Nisreen85’s Blog











{April 22, 2008}   فى شرع حماس00الرقص المعاصر كفر

الرقص: فن راق ام تسلية رخيصة؟
يقام حاليا مهرجان رام الله للرقص المعاصر بمشاركة أربع عشرة فرقة رقص وموسيقى من دول مختلفة
إضافة إلى عدد من الفرق الفلسطينية المحلية
ويستمر حتى السادس من مايو/ أيار المقبل.ويقول المنظمون إن هدف المهرجان هو احياء مناسبات عديدة
من بينها الذكرى الستين لما يعرف بالعالم العربي بـ”النكبة” وتأسيس دولة إسرائيل.
لكن مسؤولين في حركة حماس في غزة اتهموا منظمي المهرجان
“بالخيانه
والكفــــر
والانحطاااااااط الاخلاقي
والتطبيع
نقول تانى
مسؤولين فى حماس اتهمو منظمي مهرجان للرقص المعاصر بالخيانه والكفر والانحطاط الاخلاقي والتطبيع0

اعترف وانا بكامل قوايا العقليه انى باحب الرقص
حتى الرقص الشرقي او البييللى دانس بحب اتفرج عليه لو رقص حلو
زى هند رستم فى فيلم انت حبيبي وهى بترقص على اغانى من اجمل اغانى فريد”يامجبل يوم وليله”و”زينه”وساميه جمال كمان ليها لوحات راقصه غايه فى الجمال منتهى الاندماج مع المزيكا منتهى الرشاقه0

المشكله ان المهرجان اللى حماس كفرت القائمين عليه مهرجان للرقص المعاصر تشارك فيه فرق فلسطينيه حتعرض فلكلور فلسطيني يعني جزء من تراث فلسطين ولا راقصه شرقيه ولا يحزنون ده رقص معاصر وفلكلور فلسطيني فين الكفر بقي عشان افهم وعلى ما اعتقد ان التكفير والاتهام بالخيانه ديه حاجات مش سهله ابدا ولا سهل قذف الناس بيها ليه حماس-وغيرها-بيحولوها للبانه فى بقهم وكل اللى هب او دب يكفروه يا تري هما كده جاهدو فى سبيل الله لما كفرو الناس ديه ودعو الفلسطينيين للاعتراض على المهرجان الكافر ياترى القائميين على المهرجان هما الخونه الحقيقيين فى فلسطين وهما المشكله الحقيقيه هما ومهرجانهم طيب لوكده تبقي محلوله يبقي حماس تلغي المهرجان وتعدم القائميين عليه وتحرر فلسطين من الراقصين الخونه وتخلصنا بقي وكفايه وجع دماغ0

DANCE……….DANCE

Advertisements


Che The Hermit says:

حماس … الاخوان المسلمين
الوجه الاخر للعملة
كنا بنقول لكي الله يا مصر
لا المفروض لك الله يا وطن عربه ( كان عربي زمان دلوقته هو عربه هو مش عربي انا )

تحياتي
تشي أحمد



يَحيى المِصري says:

نسريين

إنت عارفة رأيي في الموضوع طبعا

لكن عايز أبعتلك حاجة يمكن مالهاش علاقة بالموضوع أوي إنت مش عارفة رقصة السيرتاكي (زوربا طالما جايبة حتة منها) دي بالنسبة لي إيه يمكن ماينافسهاش غير الدبكة و إن كنت برضه شايف تشابه مابينهم

على العموم ده فيديو فيه رقصة السيرتاكي من فرقة باليه بلغارية

يا رب يعجبك



Alexandrian far away says:

عزيزتي نسرينا
جميل أنك علقتي على الخبر ده لأنه مما أحرق دمي الحقيقه، أبناء الظلام دول أخرتها أيه معاهم مش عارف
عارفه أكثر ما أحب في شعوب أفريقيا جنوب الصحراء أنها لا تتوقف عن الرقص حتى في المظاهرات والمسيرات السياسيه، يرقصون ويغنون، لأن الرقص أندماج مع العالم وتمثل لحركة الوجود

والرقص الفلسطيني جميل فعلا ومبهج وتحدي للموت والأباده

ملعون الظلام وأبنائه

تحياتي ومودتي



Alexandrian far away says:

أه نسيت حاجه
لما الرقص حرام
طيب تنطيط النسانيس بالفساتين الملونه بتاع العرضه النجديه ده بيحرمهوش ليه؟



appy says:

رينا انا بحب الرقص يا اوختى يكفرونى يشنقونى مليش فيه والله
هرقص برضه نيهاهاهاهاها بس فى البيت دى حتى والله رياضه بجد وبتخسس طيب جربى كده

انما تكفير هو ايه اللى كل شويه تكفير دى انا بجد بقى صعب مووووت
وبعدين اعتقد ان الفن الشعبى يعنى او الحاجات دى بتبقى حتى فى لبسها محترمه جدا وبيكون فلكلور
يعنى مهرجان الاسماعيليه الحلو ده بيكون كافر قصدى حرام طيب هعمل حسابى واروح اتفرج عليه علشان اصورة ويبقى حرام
الا انتى جبتى الاخبار دى منين
وبعدين تطبيع اصلا مع مين مش فاهمه



HafSSa says:

نيسو
دول حماس
يعني العهر كله
يعني الوساخة كلها
يعني قلة الادب و الانحطاطا الفكري و البشري
يعني انقلاب الموازين و المفاهيم
يعني اصول العمالة و الخيانة للحضارة
يعني اساتذة تعليم فن الاستنطاع والخوعلقة

و انا و انتي و رقصني يا جدع
تراراارر ترراا



Nsreen Bsunee says:

تشي

ربنا يستر علينا لو الاخوان مسكو مصر يبقي قول عليها السلام

منورنى اوى يا احمد

***********

يحيي

زعلانه منك ومش حتعرف تصالحنى حتى لو جبتللى انتونى كوين نفسه يرقصللى مخصوص

***********

عزيزى ابو اسكندر

الرقص والمزيكا من اكتر الحاجات المبهجه اللى فى الدنيا والفلكلور الشامي جميل جدا وانا شخصيا بحبه
مش عارفه اخرتها ايه معاهم ربنا يستر

****************

ابي الغاليه

فعلا الرقص احلى رياضه وانا مجربه جدا والحمدلله مش مساله طخن ورفع لكن الرقص بيخللى فيه مرونه رهيبه للجسم بدل الاجسام المخشبه اللى عندنا

***************

حبيبتي صفصف

وانا باقرا تعليقك والله تخيلتنا انا وانتى ماسكين العصيان بتاع الصعايده والجلبيات والعمم وبنرقص وبتاع

مسخره
🙂



Desert cat says:

يارينا حماس اللى قتلت الفتحاوية اول ما مسكت الحكم تصفية حسابات ولحد النهارده بيقتلوا فيهم
يا رينا حماس الوجه للاخر للاخوان المتاسلمين عندنا يعنى عندك ليا مصلحة شخصية تبقى حبيبى وقلبى مفيش مصلحة تبقى عميل وخاين وسيقام عليك الحد والاتنين والثلاثاء
والله ما حد عارف مين الىل عملاء
سايبين اسرائيل فى ارضهم ومرحبين بيهم وجابوا نسوانهم وهجموا علينا بيهم
دول عالم وسخة ربنا يهلكهم هما وكل اللى بيتكلموا باسم الدين لحد ما شوهوه



EmY says:

دي النسخه التانيه من الاخوان و فكرهم اسهل الطرق هي التكفير و الاتهامات بفساد العقيده

بوست جميل و تحياتي ليكي و انا كمان من انصار الرقص



Nsreen Bsunee says:

قطه

مش قادره اتخيل ان الاخوان ممكن يمسكو حكم مصر بجد يبقي مش حارجع البلد غير عشان اتدفن بس

***************

ايمي

مش معنى اننا بنحب الرقص اننا ناويين نشتغل رقاصين بس الرقص والمزيكا حاجه جميله فعلا

بتتفرجي علي
so u think you can dance??



ذو النون المصري says:

الرقص الشرقي و الفنون عموما هتفضل عقبه من عقبات الاتفاق بين التيارات الفكريه المختلفه طالما بقينا متخلفين و لن تزول العقبه الا بالتقدم الحقيقي



عم مينا says:

دي أول زيارة ليا في مدونتك و هي فعلاً مدونة جميلة..
اما بالنسبة لحماس فأنا اريت الخبر في العربية الاسبوع الي فات و استفزني جداً
المشكلة انهم مش بس بيحرموا الرقص.. لا دول كمان اعتبروا كل الي شاركوا فيه مش وطنيين لانهم نسيوا القضية و راحوا يرقصوا
يعني من الاخر هم اخدوا الدين و الوطن لحسابهم



ابو احمد says:

اذكر منذ 36 عاما انى اشتركت فى فرقه المؤسسه العماليه للفنون الشعبيه فى نادى المؤسسه العماليه بشبرا الخيمه
والله كانت ايام جميله
تحياتى ليكى ولزوربا
ورقصنى ياجدع عل رأى ابو فارس
وبالعند فى حماس والاخوان المسلمين بالمره



Nsreen Bsunee says:

نون

عزيزى نون انا مش مستبشره بانى حاشوف فى حياتى اى تقدم حقيقي او مزيف ممكن احفاد احفادي يحضروه انشاءلله

_________________

استاذي عم مينا

زيارتك شرفتنى ونورتنى وفرحتنى جدا يارب متكونش الاخيره

هما اعتبروهم خونه وبيطبعو العلاقات مع اسرائيل وحاجات كده غريبه
حماس ديه غريبه فعلا

_____________

استاذي ابو احمد

مشرفنى
يا بختك يعم والله واضح انك كنت شاب نشط جدا فى كل المجالات واهتماماتك كانت متنوعه
🙂
ياريتنا زيك
ورقصني يا جدع فى العند فى حماس والاخوان واللى يتشددلهم



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: