Nisreen85’s Blog











{April 3, 2008}  

ليه دايما لما الست بتحب اوى بتتخللى عن هويتها وشخصيتها وبتدبل وبتتساقط

وليه لما ده بيحصل بيكون الراجل فى قمه رضاه وقوته وعنجهيته وانانيته وغروره
***
ولما بتقرر الست انها تتحرر من الحب ده
بيتحول الراجل لكائن ضعيف منكسر يستجديها البقاء
***
ليه لما بتكون الست معطاءه اوى وبتدي بدون شروط او حدود بيتحول عطائها ده لواجب لازم تعمله والا تكون مقصره
ولو الراجل اعطى ولو شئ بسيط بيكون منه او منحه منه لازم الست تشكره عليها بكل اشكال الشكر والامتنان
***
ليه دايما اغلبيه الرجاله بيثبتو انهم مرضي نفسيا
وليه فيه ستات بيوافقو انهم يتعايشو مع شخص مريض
***
ليه العلاقات السويه اللى بيكون فيها العطاء متبادل ومتوازن قليله جدا وتكاد تكون نادره واوشكت على الانقراض
فيه خلل اكيد ومن الواضح انه من جهه الراجل مش كده؟
***
Advertisements


mohand says:

تفتكري ان دايما السبب الرجل

ربما

وربما

كل علاقه ولها ظروفها



FaceMoon says:

مش دايما الراجل بيكون السبب ساعات بيكون الطرفين سبب يعنى الست بتقبل كدة ومش بيكون فيه اصلا تفاهم ما بين الاتنين ساعات الراجل بيبقى انانى والست بتتقبل الانانية دى
بس برضة فيه ستات مفترية عشان اكون منصفة
وبرضة كل حالة تختلف عن التانية



3abratalsabeel says:

مش عارفة والله السبب الحقيقى

بس يمكن لان معظم الستات مضحية بطبعها وطبيعتها
ومعظم الرجالة انانيين بطبعهم

معظم لان فى ناس كويسة قوى وفى ناس يتفاتلها بلاد

سلام عليكم



زعيم كمورا مورا says:

بصى
حوا لما بتحب بتبقى كائن ضعيف
سهل كسره
ادم لما بيتحب بيبقى كائن قوى
وقوته دى بتبقى وهمية فى خياله هو وبس
وبيسمد قوته دىمن حب وا ليه
وطبعا لما حوا بضيع منه
بيضيع معاها قوته
فبيقع على واقع انه ضيف

ومن غير حوا مش حيقدر يعيش
وساعتها بيبقى اسد جاسور
من قرون مأكلش
وبيدور على فريسة
وفريسة واحدة بالذات
لان فى جزء فيها لو امتلكه تانى
حترجعله قوته الى ضاعت منه زمان
فكرة فى اول الرد كدة
ايه مش فاكرة
طب ارجعى واعرفى هى ضاعت ازاى
بس طبعا فى اوقات كتير غرور ادم وكبريائه
بيمنعه انه يعيش

كفاية كدة بقى لحسن شكلى صدعتك

سلام
وتحياتى



son's egypt says:

السلام عليكم
ليه بتحملوا الراجل كل حاجة
ليه منقولش ان الست هي اللي بتخخلي بكامل ارادتها



HafSSa says:

بصي
هو مش تخلي من المراءة عن شخصيتها
هي محاولة منها لاحتواء ادم الغير متطور عاطفيا و مشاعريا زيها
لان الكبير هو اللي بيحتوي الصغير و ليس العكس
ليه بقى هو بيبقى راضي بكده و شايفه مدعاة للغرور و الكبر و العنجهية فده برضو راجع للقصور العاطفي اللي هو مفتقده و مش قادر يستوعبه
و ليه بقى بيتذلل معاها لما هي بتسيبه
علشان وقتها بيعرف ان الله حق
و انه ميقدرش يستغننى عنها و عن بحر الحنان اللي كان عايش فيه
اما ليه هما بيثبتوا انهم مرضى نفسيين فده صعب لان المريض مش بايده مرضه
و اما عن ليه احنا بنرضى نعيش مع مريض
فده لان ربنا وضع فينا فن التعامل مع الغير و الرعاية بيهم و مهمة تمريض الاخرين و ان كان مؤخرا بدت تظهر ممرضين رجالة
he nurse
يعني
اما عن العلاقات السوية فدي حاجة جديدة مسمعتش عنها خالص الا الان في حياتي الممتدة منذ 30 عاما و كام شهر

طنشي هما كده و عمرهمش ما حيتطوروا افضل من كده
نحمد ربنا على اللي وصلوله



Mohamed Shedou محمد شدو says:

بصي ليا تعليق على اول مقطع
وهو تنازل المرأة عن شخصيتها وهويتها
الحقيقة ان دي مشكلة فعلا
بس دي بقى خطأ المرأة
لانها بالتنازل عن شخصيتها في الحقيقة بتمارس الكذب
والكذب هو اسوأ مفسد للعلاقات
انا بقول ده عن تجربة شخصية
لاني لاحظت ان فيه ستات لما بتبقى عاوزة راجل
بتحاول تتقمص شخصية مختلفة
بتحاول تشوف هو بيحب ايه وتبقى زي ما هو بيحب
هي للاسف بتفتكر انها كده بتعمل حاجة كويسة
لكن مش فاهمة ان الراجل اللي يهمه الصدق قبل كل حاجة
مش هيحب ده وهيعتبره كذب
وهيفاجأ بعد كده بشخصيتها الحقيقية
لان الطبع يغلب التطبع زي ما احنا عارفين

يعني الجزء ده مش في صالح المرأة خالص زي ما انتي بتقولي
بالعكس ده سلوك خاطيء وأحد اسباب فشل العلاقة

اذن مش العيب في الراجل بس
🙂



arsenalwy says:

الست لما تكون واثقة من نفسها ولا هيحصل اللى انتى بتقولى عليه لكن فى حالة الخضوع وعدم الثقة بقدراتها أن معاكى أن دة بيحصل

شكرا



fatima says:

نسرين الجميلة
يا حبيبتى انتى بتسألى السؤال الوجودى اللى ملوش اجابة محددة خالص
كل واحد و واحدة هيجاوب تبعا لتجاربه الشخصية و وفق ما يراه حوله
و احنا فى بلادنا العربية الجميلة دى المرأة بتتنازل عن شخصيتها فى الاول غصب عنها قدام ابوها و اخوها و تفضل تتمنى اليوم اللى تبقى فيه حرة
و لما ييجى ابن الحلال بيطالبها برضو انها تتنازل عن شخصيتها بس الطلب بيبقى واخد شكل تانى فيه رومانسية و حنان و دلال ..و برضو بتتنازل …
و لما الوقت بيعدى تلاقى كل اللى حواليها سابوها فى مكانها و اتقدموا و هيا لسه زى ما هيا … بتنتفض و تقول كفاية انا فين ؟؟
تجد حالة مقاومة من الكل اللى رتبوا حياتهم على اساسها هيا و تضحياتها …
لو هيا جامدة بتبعد و يقعدوا يترجوها
لو هيا غلبانة بترضخ للظروف
و لو هيا بين بين بتقاوم على جولات مرة تفوز و مرة تتنهزم
بس فى آخر الامر بتقعد تحسبها كويس و تحدد مين يستاهل ؟
غالبا لو عندها أولاد هما اللى بيخدوا كل تضحية منها و هيا بتوافق على دا راضية و مطمئنة
و معلش رغيت كتير
تحياتى يا حبيبتى



DantY ElMasrY says:

بالنسبة ليا المسألة شخصية مش مجتمعية علشان بتتوقف على درجة السيلام النفسى الى وصل لية الإنسان رجل او امرأة
ومعاكى ان معظم الرجال مرضى نفسيين خصوصا تجاه النساء
بس مايمنعش ان فى رجاله متوازنين
دول اللى فى حالة تصالح مع الذات والآخرين
بالنسبة للستات فدول جنس فدائى
بيتخلى عن شخصيته ان مكانش علشان الزوج يبقى علشان الأولاد
مره سألت واحده مش متجوزة انتى تبقى كويسة امتى؟
قالتلى لو ابويا راضى عنى
ولما تتجوزى هاتبقى كويسة ازاى ؟
قالتلى لما جوزى يبقى راضى عنى !!!!!!!!!!!!!!!!



Nsreen Bsunee says:

مهند

كل علاقه بظروفها لكن الاغلبيه العظمى بتكون بالطريقه ديه الست تتنازل الراجل يسوق فيها ويتعوج كمان ويوم ما تقول كفايه انا تعبت ومش عايزاك يقعد يعيط

🙂
نورت

********************

facemoon

الست بتقبل تتنازل بدافع الحب لكن فى المقابل الراجل مش بيقدر ده وبيعتبر انه شئ طبيعي هى لازم تعمله
الستات المفتريه بقي هما اللى مرتاحين لان الراجل لما بيلاقي ست مفتريه بيبقي عامل زى الكتكوت المبلول
🙂
نورتى

**********************

3abratalsabeel

صح انتى جبتى المفيد هى طبيعه فى الست انها تضحى وطبيعه فى الراجل انه يكون انانى

وللاسف الاغلبيه العظمى كده
🙂
نورتيني



Nsreen Bsunee says:

زعيم كمورا مورا

مصدعتنيش ولا حاجه طبعا
الست مش ضعيفه الست معطاءه بتحب تسعد اللى حواليها بس بتحب برضه انهم يقدرو كده للاسف الراجل مش بيقدر فا فى النهايه هو اللى بيخسر ويرجع يغني ظلموه

تحياتى ونورتنى

****************

son’segypt

محدش قال ان الست بتتنازل غصب عنها بس هى مش بتلاقي اى تقدير مقابل التنازل ده

نورتنى

**************

صفصف

كلامك حكم والله عايز بوست لوحده

عجبتني اوى حكايه ان الكبير هو اللى بيحتوى الصغير
🙂

*****************

محمد

لا لا يا محمد انا مش باتكلم على نوعيه انى اكذب واتجمل ديه
لا خالص انت فهمتنى غلط

انا باقول بتتنازل عن شخصيتها مش بتغير شخصيتها
بتتنازل قدام الراجل عن طموحها ممكن تيجي على كرامتها عشانه تتحمل اهانه تتحمل ضغط عصبي تتحمل ظروف صعبه
هو ده اللى اقصده بالتنازل انها بتتحمل عشان اللى مكانتش متعوده انها تتحمله عشان اى حد تانى ولما بتحب بتتحمل وبتيجي على نفسها على طموحها على ذاتها على كرامتها

لكن اللى بتكدب ديه وبتمثل حاجات مش فيها ديه مريضه برضه بتمثل عشان -تصطاد- راجل وديه نوعيه انا اعترف بوجودها وشكلك كده عترت فى واحده منهم
“وش بيغمز”

نورتنى يا محمد

********************



Nsreen Bsunee says:

arsenalwy

الست لما بتحب بتستمد الثقه من الراجل اللى بتحبه هو فى ايده يخليها تكون واثقه من نفسها معاه وفى ايده يخللى ثقتها فى الحضيض

نورتنى

********************

ام يوسف الجميله

ادعيللى اكون جامده ومأرضخش للظروف
🙂

انتى لمستى جزء مهم جدا ان التنازل بيبتدى اساسا مع الاب والاخ
للاسف

المشكله انه بيكون صعب على الست نفسها حتى لو فاقت للى هى بقت فيه بيكون صعب تتخلى عن كل اللى محتاجين لتنازلها ورتبو حياتهم عليه
المطلوب بس شويه تقدير من البيت لبنتهم ومن الزوج لمراته ومن الحبيب لحبيبته ومن الاولاد لامهم
بس شويه تقدير

نورتنيني طبعا

*******************

دانتى

المشكله يا عمور ان ولا الاب بيكون راضي رضا كامل ولا الزوج كذلك متفهمش ايه اللى ممكن يرضيهم

انا شايفه ان مفيش حل غير ان الست تبطل تتنازل بقي وتعيش فدائيه زى ما انت بتقول
لازم تعيش ندله شويه عشان تتبسط بالدنيا
🙂



Desert cat says:

المفروض ان الحب احساس وشعور بين قلبين
يعنى القلوب اللى بتتعامل
لكن فعلا فى رجالة مرضى نفسيين لما يعطى حتى لو كان العطاء ده كلمه حلوة يحسسها انه عمل فيها جميلة وبعدها تاخد اسبوع نكد
وبيحس ان عطاءها حق مكتسب
برضه فى رجاله حنيين
بس اعتقد بدؤا فى الانقراض



Nsreen Bsunee says:

فين الرجاله الحنينين دول يا نونا يا حبيبتي انقرضو خلاص الحنيه بقت عندهم اكيد وراها حاجه عامل مصيبه عايز حاجه وبيمهد يعني فيه غرض ورا الحنيه مفيش حنيه مجرده كده لمجرد الحب

نورتيني يا قطه



Che The Hermit says:

لا مش كدا 🙂
أول مرة أعلق صح ؟؟
ياللا مش مهم يا ريت متكونش الاخيرة

كنا بنقول ايه
اه لا مش كدا خالص كمان

لما الست ترضي بانها تعيش كدا فى ظل واحد هو مش بيقدر يبقي في خلل من ناحيتها

بصي العلاقة فى الحب دايما بين اتنين ولما بيكون في خلل بيبقي بردو من الاتنين

اه صحيح اخر حاجة قبل ما امشي
اغلب الرجالة مش كدا والرجالة اوفي كتير من الستات يمكن ما بيعرفوش يقولوا كلام متزوق زيهم بس دايما هما اوفي بنسبه اكتر

ياللا تحياتي
تشي



بنت القمر says:

بصي انا قريت التعليقات وعشن كده ها اقولك اني متفقه مع حفصه الي حد كبير ولكن
************
السؤال الاول لانه اصلا الحب وتفاني وعطاء وتضحيه وغالبا هي ما بيكونش حيلته حاجه تضحي بيها الا شخصيتها وده القربان الاول والاوحد اللي بيطلبه ادم اثباتا لحبها ومن الاول خالص عشان يتأكد ان الست مش ها تيجي بعد حبه تعمل عوء وتقوله شخصيتي وذاتي
لاحظي بنات كتير اول ما تتخطب يجي العريس عشان يثبت مرجلته يعمل تغيير كامل شلمل في حياتها
يطلب منها تتحجب او لو بتتعلم تبطل او لو بتشتغل تقعد عي البيت مش عشان الحاجه دي اصلا فارقه معاه
لكن عشان يشبع شيئ في ذاته انه يقدر يغيرها وهي قبلت ده عشان خاطره
************** السؤال التاني عشان بكل صراحه وبدون تحيز الست اكثر عطاءا للراجل والراجل اكتر احتياجا الست حبيبه وعشيقه وام وزوجه وخدامه وممرضه وشكل اجتماعي للزوج
لكن العكس مش اوي ممكن شكل اجتماعي او حبيب او ممول بنكي لكن التلاته صعب يجتمعوا في راجل واحد
*******************
ليه الست بتعيش مع مرضي نفسسين
عشان اعتبارات كتير الشكل الاجتماعي الاولاد عدم التخلي عن البنك والممول نتيجه لخوف او عد ثقه في النفس
يعني مصالح بس لانها متقدرش غالبا تواجه نفسها تحط مبررات كلام الناس او الولاد لكن للاسف مفيش في الحياه هات من غير خد
*****************
العلاقات المتوازنه
موجوده لكن محدش بياخد من الحياه كل شيئ تلاقي اتنين زي الفل وبيعشقوا بعض بس عندهم ابن مريض
او اي مشكله تانيه تنغص عليهم
واخيرا مفيش راحه
!! ومتحسبوش يا بنات ان الجواز راحه الجواز عمره عمره ماكان راحه
تحياتي



appy says:

يا نهار لف غلط علينا كلنا

هى التساؤلات دى عندك انتى كمان
تصدقى انى طبقتها لقيتها صح بجد
لما احتويته كل حاجه انا اول حاجه سابها
لما اديته حقك بقى حق مكتسب
بس فى النهايه لما اديته بالجزمهوملهاش معنى تانى رجع تانى
بس عارفه الخسارة فين انه لما بيرجع بكون انا لميت نفسى من جوايا وعالجتها واديته ظهرى ومشيت
لانه لازم يفهم ان كل ده مش ضعف منى ده احتواء بس وقت ما همشى هيكون بدون استأذان

ليه دايما اغلبيه الرجاله بيثبتو انهم مرضي نفسيا
وليه فيه ستات بيوافقو انهم يتعايشو مع شخص مريض

ده حب التضحيه او دور البطوله عندنا انى بحتويه ومتحمله فيه ستات عاوزة تطلع بدور عبده المضحى طول الوقت ودول فكك منهم مش بحبهم

جامده التدوينه دى يا رينا بجد



محمد عبد الغفار says:

مش كده



micheal says:

دي بقي لعبه الحب
تحياتي



ادم المصري says:

سؤال صعب جدا جدا
صدقيني
سؤال جد صعب



Nsreen Bsunee says:

che

يا تشي انت بتتكلم عن نفسك او عن علاقات انت شفتها كانت فيها الست قاسيه او بمعنى اصح واطيه وفى الحالات ديه الراجل بيبقي دايما منكسر ومحطم
لكن انا باتكلم لما بتكون الست بتحب ومخلصه ومتفانيه فعلا فى حبها الراجل وقتها بيبقي انانى اوى وجبار فعلا

انا كمان باتمنى انها متكونش اخر زياره
نورتنى

********************

مووووون

عندك حق الموضوع بيبدأ من ايام الخطوبه او من اول العلاقه لو فيه حب قبل الارتباط الرسمي
بتبدأ تظهر علامات الاضطراب النفسي على الراجل
بس ليه برضه الست بتجازف وتتجوزه
يعني نفسي افهم ليه فكره الانفصال مرفوضه عندنا
ليييه
مش لان الراجل دايما بيكون الممول واللى بيصرف ساعات الست برضه بتكون مبسوطه ماديا وتقدر تصرف على نفسها وبرضه بترفض فكره الانفصال

باحب الاغنيه ديه جدا جدا جدا
وفرقه المصريين كمان ليهم اغنيه جامده اوى اسمها ماشيه السنيوره لو تفتكري
🙂
حابقي احطها فى السايد بار عشان افكر الناس بيها

نورتيني
********************

ابي حبيبتي

طبعا احنا فاهمين بعض اخر حاجه

هههههههههههههههههههههههه
خخخخخخخخخخخخخخخخخخخخخخخخخخخخخخخخ

احنا بنحدف بالقلل على طول

والله يا ابي انا بحب دور التضحيه والبطوله ده بس زهقت منه خلاص شويه ايجو مش حيضرو برضه
🙂

*********************

محمد عبدالغفار

لأ كده

**********************

مايكل

طيب لو هى كده بقي انا مش عايزه العب
حالعب فيفا وسوبر ماريو احسن
🙂

*********************

ادم

الاعتراف صعب صح
😉



Alexandrian far away says:

أيوه صحيح يا نسرينا
أنتوا ليه بتقبلوا الحاجات دي على نفسكوا
مره زمان سألت واحد صاحبي أكبر مني كتير عن ليه فيه بنات وستات رائعات شكلا وموضوعا في علاقات مع رجاله حثاله ولا يسووا مليم ، سألني أنت عندك كام سنه ، رديت عليه 25 – وقتها- قام رد: أنا من 25 سنه بأسأل نفسي السؤال ده ومش لاقي له أجابه
ربنا يديكي ويدينا طولة العمر بقى

مساء الفل



mado80 says:

نســـــرين
إزيك

طيب ليه يعني الخلل في الراجل ليه ما يبقاش في الست برضه يعني خلل مشترك

يعني ليه الست ترضي أنها تعيش مهانه ذليله وليه ما يكونش عندها كرامه

وكمان يا نسرين مش شايفه أنك كده عممتي الحكم يعني أكيد اللي أنتي قلتيه ده مش قاعده أكيد فيه رجاله كتير كويسين

طبعا في نماذج كتـــــيره جدا زي ما بتقولي بس أنا شايف أن فيه نماذج كتير برضه غير كده

بس تعرفي علي الرغم من كده فالراجل اللي يشوف الست تتنازل فيسوق فيها ده راجل مريض نفسيا أكيد أكيد يعني

تحياتي ليكي يا نسرين وألف تقدير لشخصك الكريم



شـــــهــــروزة says:

عقدة الرجل أنه لا يميل للمرأة الأقوى أو الأشد بأسا” أو الأكثر ذكاءا” منه حتى لو أدّعى ذلك بعلو صوته الحيــّانى

وعقدة المرأة أنها لا تقبل الركون لرجل ضعيف مهزوز
بل يجب أن يكون قويا” حتى لو لجأت هى لصنع قوته المزعومة
أهى حترضى نفسها

لكن صدقينى
وخديها منى كلمة

مفاتيــــح اللعبــة كلها
فى ايد المرأة
حتى لو توهم الطرف الآخر العكس

أهو بناخدهم على أد عقولهم

:))))))))



kikooooooooo says:

سلامووووووووووووو عليكووووووووو

بصي يا نسرين ؟؟ أنا معاكي في كل كلمة إنتي قولتيها بالظبط

بس انا بقولك إن العيب ع الست مش الراجل

ليه ؟؟

لأنها ما عرفتش تتعامل مع طبيعة الراجل نفسه .. وديه عاوزة ست زكية شوية

وصدقيني لما الست بتعرف تتعامل مع الراجل صح .. بتكون علاقة ناجحة جدا ومفيهاش مشاكل

كان معكم ..,
كيكووووووووووو



Fantasia says:

المشكلة في الطريقة اللي اتربينا بيها يا نسرين
الثقافة الذكورية اللي بتخلي الراجل يكبت مشاعره وعواطفه على أساس ان هي دي الرجولة, وبتجبر المرأة انها هي اللي دايما تضحي وتيجي على نفسها وترضى بأي حاجة يفرضها المجتمع عليها

عشنا في أوهام كتير, خلاصتها ان جنس الذكور يكونوا الاسياد وجنس الإناث يكونوا العبيد ليهم

وعشان العبيد يفضلوا عبيد ويقتلوا جواهم الطموح وأي نية للتمرد كان لازم يكرسوا الوضع دا بمجموعة من العادات والتقاليد واضفاء روح القداسة عليها

لازم الافكار الغلط توصل لمفاهيم غلط وتؤدي لخلل في المجتمع وفي نفسية الافراد اللي بينشئهم المجتمع ده

الخلل فينا كلنا. الراجل باعتباره الأقوى ممكن تشوفيه على انه جبار وانه سبب البلاوي كلها. لكنه بيعاني من نفس المرض اللي زرعه جواه المجتمع المريض اللي احنا عايشين فيه

معظم الرجالة عندهم ازدواج في الشخصية, ودا وباء اجتماعي أصيل عندنا. ازدواج المعايير والعته الفكري وضعف التكوين النفسي والفراغ الروحي وعدم الثقة بالنفس والتخبط والضياع والصدام وفقر المشاعر وعدم القدرة على التواصل… لو قعدنا نكمل اللستة هنقعد سنة نكتب.. كل دا سببه ان المجتمع عنده خلل في منظومته الثقافية



مواطن مصرى نايم says:

لا انتى كده متحامله على الرجالة اوى
ليه منعكسش الكلام
و بالنسبة لى برضوا مش حكون راضى
بالتحامل على النساء
و لكن الانثى خلقت من ضلع الرجل
يعنى الاتنين من بعض
مينفعش نقول ان ده وحش و ده حلو
الاتنين فيهم عيوب و مميزات
مش شرط ان الست هى اللى تكون شهيد المعاملة بين الرجل و الانثى
فى اغلب الاحيان بتكون هى المدمرة لكيان الاسرة
و عمر ما الراجل بيضعف قدام ست
صديقنى و الله الست اولا و اخيرا هى اللى ممكن تخسر لو

قررت انها تتحرر من الحب ده
بيتحول الراجل لكائن طيب مش ضعيف لا يستجديها البقاء و انما يبقى على الحب
و المودة

مينفعش القاعده الخاصة نطبقها على مشكلة عامة

تحياتى ليكى
و ارجو انى مكنش طولت عليكى



يا مراكبي says:

مش صحيح الموضوع ده .. زي ما فيه رجالة كده فيه ستات كده برضه .. والنسبة 50% في الإتنين على فكرة

والكلام ده مش بأقوله لأني راجل على فكرة .. ده من خلال خبرة حياتية مش أكتر

قفلتي الكشك له بقى؟



الحشرى says:

متهيألى الست بتضعف علشان بتحب بجد

أما الراجل فممكن أنه يحب مرات و مرات كمان



alexandrany says:

where nsreen?
can you tell me?



S H A H says:

اختفيتي فين؟!؟
و قفلتي المدونة ليه؟!؟

وفاض بيكي من ايه؟!؟

خير يا نسرين, و بعدين ده انا معاكي هنا , مستني رجوعك



yasmina says:

طبعا كل كلامك سليم والراجل دايما هو الغلطان
عارفة ليه عشان احنا بمجتمع شرقي معطيه كل الحق انه يتصرف زي ما هو عاوز بينما السيدة عليها ان تقول حاضر

للاسف يعني

تحياتي



احمد الجيزاوى says:

الاثين هم السبب لانى مفيش ارض مشتركه اسمه الحب



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: