Nisreen85’s Blog











{February 7, 2008}  

ماشافش الرجال

السمر الشدااااااااد

فوق كل المحن

ولا شاف العناد فى عيون الولاد

وتحدى الزمن

ولا شاف اخلاص فى عيون البشر

بيقول احرار ولازم ننتصر

اصله معداش على مصر

اصله معداش على مصر

يا حبيبتى يا مصر يامصر

يابلادى يا احلى البلاد يا بلادى

فرحانه فرحانه فرحاااااااااااااااااااااااااااااااااااااانه

عاوزه اشكر كل اصدقائي اللى اتمنوللى سلامه الوصول فى التدوينه اللى فاتت

mado80

appy

على

بحبك يا مصر

ميرمايد

Alexandrian far away

عمرو احمد

دانتى المصري

اسكندرانى فى الغربه

يحيي المصرى

استاذ راجى

the elian

شهروزه

عبدالرحمن فارس

احمد جوده

ملك الكبده

النجم القادم

مروه الزراع

ساره سويدان

دكتور روفى

الغاليه حفصه

قطه الصحراء

عبدالله Eric matt

اشكركم جدا كلكم واتمنى لكل المغتربين اجازه قريبه باذن الله

عزيزى اسكندرانى فى الغربه انا سلمتلك على اسكندريه وزعلانه منك بتقولك خللى دبي تنفعك

🙂

صديقي الغالى alex far away

انا وصلت السلام يا ابو اسكندر واسكندريه بتقولك

“على نار الشوق انا حاستنى واصبر قلبي واتمنى على بال ما تجيني واتهنى

طمعنى بقربك اه واوعدنى”

مبرووووووووك لمصر عقبال النهائي ان شاء الله

سلاماتى وقبلاتى من ارض الوطن الى كل احبائي واصدقائي
Advertisements


أنا حر says:

نشاركك الفرحة بمناسبة فوز المنتخب
أول زيارة ليا للمدونة وانشاء الله مش الاخيرة
مبروك لفوز مصر
تحياتي



محمد المصري says:

شفتي يا بت المنتخب !

يخرب بيت كده بجد !

ده أعظم أداء كروي أشوفه لمنتخب مصر في حياتي

الأغنية بتاعة شادية دي والدتي بتحبها جداً ، بس كنت بشوفها مشخلعة شوية على إنها تبقى أغنية وطنية ، بس من ساعة ما بدأت البطولة وتكرار نغمة إنهم سمعوها في كاس عالم 90 وكانت بتلهب حماسهم وأنا ابتديت أتقبلها

النهاردة حاسس إني عاشقها فعلاً

يمكن عشان إحساس شادية وهي بتقول ” يا حبيبتي يا مصر ” وكون ده نفس إحساسي دلوقتي حالاً

أنا دايماً شايف مصر حلوة بس النهاردة كنت شايفها حلوة بزيادة ، مش حكاية مكسب وفوز .. حكاية لما نزلت الشارع ورقصت وغنيت مع الناس .. حسيت … مش عارف ، بس مصر حلوة ومدهشة أوي رغم كل جروحها

حمد لله ع السلامة يا نسرين
طبعاً قمة الندالة إني مقولهاش غير دلوقتي بس أنا عرفت من يحيى من حوالي أسبوع ومعرفتش إنك نزلتي بوست ، وبعدين متهرجيش أكيد مش مضطر أقولك حمد لله ع السلامة عشان تعرفي إني مبسوط بنزولك مصر

نوَّرتي يا بنت 🙂 .. وآدي أول بشايرك



hui mu han says:

اتصوري انا مرحتش اسكندرية غير مرتين خطف مع انها يادوب ساعتين في العربية

ياريت تقوللي شوفتي ايه واوصفلي فرحة الاسكندرانية بالمنتخب

وانشاء الله تتمتعي بكل ثانية



mado80 says:

نسريييين
ألف حمد الله علي السلامه

شوفتي الخير علي قدوم الواردين

وشك حلو علي مصر كلها

شوفتي الرجاله كانوا عاملين ازاي في الماتش
عقبال الكاس يارب علشان تكمل الفرحه… الواحد عاوز يفرح بجد

علي فكره حاجه أخيره بس عاوز أقلها
والله يا نسرين عاوز أشكرك لتوجيهك الشكر ليا في المدونه وعاوز اقلك ده واجب والله مش مستاهل الشكر
ومصر والله كلها منوره بيكي

ده انتي جيتي
وجبتي الفرحه معاكي
وشك حلو يا نسرين بجد

تحياتي يا نسرين ليكي وألف تقدير لشخصك الكريم



Ahmed Al-Sabbagh says:

حمدلله على السلامة يا نسرين

والف مبروك لمصر

على فكرة احنا شوفنا الماتش فى وسط البلد

كان اكبر تجمع بلوجرى رياضى

وكمان جبنا سيرتك كمان

طبعا بالخير

لانهم بيقولو لى نسرين رجعت

وقلت انى عارف

حمدلله على السلامة

ومبرووووووووك لمصر

أحمد



نوسه says:

حمدالله على السلامه
نورتى مصر ياجميل
انا بحب اسكندريه اوى على فكره
تمنياتى باجازه سعيده يااااااااااااااااارب



DantY ElMasrY says:

اه يا حضرى
الواد كان عالى اوى وملعلع
انا حسيت ان لعيبة كوتدى فوار على قلبهم كبة من المنتخب
حسيت انهم على قد ما لعبو جامد على قد ما اتقبلو الخسارة بعد الجول التالت وبصموبأيديهم ورجليهم
لعلمك احنا فرقة وعندنا كوتش جامد
هما افراد كويسين بس مالهومش كبير
خليهم كدا
فى واحد بتاع فول وطعمية فى خالد بن الوليد
فى نص الشارع بالظبط
محل صغير كدا
ماتكليش منه
نورتى



مهندس مصري says:

ايه ده هوا أنا ما تمنيتلكيش سلامة الوصول ؟
ألف حمدا لله على سلامتك
و أديكي بقيتي جنبنا
🙂



MerMaid says:

هاي

متصلتيش ليه يا زبالة المجتمع؟؟
هي مصر كانت ناقصة نسرين بثيوني تيجي تزحمها؟؟؟
—————————
اتصلي بية اوكي؟؟
مستنياكي يا حبي ع التليفون
سلام



Nsreen Bsunee says:

انت حر
ياريت تكرر الزياره
الله يبارك فيك

ــــــــــــــ

هيو

ياعزيزى اندب على عمرك اللى قضيته برا اسكندريه
انا حاحكيلكم كل حاجه بالتفصيل البوست الجاى ان شاء الله
نورتنى

ـــــــــــــــ

مادو
الله يسلمك يارب
انا فرحانه اوى اوى بجد وقلبى بيرقص من الفرحه والحمد لله ان وشي كان حلو وانى شفت مصر كلها فرحانه الحمدلله

ــــــــــــــــــــــــ

خالو احمد
بجد جبتو سيرتى
الله يخليكم يارب انكم افتكرتونى
انا ليا يوم ع البورصه باذن الله قبل ما اسافر

الله يسلمك



Nsreen Bsunee says:

نوسه
ربنا يخليكى يارب والله يسلمك

ــــــــــــــــــــــــ

دانتى
فعلن الحضرى كان عالى اوى والاداء من الفريق كله كان خرافى
البطوله ديه حتبقي ناقله كبيره للعيب المصرى كل اللاهيبه دى لازم تلعب فى الدورى الاوروبى
انا استمتعت جدا بالماتش

ممممممممممممممم
لا متخافش انا اساسا مش بحب خالد بن الوليد الشارع ده مش عارفه ليه القهراويه بيحبوه مع ان اسكندريه فيها الف مليون مكان احلى من خالد بن الوليد

ـــــــــــــــــــــــــــــ

مهندس مصرى
الله يسلمك يارب

ـــــــــــــــــــــــــــــ

هاجر
حاكلمك يا واطيه حاضر من غير شتيمه امى مشافتنيش من سنه وحتفضل حضنانى اسبوع كده
بعد كده حانطلق براحتى وحانشوف بعض اكيد



Nsreen Bsunee says:

يا والدى الحبيب
الله يسلمك كنت مستنياها منك والله

فرحانه يا محمد اوى

بص انا امبارح كان من احلى الايام فى حياتى بجد لانى كنت نازله مصر مش مستعده لاى انبساط وعارفه انى مش حتبسط-لاسباب كتير يطول شرحها-لكن بجد بجد انا طايره من امبارح الاداء كان جميل جدا يعني اتفرجت على كوره ممتعه
الفرحه والصريخ والزغاريد والهيصه والشوارع زحمه وطريق البحر كان مقفول والعربيات بتلف حوالين بعضها ورقص وغنا وكل مظاهر الفرحه

فرحانه يامحمد اوى

اغنيه شاديه خلتنى اعيط بجد البلد ديه غريبه ازاى بنحبها اوى كده رغم كل حاجه

فرحانه يامحمد اوى

نفسي الفرحه تكمل بقي ويرجعو بالكاس عشان حسن شحاته يستاهلها واللاعيبه يستاهلوها والناس من حقهم يفرحو اكتر واكتر الله واعلم الفرحه حتيجي امتى تانى

نفسي اشوفك قبل ما اسافر



Fantasia says:

يا عم يا عم.. الف حمدلله ع السلامة يا نسرين.. اجازة سعيدة يا قمر اسكندرية
والله اسكندرية وحشتني

ألف مبروك لمصر وعقبال الكاس يا رب
دا احنا جامدين قوي يا بنتي, امال ايه؟
ولا يهمنا اسود ولا افيال
فراعنة يا بنتي فراااااعنة
اوعى وشك

مش هأوصيكي ع السمك يا رينا بقى.. كلي سمك على قد ما ربنا يقدرك
ياما نفسي ف قعدة القهوة ف بحري
دا كفاية ريحة البحر
يا بختك يا نسرين
هههههههه
متخافيش مش هانوء عليكي
بس امانة عليكي تنقلي سلامي لكل حتة ف اسكندرية
اصل بقالي سنة ونص ما رحتش هناك



Sola says:

alllah ya nesreeeen ya ba7’tec
alex deh ana 2adet fehja 2a7la seneeen 3omry bgad ab ba7ebaha aw,belzat el ragel betae el koskosy ely fe ba7ry,wala ya 3eny 3al fatarty beta3 7’aled ebn el waleed o ya sedy 3al samak beta3 abo qeeer,howa beta3 el koskosy kan 2esmo el she7′ wafe2 lw te3rafeh
oa yasedy ba2a 3ala beta3 el mashweyat bas ana mesh fakrah esmo
3omoma2 7amda elah 3ala salamtec y gamiel
3o2baly keda ama anzel zeyarah soon in shaa allah



appy says:

حبيبى حمد لله على السلامه
وطبعا الماتش كان هايل استنيتك تكلمينى مش عبرتينى مش عاوزة اقولك كلمه على الهواء علشان الراقبه بس اكيد هتفهميها هى من حرفين هههههههههههههههه



ذو النون المصري says:

حمد الله علي السلامه
الاغنيه ماشيه علي الوصول و العوده و كمان علي المناسبات الرياضيه الحاليه
ادعي للمنتخب بالفوز علي الكاميرون من غير تعب اعصاب



بنت القمر says:

نسرين
اتاري اسكندريه نورها تضاعف بالاضافه الي نوري الاصلي
هههههههههههههه
منورة اليكس ومبروك لمصر
شفتي الواد دروجبا ها يموت مننا
شنيع
ولا كونيه كأن بينا وبينهم تار بايت مبروك لمصر
ولا سكندريه
هههههههههه



مصطفى اسماعيل says:

ومافيش شكر لعمو مصطفى يا حاجة
اينعم ماتمنتش سلامة الوصول
بس تقبلت امنيات الناس ووصلتك بالسلامة اهو

لما تنزلى القاهرة خلى يحيى يكلمنى

والبسى كعب عالى والنبى



HafSSa says:

الله يا نيسو
الظاهر ايحائي ليكي باغنية شادية البوست اللي فات نفع دلوقتي
ههههههههههههه
اسمعي كلام دانتي و متكليش من المحل اياه بس كلي من المحل اللي قلت لك عليه و اسمعي كلام مصطفى و البسي كعب عالي او حطي علم مصر طوله مترين
انا سمعت ان الطول مش واصل
هههههههههههههههههه
بس لو كنتي نشرتي صورتك ليا على كتاب الوشوش
متزعلنيش منك بقى و يلا

انبسطي و كلي فريسكا اصلي بقالي كتي رمكلتهاش
وحشتني اوي
عااااااااااااااااااااا



S H A H says:

شوف الندالة بقى
طب مش تقولي قبلها انك نازل ابعت معاكي تلاجة و لا ايشاربين للحجة هناك تتشيك بيهم ؟!؟

شكلك كدة هبشتيلك عرض من بتوع الجزيرة يا لئيمة

لو كدة يبقى ميزاانك كفاية عليكي

حمدالله على سلامة الوصول و متتاخريش عشان المحلات هنا عاملة تنزيلات جامدة اليومين دول

و متنسيش زيارة الماطق السياحية الاتي اسمائها

بلبع حبيبي
حودة دونجل بتاع السمك في الازاريطة – ده مهم جدا

و متنسيش تجيبيلي جركن خروب كلية الطب

و ترجعي بالسلامة



علي says:

يا مرحبا يا مرحبا نورك غطي علي الكهربه زغرتي يا ام احمد مين عندنا مين ادينا واحنا عندنا نسرين بنت عمنا
مع تحيات شاعر الترعه
نورتي بجد يا نسرين وشك حلوه علي مصر والخير علي قدوم الوردين وانت كل الخير انتي الخير كل الخير بس يارب الزيت يرخص بقي نفي في البطاطس والسمك
بس اعمل ايه الله يخرب بيت ربسو من اول يوم له في الغساله قصدي الحكومه وهو منظف جيبوبنا وخراب بيوتنا
والله معاك ومعاك جيوبنا يا خارب بيوتنا يا ربسو
وتحياتي الي الرجل الصفيح والي كل رجال المغساله المصريه
رجال وكاله نظيف لغسل جيوب وعقول المصرين
واخير هل تبقي الكره هي فعلا فرحه المصرين
واخير نورتي مصر
ووشك حلوه حتي لو مصر لا قدر الله لم تفوز بالكاس
وتحياتي من هنا من اشهر مدونه من مدونتك انتي يا نسرين الي امير القلوب
وحيب الملاين ابو تريكه
ونقول للمعلم شحاته
ضربه كانت من معلم خلته الافيال تسلم



Nsreen Bsunee says:

فانتازيا

الله يسلمك يا فانتا
متقلقيش عليا فى موضوع السمك والجمبري انا حاقوم بالواجب
وحاسلملك على كل حته

ــــــــــــــــــــــــــ

سولا

اسكندريه فيها اماكن كتير تحفه تقريبا مفيش مكان فى اسكندريه مش حلو ومش مميز

انا كنت فى الشيخ وفيق امبارح

🙂

ــــــــــــــــــــــــــــــ

ابي

حاكلمك اكيد بس اهلى فوق دماغى ليل نهار اليومين دول بارد على الكومنتس بالعافيه

________________________

نون
الله يسلمك يا نون ادينا كسبنا الكاميرون الحمدلله بس بتعب الاعصاب ده انا فى الشوط الاول كنت حاموت بالسكته القلبيه بعد ما متعب ضيع جون اكيد

_________________________

قمره يا قمره

اسكندريه منوره بيكي اكيد وبناتك القمرات الصغيرين
شفتى دروجبا ده سم على قلبي مش باقبله بغروره الرهيب ده خليه يموت بقهرته
بس انا بحب صامويل ايتو ربنا يوفقه فى اوروبا بقي لكن فى افريقيا ينسي

_________________________

مصطفى اسماعيل
كويس انك افتكرت يا واطي
😦

__________________________

صفصف

كان نفسي تكونى فى اجازه انتى كمان المره الجايه باذن الله تكون اجازاتنا مع بعض
حاضر انا حاعمل بكل نصايحك بس الا موضوع الكعب ده مستحيل البس كعب ابدا
انا 157 سم يعني طويله مش محتاجه كعب
🙂

ربنا يجيبك بالسلامه وينولك اللى فى بالك يا صفصف
______________________

شاه

يا صديقي انا جيت على الجزيره كان عرض التكت ب 44دينار وكان معايا ميزان زياده كمان بس بابا عنده واسطه فى المطار عقبال عندك عدوللى كام كيلو زياده كده
الاجازه الجايه حابقي اقولك وابعت للحاجه اللى انت عاوزه

حوده دنجل ده حبيب قلبي
انت حتعرفنى اسكندريه يا شاهرام دى بلدى حفظاها متر متر وشارع شارع ومطعم مطعم
🙂

_____________________________

على
الله يسلمك ومبروك لمصر الف مبروك

ادينا كسبنا الحمدلله عشان محدش يقول وشك وحش والمعلم ابن الزمالك عملها تانى مره عقبال التاهل لكاس العالم

🙂



علي says:

تاني الزمالك يا نسرين والله يا بنتي انتي صعبانه علي انتي عارفه الانسان اكيد مش كامل بس اخطر عيب فيكي انك بتشجعي الزمالك وبعدين لو قولنا اهلي وزمالك
انظري الي قوام الفريق
حضري اهلي جمعه اهلي شادي اهلي
فتحي اهلي
ابو تريكا اهلي
متعب اهلي
ناقص ايه تاني
بصي مدام الكره في اهلي صح بتكون في مصر صح
والدليل الثلاث سنوات الي الزمالك كان فيهم حلو اهلي وحش انظري الي نتائج المنتخب
وربنا معاكي يا نسرين



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: