Nisreen85’s Blog











{February 14, 2008}   HaAPyY vALenTiNe dAy


رغم انى مش سعيده-فى الحب او فى اى حاجه تانيه-بس مضطره اعمل باصلى واقول كل سنه وانتم طيبين من تحت الضرس بصراحه اصله اول فالنتين من سنين كتير اكون لوحدى فيه
كل سنه وانتم بخير بس محدش يدخل فى التعليقات يحكيلى عمل ايه مع صاحبته ولا خاطيبها ولا جوزها ولا الكلام ده انا مش ناقصه ولا حد يقول جاله هدايا ايه ولا جاب هدايا ايه مش ناقصه فارسه العمليه انا غلاويه وباقر وحاحسدكم بصراحه متحكوش احسنلكم
😦
استمتعو باغنيه سيناترا


بيجاسوس المصرى says:

كل سنة و انتى طيبة
ان شاء الله السنة الجاية الحب يكون فى كل مكان فى حياتك بأذن الله

السونج جميلة جدا و مدونة اجمل

المهم تفائلى للدنيا و الحياة و هى هتعطيكى الحب كله



الربان says:

تحياتي

اولا ربنا يسعدك في الدنيا و الاخرة…
ان شاء الله الامور تتصلح و تكون كما تشائين و تهوي…

ثانيا… الحب بين الرجل و المرأة بيأتي
و يذهب …تماما كالمال….
لكن ان أحبك الله….فهنيئا لك سعادة الدارين…

تحياتي و تقديري و دعاء من القلب ان يسعدك الله بخيري الدنيا و الاخرة.



appy says:

يا حبيبى مش محتاجه ده كله ما انا زى زيك يعنى هوم الون الحب مش محتاج يوم معين فىالسنه الحب موجود فى كل يوم بس اللى يبقى عنده احساس كل يوم حب وانتى ايامك كلها حب ومش هقولك هيجيب ليه ايه ما انتى عارفه ابو الهول ههههههههههههه خلاص بقى خد زجاجه شامبو مش صابونه بس خلى بالك من نفسك



Ahmed Al-Sabbagh says:

انا جبت لحبيبتى دبدوب وهى جابت لى دبدوب وجبنا لبعض دباديب واتغذيت امبارح دباديب بردو

ههههههههههههه

دى طبعا داخلة غيظ مش اكتر

انا
home alone
بردو

لأ انا
world alone

عااااااااااااا

حقد حقد

وبدعى على اى حد شايل دبدوب

الهى يقع منك الدبدوب تحت تروماى سكة حديد

غللللل

🙂

كل سنة وانتى طيبة

و

happy valentine day alone

احمد



فرنسا هانم says:

الحب شىء رائع وجميل جدا جدا جدا
والاجمل انك تكون مع حبيبك
تجيب له هديه جميله
ويجيب لك هديه جميله
وايديكوا فى ايدين بعض
وتتمشوا على الكورنيش
اييييييييييييه
ما احلى الحب
بس
بس
بس
انا كنت باغيظك وخلاص
كل سنه وانتى طيبه وعيد سعيد عليكى
انا بقالى سنين طويله بحتفل لوحدى



مــهــا says:

ماشاء الله يا ربيع ..!!
ماكنتش أعرف إنى مش لوحدى بس اللى وحيدة ..!!

بارك الله فينا يا جماعة ..
مانتحرمش من قعدات الحقد و الغل بتوعنا ابدا

الحقد مغيّر ملامحنا يا نسرين
فلانتين إية و هباب إية ..
😦



mado80 says:

نسرين

ازيك

كل سنه وانتي طيبه

كل سنه وانتي بألف خير

علي فكره يا نسرين انا كتبت بوست عبد الناصر اللي قلتلك هاكتبه ومستنيكي بجد تقوليلي ايه رأيك

تحياتي ليكي يا نسرين وألف تقدير لشخصك الكريم



بنت القمر says:

كل سنه وانتي بالصحه والسلامه ده اهم شيئ

مت من الضحك علي تعليق الصباغ و ابي
وان كمان الون انهارده اصلي متخانقه
اعاااااااااا
شفتوا النحس؟
كل سنه واحنا بنحقد
واحنا غلاويين



MerMaid says:

ههههههههههههههههههههههههه

بطللي حقد ع البشر بقي يا بنتي
🙂
مالك بس؟؟؟
طمنيني عليكي يا نسرين يا جبانة
———————————
متخافيش محدش هيحكي حاجة تقريبا كل المدونين زينا كدة هوم الون علي راي بوجي
قصدي الصباغ

روقي يا حاجة ولا يهمك
بكرة تحتفلي بيه مع العيال عيالك
تحياتي ليكي
🙂

Single is better than suffering



Mohamed Shedou محمد شدو says:

انا برضه كنت عاوز اقول زي ما قالت هاجر في الاخر كده
بس هي سبقتني
عموما انا هقلها بالعربي
صدقيني اجمل واحسن كتير جدا ان الواحد يكون لوحده من انه يكون في علاقة تعيسة
فيه ناس بتتمنى انهم يرجعوا تاني
سناجل
single

انا بقى مش هقول هابي فالنتين ومش بهني اساسا بالاعياد في مدونتي
مش طالبة الواحد يعمل او يقول حاجة مش حاسس بيها اساسا
فيه غيره ملايين هيقولوها
فمش لازم تجبري نفسك يعني انك تهني
وان كانت التهنئة الحقيقة طلعت الغل والحقد وكده وده طبعا يحسب لها
يعني شوية الغل دول ظراف برده
🙂



أنـــا حـــــــــرة says:

طيب انا معنديش احقاد و كده ع الناس المرتبطين ، بس اقترحت على اتنين اصحابى نعمل جمعيه للى مش مرتبطات

بقترح يبقى شعارها

” فخورة بانى غير مرتبطة “

🙂

و يكون الفالنتين عيد استقلال لعضوات الجمعيه طبعاً

ها تشتركى🙂 ؟

بس لو اه لازم تسمى قسم الجمعية بانك مش هتخونينا و ترتبطشى اه و انا بفنن فى صيغه للقسم



أنـــا حـــــــــرة says:

بس انا بقى فعلا مش بحب هدايا الفالانتاين و لو ارتبطت هشترط على حبيبى ما يجيبليش فى الفالنتاين لفة حمراء أد الجبل دى شبهة و المصحف ، ده غير الحسد و القر بقى اللى بتاخديه من باقى الناس اللى مش طايله ضل راجل يا عينى

فى ايه فى خروجه لذيذة او هدية رمزية صغنتوته

انا شوفت بقى من 3 ايام واحد ماشى مع واحده و شايل دبدوب أدى مرتين و اد الواد مثلاً و يدوبك ماسك رقبته تحت باطه و الدبدوب رغم عملقته احمر دم انا كنت محرجالهم تفتكروا الناس اللى ماشية فى الشارع بهدايا كبيرة و كل الناس بيتفرجوا عليهم بيبقوا مبسوطين و طظ فى الشعب و للا مكسوفين م المنظر ؟

اللى مرتبط يفيدنا بقى



Anonymous says:

هو النهاردة بقى عيد الحب
وانا لما شفت الالوان اشى احمر واشى روز افتكرت شم النسيم ولا حاجة

بس مشكلة هجوم الدباديب دى
فاضل دبدوبين كمان ويعلنوا القاهرة مستعمرة دبدوبية

مع ان لو حبيبتى حولتلى خمسة جنيه رصيد هبقى سعيد جدااا
بدل الدباديب والكلام ده

🙂

بجد بقى كل سنة وانتى طيبة

مصطفى اسماعيل



راجى says:

والله يا عزيزتى انا عندى زحمة جامدة فى البيت وياريت اعرف ازحلق العيال عشان السنة تبقى حمرا بجد
وبعدين انا لسة جايب بقالة بسطرمة على شوية جبنة على جمبرى جامبو كلهم بيدوا على احمر
انا عاوز ادارى بسرعة من بنت القمر احسن انا موش حمل الحسد



راجى says:

وبعدين انتى فين دلوقت فى اسكندرية ولا رجعتى الكويت؟كنا عاوزين نشوفك والله لما تشرفينا فى القاهرة



alexandrany says:

رغم اني زعلان منك
وانتي اكيد عارفه ليه

بس بالنسبة للاخ فالنتين اللي مش عارف الناس هتحتفل بيه لو عرفت قصته
وبالنسبة لموضوع الحسد اللي جبته سيرته في البوست
يا ستي احسدي
احسدي
ما تحسدي بقى
يمكن الحسد يجيب نتيجه عكسية معانا
والسنه الجايه مانشوفش سيرة فالنتين الوحشة ونشوفوا سيرته لحلوة
🙂
يا بنتي انتي فين؟
هو ايه من لقى احبابه نسى اصحابه
اخيييه
هو انتي طلعتي منهم
🙂
طمنيني عليكي يا جميل



HafSSa says:

هههههههههههههههههههههههههههههههههه
عجبتني حكاية حتعملي باصلك دي و تهني الناس بعمو فالنتاين
قال هو اخباره ايه؟؟
مش بيجيي ليه مش يبقى يجيي؟؟

كل سنة و انتي طيبة يا عسل

لعلمك في امريكا و الدول المتقدمة بيحتفلوا بالعيد ده بشكل جماعي
يعني مش لازم بس يكونوا اتنين حبيبة و السلام
لا كل الناس هناك بتهادي بعضها و بتود بعضها لان الحب ميعرفش انواع
حتى الطالبات بتوعي جابولي هدايا صغيرة و بنبوني بس على مين
برضو سقطتهم

😀



نوسه says:

يابنتى سيبك هو خدنا ايه من الرجاله غير حلاقة الدقن🙂
عامة احنا مبنحتفلش خالص ومجابش غير هدية عيد ميلادى
اصل يعنى بصراحه بردو انا مش مرتباها كويس مش معقول عيد ميلادى فى اول الشهر والراجل يكع هديه وبعدين الفالنتين فى نص الشهر يكع هديه تانيه ..حرام بردو
بس استنى اغيظك شويه :))
هو اتصل وقالى بحبك
نيهاهاهاهاهااا
ربنا يهنيكى يااااااااااااااااارب



انين الحزن says:

انابقه يومها وانا رايحه الشغل

متقوليش الدنيا كلها بقت دباديب وورد وكل اتنين ماشين وانا ابصلهم واقولهم في سيري طبعا وانا كلي حقد يابختكم مين ادكم

بس انا بصبر نفسي وبقول اكيد لو مفيش حب دلوقتي واحتفلت بالفلانتين لوحدي
مسيري في يوم مااكونش لوحدي

طولت عليك معلش بس الحب جاي جاي جاي

سلاموووووووووووز



يا مراكبي says:

أنا مريح دماغي من زمان: عيد الحب بدعة .. وبكده بأخلع من الحكاية دي كل سنة

وبالذات من بعد ما إتجوزت

ههههه



camellia says:

هابي فالانطين علي اي حال
مش مهم يا ستي تكوني سعيدة في الحب الرومانتيكي تيكي
أهم حاجة تكوني بتحبي نفسك وتحبي الناس اللي حواليكي
انا متعودة كل فالانطين انزل اجيب لنفسي وردوشيكولاتة:)واقعد اتفرج علي البنات والولاد اللي لابسين احمر في احمروشايلين دباديب بس ولا بيهمني انا مبسوطة بنفسي وانا ونفسي آخر انسجام مع بعضينا ،انا جايبة لنفسي ورد ونفسي جايبالي شيكولاتة
وهابي فالانطين كمان مرة



Fantasia says:

Happy Valentine
كل سنة وانتي طيبة يا نسرين يا جميلة

لعلمك بقى احلى فلانتين هو اللي الواحد بيقضيه لوحده ده. يا شيخة بلا فلانطين بلا وجع قلب. تلاقي كل سحلول ساحب سحلولته وجايبلها هدية بخمسة تعريفة م العتبة ويقولها انه جابها من المول الفلاني وقعد يلف ويلف عشان يلاقي حاجة تعجبها. وف الاخر يعشيها كلام ولو كريم قوي يأكلها كومبو ويتخانق مع الجرسون كمان, عشان تبقى ليلة نكد عليه وع اللي عايز يخرج معاه

يا بنتي الحرية تاج على رؤوس الاحرار. استمتعي بالفلانتين السولو ده. بكرة يبقى نفسك فيه ومش طايلاه. حد طايل عم فرانك سيناترا يغنيله ف الهدوء على رواقة كدة؟ فيه أحلى من كدة؟ دا انتي طلعتي رومانسية أوي يا نسرين وانا مش عارفة. انا كنت فاكرة مفيش حد بيسمع سيناترا غيري. لقيت ليا منافسين اهوه

كل عيد حب وانتي طيبة والسنة الجاية تبقي متدبسة وتحيكلي ع عشوة الفلانطين

تحياتي يا قمر



kikotalaat says:

سلاموووووووووووووو عليكووووووووو

أنا آسف بجد إني ما زورتكيش بقالي كتير بس والله كان عندي حالة ملل بشعة
بس أول ما فكيت قلت آجي وأسلم
نيجي بقي للبوست وشكلك كنتي مش سعيدة وانتي بتكتبيه
بس صدقيني اللامور ده هيجي هيجي لوحده من غير أي حاجة
ومع إنه أجمل إحساس في الدنيا
بس وجع قلب ووجع دماغ كمان
شكل حالة املل اللي عندي هتطول التعليق اللي بكتبهولك
بصي كفاية كده
وربنا يسعدك يا رب
كان معكم ..,
كيكووووووووووووو



ElshehaB_PagE says:

I didnt lost my girl today i didnt have it yet but…..
i lost my Big sister the one hwo thinks that im is a faqe person
will im not not a man with too many faces the mask i wear is one (sting-shape of my heart)he said
do not comment on my comment thats will make it worse
And i cant say happy valentine day
sorry…



فضفضة says:

يا عينى عليكى يا حبيبتى

زعلت جدا عشانك وقلبى اتقطع فعلا وناوية ابعت لك حتة هدية هههههههه

حب اية اللى انت جاي تقول عليه

دانا اللى بقر عليك انك لوحدك ومفيش حد يقرفك فى يوم زى ده ههههههههه

اااااه يا بختك خخخخخخخ



اسكندراني في الغربة says:

حد يبقا في اسكندرية و يكون لوحدة؟؟؟؟؟



علي says:

الصرحه مش عارف من اين ابد واعرف اني كلامي مش هيكون علي مزج كثير من الشباب ولكن واجب علي ان يعرف كل منا معنا وسبب الاحتفال بهذا اليوم وايضا يعرف معني الحب الحقيقي في هذا الكون ام عن الحب
الحب …

كلمة صغيرة قليلة الحروف، لكنها كبيرة المعنى، عظيمة الأثر.. من عظم هذه الكلمة احتار النّاس في معناها، وربّما من أجل هذه الكلمة زهقت أنفس وسالت دماء!!

الحب…

لا يعرف طعمه إلاّ من ذاقه ثم فقده!! فلوعة الفراق وألمه وعذابه دليل تغلغل (الحب) إلى أعماق القلب وسيرها في مجرى الدماء ومخالطتها لكل المشاعر والأحاسيس.

الحب…

إمّا أن يكون مشروعاً ومحموداً وإمّا أن يكون ممنوعاً ومذموماً، وغاية الحب التعبد وهي مرتبة لا تجوز إلاّ (لأعظم محبوب) وهو الله جل وعلا، ويصل الحب فيها إلى درجة التذلل والخضوع بحيث لا يعترض على أي أمر يؤمر به ولا يخالف ما يحبه حبيبه فيحب كل ما أحبه الله، ويبغض كل ما يبغض، بل ويحاول الحبيب أن يجعل كل حبه في الدنيا تبعا لحب (أعظم حبيب) وهو الله تبارك وتعالى، فيحب فيه ويبغض فيه.

الحب…

يجعل الحبيب يسهر الليالي ويهجر النوم، يدع الطعام والشراب والشهوة من أجل حبيبه، ترجف القدمان من طول القيام والوقوف ولا يشعر بهما من أجل حبيبه، تدمع العينان وتسيل الدموع شوقاً لحبيبه وطلباً لرؤيته، يقرأ كلامه مرات ومرات ومرات لا يمل ولا يكل.. بل يزداد شوقاً وطمعاً، يناجيه في السر والخفاء ساعات وساعات.. يكفيه أنّ حبيبه يسمعه!!.. لو طلب منه حبيبه وقته لأعطاه لو طلب ماله لأعطاه لو طلب حياته ودمه لأعطاه بلا تردد، فمن أجله يرخص كل شيء، أنّه الحبيب الأعظم، أنّه (الله).

الحب..

يتدرج بصاحبه حتى يصل إلى مرتبة كبيرة تجعل صاحبها لا يفعل إلّا ما يرضي حبيبه!! فهل رأيتم حبيباً لا يأكل إلاّ ما يرضي حبيبه، ولا يشرب إلاّ ما يرضيه، ولا يلبس إلاّ ما يرضيه، ولا يمشي إلاّ إلى ما يرضيه، لا يسمع إلاّ ما يرضيه، ولا يرى إلاّ ما يرضيه، حركاته.. سكناته.. كلامه.. صمته.. نومه.. سهره.. أخذه.. عطاؤه.. كل هذا لا يفعله إلاّ إذا كان يرضي حبيبه!! بل حياته وموته في سبيل حبيبه!!فهل هناك حب أعظم من هذا الحب؟! .. إنّه (الحب) الأعظم ولا يستطيعه إلاّ المؤمنون الصادقون، قال تعالى: {وَالَّذِينَ آمَنُواْ أَشَدُّ حُبّاً لِّلّهِ} [سورة البقرة: من الآية 165].

ما يسمى هذه الأيام بـ “عيد الحب” أو “الفالنتاين” فهو كلام فارغ!! وبدعة شيطانية أصلها مرتبط بالديانة الوثنية الرومانية، التي كانت تحتفل في منتصف شهر فبراير بآلهتهم، ولهم إله يسمى إله (الخصوبة)!! ولما انتقل الرومان الوثنيون إلى الديانة النصرانية ربطوا هذا اليوم بقصة القديس “فالنتاين” الذي قتل من أجل عقد قران المحبين في كنيسة مخالفا أوامر الإمبراطور الروماني.

فأصل الاحتفال كان وثنيا ولا زالت فيه علامات الوثنية، ثم انتقل ليدخل إلى أعياد النصارى ومناسباتهم، ثم صارت مناسبة سنوية تتم فيها الفواحش والمنكرات، حيث يجتمع الرجال والنساء في مكان واحد، ويكتب كل منهم اسمه في ورقة ويتم تبادل الأوراق فيحصل كل رجل على حبيبة جديدة يقبلها وتكون عشيقته!! وتمارس في هذا اليوم الفواحش والجنس، حتى أنّ الكنيسة ثارت على هذا اليوم وتقاليده وتوقف الاحتفال فيه لقرون طويلة، حتى تم إحياؤه في القرن الثامن عشر والتاسع عشر الميلاديين.

فالاحتفال بما يسمى عيد الحب تقليد واتباع لعبادة ودين وثني، ثم دين نصراني محرف، وما يحصل فيه من منكرات وفواحش إنّما هي اتباع لخطوات الشيطان، واستغلال التجار والمحلات هذا اليوم لترويج بضائعهم بشعارات وسلع ترتبط بما يسمى “عيد الحب”، إنّما هو كسب غير مشروع، ولو قاطع النّاس هذه المحلات لكفت عن غيها وإضلالها للنّاس، وكل شعار يرفع أو لون (أحمر) يلبس في هذه الأيام يقصد صاحبه الاحتفال بعيد الحب، فإنّما هو نقص في الدين والخلق، فلنتأمل!

نحن نعرف الحب.. ولا نحرمه.. ولكن الحب في مكانه المشروع، فكم يؤجر الإنسان عندما يحب زوجته ويصرف قلبه لها، وتحب المرأة زوجها، أمّا ما يحصل اليوم من معاكسات وتحرشات جنسية وكلام ساقط باسم الحب، فهذا فعل لا يدل إلاّ على أخلاق صاحبه
هذا يا نسرين معني الحب عندي
واتمن ان يعرف ويعلم الجميع ان هذا هو الحب
وتحياتي لكي يا نسرين ومصر منوره بيكي
علي



الأستاذ says:

يا ساتر
أنا أول مرة أدخل هنا
لكن ليه كدة الحقد ده كله؟؟
طب م أنا أهو وحيد وأعزب وأعزل ومشتكتش وعادي يعني رغم إني مجاليش هدية ولا حجاجة .. لأ بس علشان مكونش كداب أنا جالي هدية إمبارح بس بمناسبة عيد ميلادي كان في 16-2 بالصدفة
مع أطيب تمنياتي تجيلك هدية علشان متحسديش حد تاني بقى
تحياتي



Alexandrian far away says:

الصديقه العزيزه نسرين
معقوله؟!!!
بجد مش مصدق
لكن بتحصل
معلش
🙂
لكن بجد الحب مش محتاج عيد
كل يوم بنحب فيه هو عيد في حد ذاته
تحياتي



النجمة الصامدة says:

طب وليه الارهاب ده
ما تقفلي مكان التعليقات احسن

😀

……..
أنا قولتلهم من الاول
بلاش حكاية الفلانتين دي



S H A H says:

طب و ايه يا جميل

انا في اليوم ده كنت بحبني قوي
و اهديت لنفسي كلام و اغنية و مسج و جبتلي ورد و

و خرجت بليل اتمشيت شوية في المارينا و تريقت على الحبيبة و رجعت نمت في حضني

هابي فلانتين بأثر رجعي

سلام مؤقت



المفقوعة مرارتها says:

ماتخافيش علينا ياستي هو بقي فيه حب اصلاً في الدنيا دي
ماخلاص بقي من المستحيلات ومن العادات القديمة اللي مابقاش ليها مكان في دنيتنا الجديدة



Hannoda says:

كل سنة وانت طيبة و سعيده و فرحانة حتى لو لوحدك

يارب ما تكوني أبدا لوحدك تاني
بس حتى في الوحده ممكن يكون جوانا سعاده وونسة و حب لناس كتير قادرة تملى الوحده حتى وهي بعيدة
وحتى وهي جارحانا
وحتى لو بكينا
بس قلوبنا حايفضل فيها فرحة
فرحة القدرة على الاحساس

أخبارك ايه و لسة في اسكندرية ولا ايه
ولو لسة هناك يبقى لوحدك ليه؟؟

ربنا يفرح قلبك ياااارب



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: