طبعا
ههههههههههههههههههههه



Nsreen Bsunee says:

واحد مصري
شرفتني
واسفه انى اثرت استياءك بفيديو الاغنيه وبموضوع الخادمه
لكنه الواقع المقرف
واقعنا المقرف



Nsreen Bsunee says:

ابو احمد
منور يا استاذ

______

نانا
وانتى طيبه يا حبيبتي

______

وجه القمر

شرفتيني يافندم



Tamer Nabil says:

فاتن حمامة فنانة محترمة احترمت نفسها وجمهورها والفن

فاستحقت حب واحترام الجميع

اتنمى التولصل بينا

مدونة افكار حرة 1

تحياتى



محمد الكومي says:

و ليه العكننة دي بس حنان ترك ايه و نيلة ايه

تيجي ايه دي جنب سيدة الشاشة العربية

ده كفاية ادائها الصوتي بس ده لوحده كفاية

ربنا يطول عمرها و يديلها الصحة و بوست هايل يا نسرين

انا ملك الكبدة بس ده اليوزر الجديد بتاعي و كمان البلوج الجديد بتاعي

زياراتك بقى يا بلدياتي

اشطاط

سلاموز بالموز



Mohamed Hamdy says:

عندك حق .. فاتن حمامة من الممثلات النادرات الى بيمثلوا بجد

ملحوظه على الهامش : بجد بلوجك جميل جدا وكفايه انه بيحمل اسم اجمل مدينه فى الكون

ياريت تشوفى مدونتى

تحياتى



فرنسا هانم says:

تسجيل حضور وسلام
لاحلى نسرين



راجى says:

المدونة اصبحت رائعة من حيث الشكل الله ينور عليكى



maRo says:

مدونتك تحفة جدااااا وأنا مبسوطة أوى انى اتكعبلت فيها وأنا ماشية بين المدونات,أما بقى فاتن حمامة فدى محدش يتقارن بيها خاااالص



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: