Nisreen85’s Blog











{May 22, 2008}   نوور مياتي

الاسم:نوور مياتي

السن:25سنه

الجنسيه:أندونيسيه

المهنه:خادمه

جاءت نوور الى السعوديه بحثا عن مصدر للرزق بالتأكيد استقدمها مكتب عماله من المنتشرين فى ارجاء المملكه يستقدمو الاندونبسيات والهنود والفلبينيات والمصريات مؤخراً انضمو للقائمه

بالتأكيد كانت نوور سعيده بفرصه العمل بالسعوديه ستعمل لدي اسره ميسوره الحال فى فيلا كبيره او قصر وسيكون لها غرفتها الخاصه وستضمن ملبس نظيف ومأكل نضيف طوال الشهر وفي آخره ستقبض حفنه ضئيله من الاموال ترسلها لاسرتها فى اندونيسيا لمساعدتهم على المعيشه

انتقلت للعمل لدي اسره من اغنياء المملكه وبعد فتره من العمل الله وحده يعلم كم قاست فيها وما تعرضت له من مهانه ربما استباح مخدومها جسدها ورفضت وربما استباحت مخدومتها جسدها ورفضت ويجوز وهو ما اعتقده شخصيا انهم مارسو تعذيبها للتلذذ بفكره تعذيبها مجرده دون اى اسباب _غير منطقيه-اخري

تعرضت للضرب المبرح وربطتها مخدومتها لمده شهر دون طعام او شراب وتركتها مربوطه فى مكانها تبول وتتبرز فى نفس المكان لمده شهر كااااامل 30 يوم من العذاب النفسي والجسدي

تسممت اطراف نوور ولزم بتر اصابع قدمها ويديها

فا اصبحت معاقه جسديا ومشوهه جسديا ونفسيا الى الابد وهى فى 25فقط من عمرها

المشكله ليست فى كل ما سبق

رغم كل شئ يجب ان نعترف ان هذه الحوادث والجرائم تحدث فى شتى انحاء المعموره فى الولايات المتحده فى فرنسا فى الصومال فى لبنان فى كندا فى روسيا وارد جدا ومنتشر وجود نفسيات مريضه ترتكب جرائم من هذا النوع واكثر

المصيبه

الكارثه

هى ان تكون دوله بكاملها مريضه

وأشد فئاتها مرضا هم القضاه بالتحديد

لم يمضي على كارثه الحكم القضائي على الفتاه المغتصبه السعوديه شهور وها هو القضاء السعودي يثبت كم هو مشوه مريض وفاسد

فقد رفعت قضيه لنوور مياتي لكي تسترد اقل حقوقها فى العلاج والتعويض المادي الذي لن يكون ابدا مناسب لحجم ما تعرضت له على يد العرعور والعرعوره مراته-مع الاعتذار لحسن الهلاللي على انتهاك حقوق الملكيه الفكريه لكلمه العراعير

لكن برأ القضاء الرجل وزوجته وأمر بدفع تعويض 670دولارا للفتاه نوور مياتي

ليه مش 650مش عارفه

فى اى دوله محترمه بالعالم اقل اقل شئ هو التعويض المادي الذي يجب ان يكون مرتفع فى هذه الحاله لارتفاع مستوي معيشه السعوديين

هل بعد هذا نلوم الغرب على نظرته لنا كمتخلفين عقليا

اقسم بالله المتخلفين عقليا سيكونو اكثر انسانيه وعدل من هذا القاضي السعودي الذي من المفترض ان يكون مرجع وصوره للقضاء والعدل في الاسلام


أفندينا says:

في الحقيقة ذهلت عند قرائتي لموضوعك من خلال
google reader
وسبب ذهولي ليس ما فعله الشيخ وزوجته بالخادمة المسكينة فقد سبق لي الدراسة بصغري بجدة وحصلت على شهادتي الأعدادية أو المتوسطة كما يسمونها من مدارسها ومازال عقلي يتسع لبعض الذكريات عن الظلم الموجود بالمجتمع السعودي … ولكن سبب الذهول هو المبلغ الذي حكم به القاضي للمسكينة وهو لا يوازي واحد على مائة من ثمن السيارة اللاندكروزر التي ربما يركبها سيادته
ولكن ربما لأنها أندونيسية ولو كانت من جنسية أوروبية لما كان مخدومها أصلاٌ أستطاع أن يفعل بها هذا
عموماٌ أهدي هذا الإدراج للوزيرة الحاجة عائشة عبد الهادي التي كانت تفتخر بأنها سترسل نساء مصر أمهاتنا وأخواتنا وبناتنا للعمل خادمات بالخليج
ولله الأمر من قبل ومن بعد
خالص التحية والود
أخوك الإسكندراني



جبهة التهييس الشعبية says:

للاسف القضاء في السعوديةاسغفر الله العظيم

اه والله ما يتقالش عليه غير كده
ما ينفعش حتى تشتمه لما حد يقول لك القضاء في السعودية لازم ترد على طول وتقول: استغفر الله العظيم

والغريبة ياخويا ما بيحصلهمش حاجة ابدا
ابدا
عايشين زي السكينة في ال…ال…جاتوه



جبهة التهييس الشعبية says:

نسيت اقول لك
الغرب اللي بتقول عليه بيبص لنا كمتخلفين هو الداعم الاول والاساسي لنظام حكم ال سعود
ولو شال ايده من ضهر نظام قال سعود ح يقع في ثانية لان الناس في الجزيرة العربية روحها بقت في مناخيرها



norahaty says:

السلام عليكم ورحمة الله وبركاته
فى السعودية طالما ان الخصم امامك سعودى وانت ليس امريكيآ او اوروبيآ
فاعلم انك انت المخطىء وتستاهل اللى حصل لك مهما كان وكمان تستاهل تتجتع تجطيع يابوى لجل ان انت فتحت بقك واشتكيت
هذا شىء لمسته بعمق وتكرار بعد معايشة الحياة والنظام هناك منذ مدة طويلة
وربنا يستر علينا كلنا



Nsreen Bsunee says:

أفندينا

هو ده نفس سبب ذهوللى انا عايشه فى الكويت وعارفه فى العموم ان الخادمين والهنود وغيرهم من العماله خاصه الاسيويه فى الخليج بيتعرضو لبلاوي وظلم كبير
لكن ان قاضي يحكم بحكم زى ده
هي ديه المصيبه فعلا

بلدياتي نورتنى وشرفتني جدا



Nsreen Bsunee says:

عزيزتى نواره

عندك حق القضاء هناك استغفر الله العظيم بيعامل السعوديين على انهم آلهه وفوق القانون وفوق العداله ومن حقهم يفشخو خلق الله كلهم ومحدش يقول بم

انا عارفه كويس اوى قد ايه الغرب وامريكا بالتحديد هى الداعم الاول والاساسي لآل سعود ولآل صباح يا عزيزتى على مد بصري قاعده عسكريه امريكيه
والموظفين الامريكان هنا فى الكويت بيتعاملو على انهم ملوك وسلاطين بيسكنو فى افخر شقق فندقيه وبيستثمرو زى ما هما عاوزين ده غير ان نص البترول الكويتي من ايام الحرب الاولانيه فى 91وهو بيتحول دايركت على امريكا شيكابيكا والشعب نفسه يا نواره فيه فئه كبيره منه بيحبو امريكا جدا وولائهم ليها وهى مثلهم الاعلي وبيحتقرو العرب جدا خاصه المصريين والفلسطنين عارفه ان كلامي مؤلم بس ديه حقايق انا شفتها كويس

الحاجه اللى انا مستغربلها فعلا يا نواره ومش قادره افهمها ان الكويت كانت متحاميه فى امريكا ومسلماها عرضها عشان بع بع صدام
طيب صدام خلع واتكل مطرح ما راح
متحاميين فى امريكا ليه بقي يعني ايه البعبع الجديد اللى امريكا عملاهولهم بعد صدام
؟؟؟



Nsreen Bsunee says:

اه يا نواره نسيت اقول حاجه
انا اقصد بالنظره لينا كمتخلفين هى نظره الشعوب لينا البني ادميين اللي برا بعيدا عن السياسه لما يسمعو بالظلم ده فى قلب العالم الاسلامي السعوديه والانتهاك البشع ده لحقوق الانسان حيبصولنا ازاى انسانيا بعيدا عن السياسه خالص
ما هو يا اما متخلفين عقليا
يا اما ساديين وبنحب نعذب خلق الله



Nsreen Bsunee says:

نوراهاتي

وعليكم السلام ورحمه الله وبركاته
زي ما قلت لنواره القضاء السعودي بيتعامل مع السعوديين-مش كلهم العائلات الكبيره بالذات لكن فيه سعوديين منبوذين فى السعوديه ومضطهدين-لكن الاغلبيه بيعاملو على انهم آلهه استغفر الله العظيم
ربنا ينتقم من كل ظالم باحاول اتخيل الخادمه ديه لو مصريه يا تري كان ممكن الحكومه المصريه تاخد موقف ولا الخارجيه اللى انا معرفلهاش اى فايده او قيمه-كمصريه مغتربه-يا تري حيبقي ليه موقف فى حاجه زى كده
مأظنش

نورتنى



HafSSa says:

نيسو
حسن مش حيزع لمنك و لا حاجة بالعكس ده حيفرح اوي لما يعرف ان الكلمة بتنتشر كده
اما عن الخادمة فانا قلبي اتقطع و مافيش حاجة اقولها غير حسبي الله و نعم الوكيل من اول القاضي لغاية النظام لغاية الحكومة و هلم جرا

تحياتي على بوست منور زي وشك كده



رئيس جمهوريه نفسى says:

والله يا بلاش يعنى اربع اطراف ب670 دولار تعويض ومن الناحيه القانونيه البراءه دى على اى اساس انها ربطت نفسها استهبال يعنى
مش المفترض انى السعوديه بتطبق الشريعه الاسلاميه على حد علمى وطبعا مفترض يحصل قصاص للبنت دى بس لانى لو حصل قصاص حيتطاول كل خدام ينتهك جسده وادميته على الارض السعوديه ويطالب بحقه وطبعا ده مش حيرضى الاسياد
الدول دى رغم انها احسن ناس تقول قال الله وقال الرسول الا انه بتثبت انها اسلاميه اسما جاهليه الطباع وما اختلفوش عن مقال الرسول عليه الصلاه والسلام فى قريش اذا سرق الشريف فيهم تركوه واذا سرق الفقير عاقبوه



مواطن مصري says:

سلميني ع الوحدة المهلبية
وب ردو سلميني ع المواطنة و حقوق الانسان

عندي كلمتين
اجنس شعب و اطهر ارض



دعاء مواجهات says:

كم هى صعبة الحقيقة وقاسية ومؤلمة حقاً

فماذا بعد القضاء وليس اى قضاء انة القضاء السعودى اى اطهر بقااع الارض

(الله لا تؤاخذنا بما فعل السفهاء منا واجرنا من خزى الدنيا و وعذاب الآخرة)

تحياتى لجرأتك

انتظر زيارتك الكريمة لمدونتى



نسر الشرق says:

دى اول زيارة لية
هذة المدونة جميلة
ودماها خفيف وشربات



نور says:

انا سمعت وشوفت قبل كده الحوادث البشعه دى و بجد حسبنا الله ونعم الوكيل فى اللى بيعملوا كده اللى اساسا ما يتقالش عليهم بنى آدمين دول وحوش بيستغلوا فلوسهم وضعف اللى قدامهم ويفترسوه و بعدين يطلعوا يترسموا علينا كأنهم ملايكه
بس اللى انا مش مصدقاه القضاء السعودى الظالم ده سبحان الله دا لو فى اى بلد تانيه كان الراجل ومراته دول راحوا ورا الشمس
للدرجه دى الظلم بقى مستشرى فى معظم بلدنا العربيه المفترض انها مسلمه
تحياتى ليكى يا نسرين بجد



karakib says:

عالم ولاد كلب
ربنا ياخدهم
قضاء محتاج القضاء عليه



أبو خالد says:

أبنتى الغالية /نسرين
الم يئن لك زيارة مدونتى
أما تعليقا على البوست
لا نملك سوى قول حسبنا الله و نعم الوكيل
دمتى إنسانة راقية التفكير



Che The Hermit says:

عايز اعلق ومش عارف والله

المفروض ان دا قاضي
والمفروض انى بلد بتحكم بالشريعه الاسلامية
دا اكبر اساءة للإسلام هى السعودية

بجد مصدوم من قرار القاضي دا

معنديش تعليق يتقال اصلا



بحب السيما says:

كل الناس اللى اعرفها اللى اتعاملو مع سعوديين بيقولو انهم اوسخ خلق الله بعد الليبيين , وعلى الرغم من كده مش قادر اصدق ان الظلم يوصل عندهم للدرجة ديه
كان نفسى اعرف بس المرجعية اللى استند عليها القاضى فى الحكم ده اللى بيبعت رسالة لكل سعودى انه يفشخ البشر اللى شغالة عنده بقلب جامد



EmY says:

رينا حبيبتي بجد انا سعيده اوي اوي انك رجعتي تكتبي تاني كنت مفتقده كتاباتك

المشكله ان الناس دي حاسين انهم فوق البشر و احسن من الكل بفلوسهم
للأسف مش هانقدر نقول عليهم حيوانات علشان ممكن الحيوانات تزعل

ايه القضاء العادل المنصف ده فعلآ بلد الاسلام و الحكم بالشرع

معلش اسمحيلي مره اكون مش مؤدبه و اقول صدق من قال عنهم اوسخ شعب في اطهر ارض



Nsreen Bsunee says:

صفصف

انا كمان قلبي متقطع عليها ديه عيله 25سنه بس وحياتها كلها اتدمرت وفي الاخر ادولها 670دولار
يا اخي تيييييييييت



Nsreen Bsunee says:

محمود
عندك حق هما لسه جاهليين واشد جاهليه من الجاهليين نفسهم
منور يا ريس

_________

مواطن مصري

هما معديين مرحله النجاسه كمان ده نجاسه وفجر وقرف واستهبال وتعالى على خلق الله ربنا يولع فيهم ويطهر الاسلام منهم

___________

دعاء

نورتيني يا دودو واتشرفت بزياره مدونتك الجميله
🙂

_____________

نسر الشرق
نورت ويارب متكونش اخر زياره



Nsreen Bsunee says:

نوور

لا متستغربيش القضاء السعودي غريب ومتخلف ومفيهوش ريحه العداله على رأي نواره ميتقالش عليه غير استغفر الله العظيم

تحياتي ليك يا نور بجد ونورتيني

__________

هانى

تصدق انا مكنتش عارفه احط عنوان ايه للبوست ده
بجد “قضاء محتاج القضاء عليه”احلى تعليق واحلى عنوان واحلى ملخص للبوست

___________

بابا محمود
“ابوخالد”
ياااااه انت منورنى اوى اوى ده انا يحصللي الشرف انى ازوك وانا من رواد المدونه اصلا يا والدي العزيز
:))
فعلا حسبنا الله ونعم الوكيل فيهم شوهو صوره الاسلام والعرب

_________________

تشي

والله انا اول ما قريت الخبر على البي بي سي اتصدمت زيك كده بس يمكن هضمت الصدمه بسرعه لانى عايشه فى الخليج وعارفه ان يطلع منهم اكتر من كده

نورت



Nsreen Bsunee says:

بشري عندنا
ده ايه النور ده
:))

عزيزي بشري ليا صديق مدون محترم زيك كده قال فى احد تجلياته ان المفروض والمنطقي ان ليبيا تتنقل جنب الكويت ده مكانها الطبيعي على الخريطه لكن ربنا بلا مصر بيها كأبتلاء وسرطان فى كتف مصر اليمين

دول اوسخ من اوسخ اوسخ شعب مش عارفه فين اخلاق الاسلام وازاى ارض الرسول تنبت القرف ده دول اكيد سلاله ابولهب الله يحرقهم

___________

ايمي جزره حبيبتي

اهو اديني رجعت اكتب يارب مكونش تقيله عليكم بس

يا بنتي ده المفروض الامم المتحده وحقوق الانسان والحبشتكنات ديه يعدمو آل سعود على انتهاكاتهم لحقوق الانسان والمرأه ةوالحيوان وكل الحقوق والقوانيين اللى فى الدنيا والاخره بس ما هما بيبوسو ايد امريكا وبيرقصو معاها بالسيف ويشربو قهوه عربي يبقي محدش حيقلهم بم قالح بس البرطمان الاوروبي يقول مصر فيها انتاهاكات لحقوق الانسان
امال اللى السعوديه بتعمله ده ايه
ده فشخانات لحقوق الانسان

منوره يا بنت



Dr. Diaa Elnaggar says:

العزيزة نسرين

كارثة !!!!!!!!!!!!!!!!0

صدق أحمد مطر حينما كتبت:0

وأولو الأمر
لا أحد يدري في أمري
منشغولون إلى الأذقان
بتطبيق الإسلام
كف تمسك كأس القهوة
والأخرى تمتد لظهر غلام
يأمل في جنات تجري
حين يطيع ولى الأمر

!!!!!!!!!!!!!!!!!!!!0

آه لو يجدي الكلام
آه لو يجدي الكلام
هذه الأمة ماتت
والسلام

!!!!!!!!!!!!0

لا أدري، ولكن برغم حزني المقيم،

إليك خالص تحيتي وعميق مودتي



appy says:

ياااااااا يا رينا دى مش اول حادثه السعودين بيبصوا على اى جنسيه تانيه انها اقل منهم جدا ومش عارفه ليه
مع اننا افضل بكتير

المشكله بقى الاكبر انك ولا هتلاقى قضاء ينصرها ولا غيره
وقال ايه فى مصر يقولك خدمات للسعوديه بزمتك دول عندهم دم
اما مش عارفه ليه صحيح الرقم ده الا ممكن يكون بعد الضرايب هيبقى
650 دولار
يا بنتى ولا السعودى هيبطل تنطيط على الناس ولا الناس هتعرف تاخد حقها منهم بجد لان بيتحكموا بالمال واللى تقبل تهين نفسها تبقى تتحمل بقى دول المفروض يخدموا نفسهم وبس اذا عرفوا لان فيهم اغبياء جدا ومتخلفين ابقى تعالى شوفيهم فى القاهرة بجد شكلهم عامل ازاى بس سيبك اللى بيبص لاختك انتى عارفه اخره فين



Nsreen Bsunee says:

دكتور ضياء

شرفت المدونه بزيارتك يا فندم

فعلا صدق مطر الامه ماتت والسلام

الاحترام والموده متبادلين يا فندم

__________

ابي حبيبتي

من كتر ما شفت من الخليجيين عموما والسعوديين خصوصا وسمعت ورأيت وقرأت بقيت مش باتعجب ابدا من اى حاجه

منوره يا عروسه



DantY ElMasrY says:

نظام الكفالة فى الخليج مجرد تقنين للرق
والقاضى لما ينظر لقضية المدعى فيها وافد اى مكفول على زمة سعودى يراعى انه طلع ولا نزل رقيق مستعبد
وعنده قاعدة بتقول الحر بالحر والعبد بالعبد
وباعتبار نوور جارية اذن هى مملوكة لسادتها يفعلوا بها ما يشاءون والقاضى شايف انه رحيم جدا وتجاوز فى استخدام الرخص لديه لما يحكملها بتعويض 670 ريال تمن الأدوية اللى المفروض انها هاتصرفها
لأنها مش المفروض تاخد حاجة اصلا



احساس لسه حى says:

عزيزتى

طبعا اللى قولتيه فى مدونتك شئ يوجع

بس زى ما قولتى ده بيحصل فى كل بلاد الدنيا حتى امريكا واروبا

اما الحكم فانا مقدرش احكم عليه الا لما اعرف تفاصيل الحكم والقانون السعودى وده اعتربه تعويض عن ايه

لان تفاصيل الحادثة مش عندى

وياما سمعنا عن قضايا كتير بنفس الطريقه ولما نقرا تفصليها بنلاقى اشياء مكناش عرفنها

فالحكم ده تعويض لانه المخدوم عمل كده بقصد فده تعويض

ولا القضية بقيت اهمال والتعويض على الاساس ده

تحياتى

سلام



Nsreen Bsunee says:

دانتي المصري
صدقت يا استاذي هو رق وعبوديه بكل معنى الكلمه



Nsreen Bsunee says:

يالهوي
انت ايه اللى جابك هنا يا ابني
وايه اللى انت بتقوله ده انت عاوز تختلف وخلاص
اجري اجري العب بعيد المشرحه مش ناقصه جثث
انشاءلله تشتغل عند واحد سعودي ويعلقك ويمدك بالفلكه ويحكمولك بتعويض 700دولار مش خساره فى طيبه قلبك
متجيش هنا تانى ماشي



Nsreen Bsunee says:

اه على فكره القضيه وتفاصيلها مكتوبين على موقع البي بي سي عربيه والهيومان رايتس واتش اصدرت بيان بيدين الحكم والقضاء فى السعوديه عموما يعني انا مش جايبه الكلام ده من دماغي يا خفيف



سبهللة عالاخر says:

انا عشت فى السعودية عشر شهور
وسمعت بلاوى عن تعذيب الخادمات ولسه امبارح كنت بفكر اعمل بوست عن الموضوع دة
بس انتى سبقتينى
عموما احلى حاجة فى اسلوبك المختصر المفيد
وبعدين يعنى القضاء السعودى بس اللى زفت
ما احنا كمان قضاءنا ما يعلم بيه الا ربنا
ولا نسيتوا قضية هايدلينا وقضية الاخوان
وحنفى ابو دقة وغير ابو دقةوغيره وغيره وغيره
تحياتى لكى وبالتوفيق ان شاء الله



ابو احمد says:

مش لاقى كلام اقوله
مش هقولك ان انا حساس
وقلبى ضعيف ومشاعرى مرهفه
لكن المواطن الذى يهون ويهان فى وطنه
غير مستغرب ان يهون ويهان فى وطن متخلف بقيم وتخلف النظام السعودى
دا لو انسان اوروبى حصله كده فى السعوديه
كانت القيامه قامت
لأنهم اساسا محترمين فى اوطانهم

انا كنت بقرا الكلام اللى عندك وداخل انام دلوقتى لازم اشرب لى كام سيجاره
انا آسف



wa7ed 2ensan wnsan says:

انا كل يوم اسمع ..فلان عذبوه
اسرح في بغداد والجزاير واتوه
ما اعجبش م اللي يطيق بجسمه العذاب
واعجب من اللي يطيق يعذب اخوه

وعجبي ..!!

وهو ده يعني المصير المُنَتَظر للمصريات اللي هيروحوا هناك

هما اصلا همج طلع عندهم شوية بترول عملوا بيه اسياد على الناس .. ناس كانوا عايشين في صحرا ورعاة غنم لما يخشوا الحياه المدنيه لازم يعملوا كده واكتر
عالعموم كل الدول العربيه فيها خلل ياما في القضاء ياما في الحكومات ياما في الاخلاق ياما في كل دول



Fantasia says:

قاضي عرعور يا نسرين.. تقولي ايه بقى؟ العرعرة عندهم تطغى على الدين والانسانية والضمير
بجد حاجة توجع القلب.. المسكينة دي مش كان اكرملها تاكل من الزبالة في بلدها عن انها تروح بلد العرعر؟ دي ناس مريضة نفسيا وعمر مافي حاجة ممكن تشفيهم من اللي هما فيه. حتى الدين عرعروه وخلوه مجرد قشور بينما مجتمعهم مخوخ ومعفن من الداخل



اجندا حمرا says:

عزيزتي نسرين

الواحد بجد بيتقطع قلبه لما بيشوف حوادث زي كده
زي ماقلتي التعويضات في الغرب بتكون اكبر من كده يمكن عشان فيه احترام لأدميه الانسان اكتر منها في الدول العربيه

واحده سابت بلدها عشان تجري ورا لقمه عيشها و يجرالها اللي جرالها علي ايد ناس مرضي نفسيين و للأسف كتير بشكل ده سواء هناك و عندنا

و في الاخر تلاقي تعويض هزيل

كرامه البني ادم للأسف بقت رخيصه اوي
😦

تحياتي ليكي علي الموضوع الهام



Nsreen Bsunee says:

سبهلله على الاخر

يا فندم عندك حق القضاء عندنا برضه ليه اخطاء والقضاء فى كل العالم اكيد مش منزه عن الخطأ وياما فى الحبس مظاليم على رأي المثل
🙂
بس مفيش قضاء بالشكل ده القضاء السعودي مالوش شبيه ولا مثيل فى الظلم



Nsreen Bsunee says:

استاذ ابو احمد
انا اللى اسفه انى سببتلك الضيق واضفت ليومك سيجاره او اتنين كمان

للاسف عندك حق ولو مواطن اوروبي او امريكي او استرالي حصله ربع اللى حصل للمسكينه ديه كانت قامت حرب
منورنى يا فندم

____________

انسان ونسان

شرفت
برضه عندك حق كل دول الشرق الاوسط عندها خلل فى نقطه ما بس بجد بجد السعوديه فاقت الكل

_____________

فانتازيا

ومش اى خوخ وعفن
ديه حاله مستعصيه فعلا ربنا يرحم الاسلام منهم

______________

اجندا حمرا

الغرب متقدم امياااااال مش خطوات عننا خاصه فى مجال حقوق الانسان
مش باقول ان الغرب مثالى بالعكس فيه عيوب واخطاء كبيره بس حتى عيوبه واخطاءه ارحم مليون مره مننا على الاقل المواطن الاوروبي محترم جوا وبرا بلده

تحياتي لحضرتك



مـ~ـاجدولين says:

على فكره انا لست سعوديه وانا هنا لست بصدد الدفاع عن القضاء السعودي
لا اعلم عن ملابسات هذه الحادثه ولكن التفاه السعوديه المغتصبه
اختلف معك فهي تستحق العقاب لانها متزوجه واختلت برجل اجنبي
في شارع في زاويه مظلمه وكانت عاريه وراوها المغتصبون
ومن هنا تم مطارتها بعد ان فرت هي وصديقها
يعني زنا محصنه
على فكره القضاء السعودي يجلد الشاب لو ثبت خلوته بامراة
واعرف قصص لشباب جلدوا لانهم كانوا في السياره مع بنات فقط

لم الهجوم على السعوديه لانها نفطية ؟؟؟؟
او لاننا نتوهمهم صحابه ؟؟
هم في النهايه بدو لا اكثر

تحيتي لك



Nsreen Bsunee says:

ماجدولين

الهجوم على السعوديه لانها للاسف واجهه للاسلام والمسلمين وما يحكم به القضاء السعودي يأخذ على انه من الاسلام

نورتيني



Dr. Diaa Elnaggar says:

العزيزة نسرين

اسمحي بس لي بتعليق صغير على تعليقك للاستاذه ماجدولين:

النقطة الأساسية في انتقادنا للسعودية ليس لأنها واجهة للإسلام ولأن قضاءها تعبيرا عن العدل في الإسلام، بل لأنها بتتدعي عن نفسها هذا، بتتدعي أنها الممثل الحقيقي والشرعي للإسلام بدليل انها البلد الوحيدة في العالم اللي في علمها عبارة مكتوبة وهي الشهادتين والسيف الذي يحميها، فعندما تقيم السعودية من نفسها الراعي والحامي للاسلام فلابد ان يكون موقفها هذا يتسم بالصدق، لكن القبلية والاستعلاء والتمييز العنصري وتعبد الناس الذي تمارسه السعودية لا يمت للإسلام الذي على الأقل اعرفه أنا ودرسته فكريا وفقهيا بأي صلة !!!!!!!0

تحياتي لكما، وأنا فضيت يا استاذه ماجدولين لو تحبي تردي على تعليقي الذي كان موجها إليك في مدونتي.



Dr. Eyad Harfoush says:

عزيزتي نسرين
اسمحي لي أن أشارك برأي في موضوع لماذا يهاجم المستنيرون من أبناء هذا الوطن نظام آل نحوس في جزيرة العرب
1- لأنهم رأس الحربة الأمريكية، و الوكيل الأمريكي المناوب مع اسرائيل في المنطقة العربية، كل منهما له دائرة اختصاصا
2- أنها مصدر الظلامية الوهابية التي قضت مصر عليها على يد ابراهيم باشا، و اعاد الانجليز احياءها ثم ورثوها للأمريكان، لان نموذج التدين الوهابي هو المطية المثلى للاستعمار
3- لانها الأكثر تخلفا على مستوى حقوق الانسان، و السبة الدائمة بوجه أي مسلم في كل انحاء الدنيا

مع تحياتي للموضوع و كاتبته



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: