Nisreen85’s Blog











{January 31, 2008}  
بصي اقعدى ومللى شروطك عمر الجواز ما حيفوتك
انا اتجوزت واطلقت مرتين ولسه باتشرط
“حقي”
اهم حاجه انك تعيشي حياتك
فرفشي واتبسطي وحبي
أحب!!؟
ايوه حبي
ياريتنى ابقى فى سنكم
كنتى حتعمللي ايه؟
كنت حأعمل اللى معملتهوش000
ــــــــ


mado80 says:

نسرين
ازيك
انتي طبعا حاطه أفيش فيلم (في شقه مصر الجديده )أنا ما دخلتش الفيلم بس باين الحوار الصغير اللي انتي كاتباه من الفيلم …صح
المهم سواء من الفيلم أو من غير الفيلم أعتقد انه صح اللي في الحوار بس للأسف في مجتمعاتنا الشرقيه لا يعطون للبنت مثل هذه الفرصه فرصه الأنبساط والأستمتاع بالحياه هناك أزمه عندنا في هذا الجانب

عاوز أقلك حاجه تانيه ..لسه قاري عندك بوست لماذا لا أحبك بكباشي عبد الناصر .. فيه حد ما بيحبش عبد الناصر..طبعا أنا باحترمك في هذا الرأي بس أن شاء الله سوف اكتب بوست في القريب بأذن الله للرد علي هذا البوست..لأني بصراحه أحب هذا الرجل وأكن له كل التقدير والمعزه

تحياتي لكي نسرين وألف تقدير لشخصك الكريم



Gid-Do - جدو says:

نسرين

انا مبعملش اى حاجة تخالف مبادئى ومعتقداتى ـ واهم شئ انى مبعملش اى حاجة فى الخفاء اخجل منها فى العلانية
وعلشان كدة انا سعيد فى حياتى وعمرى ماندمت على حاجة ـ تحياتى



mado80 says:

نسرين

معلش في حاجه تانيه
انا لسه قاري برضه تعليقاتك علي بوست لماذا لا أحبك بكباشي عبد الناصر

أرجو ألا تردي علي بحده مثل هذه الحده التي رددتي بها علي احدهم ،هذا مجرد أختلاف في وجهات نظر ليس الا ، وأرجو ان يتسع صدرك لي فأنا أحترم وجهه نظرك جدا في عدم حب عبد الناصر بل واعلان ذلك وأرجو ايضا أن تحترمي وجهه نظري في حب هذا الرجل

تحياتي لكي كثيرا ، مواضيعك في هذه المدونه شيقه جدا سوف أرجع لها كثيرا باذن الله



coca says:

اكيد من حق اي حد يعيش حياته بالطريقه اللي تعجبه ومحدش يأسره بفكره وبعاداته

تحياتي



بنت القمر says:

طيب ليه اللي قالت لك كده
وانها لسه بتتشرط
ختمتها بلهجه ندم وحست انه فاتها الكتير
ولو الزمن رجع كانت ها تعمل اللي معملتوش
اعتقد انها مش قانعه باللي عملته
ولا حد المجوزة نفسها تعيش حياه الحرة والحرة بتحسد الزوجه صدقيني
تحياتي



مصطفى اسماعيل says:

🙂



مصطفى اسماعيل says:

بالمناسبة

أدرك الأن ان الأنتظار الطويل الذى عشته
كان له معنى
لأن الحياة ستظل تفاجئنا دائما
ولأن البهجة تبحث عنا
كما نبحث عنها

ابلة تهانى



Nsreen Bsunee says:

مادو
سعيده بمداومتك على زيارتى جدا

لازم تتفرج على الفيلم على فكره فاتك كتير اوى لو مشفتش الفيلم ده

اكتب براحتك عن وجهه نظرك ونتناقش ومتقلقش من موضوع الحده ده انا باتعامل بحده مع الاغبياء او اللى بيتكلم كانه ابو العريف اللى عارف كل حاجه ومحدش فاهم غيره وكل الناس حمير النوعيه دى بتستفزنى

انا منتظره البوست على امل اننا نتناقش ونستفيد من المناقشه

تحياتى



Nsreen Bsunee says:

جدى العزيز الدكتور محمد

ربنا يديم على حضرتك السعاده والتصالح مع النفس

باحاول اعمل زيك

تحياتى ومودتى



Nsreen Bsunee says:

عزيزتى كوكا

اكيد ده حقى بس حاسه ان المجتمع عامل عليا خطه دنيئه عشان يسلب منى الحق ده

نورتيني



Nsreen Bsunee says:

بنت القمر

عندك حق وانا عارفه ان اللى مش متجوزه بتحسد اللى متجوزه والعكس

كل اللى انا باتمناه ان الجواز ميبقاش بالنسبه ليا شر لابد منه او شئ انا مجبره عليه عشان خلاتى ميضايقوش ماما بالكلام بتاعهم
او عشان بابا نفسه يكون جد
او عشان اتخلص من لقب عانس

عاوزه بس اتجوز عشان فيه حد انا مش قادره اعيش من غيره ومفيش حل غير اننا نكون مع بعض
هو ده السبب المقنع الوحيد بالنسبه ليا

بس للاسف فى الزمن ده فيه اسباب كتير للجواز كل الناس بتحاول تقنعنى بيها وانا مش قادره اقتنع بجد ومش عارفه اعمل ايه

نورتينى يا قمره



Nsreen Bsunee says:

كوكى
خليت قلبي يدق بتعليقك
هى بجد بتدور علينا

؟



appy says:

يا سينماتك يا نسرين
بما انى فى القاهرة الكبرى ولا املك الوقت الكافى لزيارة السينمات علشان الوقت المنيل فى الشغل هحاول اتفرج على الفيلم فى اى مكان
تعليقى بقى على الكلام اممممممم
الانسان مش بيدرك قيمة اللى فاته الا لما يعدى عليه وقت طويل ولا يدرك قيمه اللى فى ايديه الا لما يفقده



مصطفى اسماعيل says:

ايه اللى يخلى ابلة تهانى تكدب بس

مهي قدامك قالت كلام من عشر سنين
وطلع صح

حتى اسألى نوجة

🙂



DantY ElMasrY says:

ابله تهانى مش ندمانة على انها حبت
هى ندمانة على انها محبتش لآخر نفس
يعنى لو الزمن رجع بيها كانت هاتحب لحد ودانها بدل ما ضاعت منها السنين فى حب للركب
وحكاية انها بتتشرط معناها انها عاوزة تحب وتتحب والغاوى ينقط بطاقيته
يعنى مش عاوزة جوز تتدارى فيه من عيون الناس
الفلم خلاص انشال من السيما بس موجود سى دى



Ragi says:

طبعا الفيلم ده من اجمل الافلام التى اخرجها محمد خان بطولة غادة عادل التى ابدعت فى التمثيل ومعاها ابو النجا
والفيلم بيعالج الصراع الخالد والمستمر والذى لا ولن ينتهى بين التمسك بالتقاليد خيرها وشرها وعلى الجانب الاخر الحرية والتمرد على القيود اى قيود
وليس هناك حسم لهذه المعركة مانبض الدم فى عروق الناس
الجميل فى الفيلم هو شخصية غادة عادل التى سافرت من بلدها فى الصعيد الى القاهرة بحثا عن شخصية غامضة تكاد تكون ضربا من الاوهام والمواقف الصعبة التى واجهتها ببراءة وشفافية ما جعل ابو النجا وهو زئر النساء الخطير يقع فى حبها
وفى مشهد النهاية تفلت الايشارب من شباك القطار ليطير فى الهواء
هنا السؤال الى من شاهد الفيلم ( ولا توجد جوائز للاجابات) هل تعتقد ان الايشارب الذى افلتته من شباك القطار هو رمز للتقاليد التى يجب ان نتخلى عنها لنحصل على الحب والسعادة؟
ام هل تعتقد انها كان يجب عليها الاحتفاظ بالايشارب بل وتحكم ربطه على شعرها لانها حصلت بفضله( وهو ايضا رمز للعفة والمحافظة على التقاليد) على الحب والسعادة؟



Nsreen Bsunee says:

ابي
انا زعلانه منك انتى ازاى مشفتيش الفيلم ده يا بنتى لا لازم تشوفيه بجد

وزى ما استاذ دانتى قالك هو اتشال من السينما من زمان يا بنتى ده انا شفته وانا فى الجامعه ايام الصبا يعني

مش مساله اللى فاتو
طيب اللى مفاتهوش وعاوز يعيش ويحب ومش عاوز يفوتو يعمل ايه فى المجتمع الزباله اللى مصمم انه يخليه يفوتو ويندم عليه

😦



Nsreen Bsunee says:

لما نشوف يا مصطفي



Nsreen Bsunee says:

استاذ راجى

شكرا لتوضيح قصه الفيلم انا كنت فاكره ان كل الناس شافته بس طلع فيه كتير ما شافوه شكرا للتوضيح ليهم

اعتقد ان ممكن يكون فيه توازن بين الحب والسعاده والتقاليد والاخلاق يعنى مش لازم يمين اوى ومش لازم شمال اوى الاعتدال كويس والحب مش خطيئه ومش شئ خارج واللى تحب وتعيش قصه حب مش ساقطه اكيد



يَحيى المِصري says:

سيادتك كاتبة فوق أنا فاض بيا ليه
هي المفروض أنا فاض بيّ يا متعلمة يا بتاعة الممدارس
إتعلموا عربي و إرحمونا بقى



يَحيى المِصري says:

ههههههههههههههههههه
ههههههههههههههههه
ههههههههههههههههه
هو كوكي ده يبقى مين
😀
😀
😀



فرنسا هانم says:

لازم فعلا نحب
الحب هو مصدر السعاده
حب النوع يعنى حب الرجل للمراءه وحب المراءه للرجل
وحب الاسره
وحب الصداقه
وحب الناس
الدنيا مملوءه بالحب
احييكى



علي says:

ازيك يا نسرين
سعيد جدا انك بخير



Hannoda says:

عندي كتير قوي أعلق عليه
من أولها كده خليكي عرفتي إنك وقعتي في مدوِّنة رغاية جدا.. ساعات

أنا جاية أساسا متحمسة لأوجه التشابه اللي قولتيها
اسكندرية
الغربة

و أما جيت بدأت أقرى البوست ده بما إن الأولاني طلب مش بوست

بس أما اشتغلت الأغنية شميت ريحة جو مصر.. وإفتكرت شكل الراديو القديم بتاع تيتة و إفتكرت الشيفونيرة القديمة برده اللي كانت بتحطه عليها

و إبتسمت من قلبي قوي ودمعت فسبت البوست خالص و مريت على الصور و رجعت للبروفايل

وإستمتعت بكل دول قوي فرجعت تاني قريت البوست و لقيته بيتكلم في حوار و مناقشة محاصراني بقالها شهور

بصي.. إقعدي و ملي شروطك.. عمر الجواز ما حايفوتك

صحيح
هو الاهم أبدأ حياه اللع أعلم ايه اللي فيها بس أبدأها و السلام
ولا الأهم أدور على اللي حايصون الحياه مهما البحث طال وخلص وقته وفات؟؟

الرد واضح قوي

بس احنا غاويين نعمل مش واخدين بالنا
نسرييييين
مش عاوزة أزهقك من أول زيارة
بس بجد

أنا استمتعت جدا
وعشان كده بشكرك جدا جدا

🙂



Nsreen Bsunee says:

يحيي

ما تفككم بقي من دروس اللغه اللى انتم ماسكينللى فيها ديه

كوكى يبقي مصطفيتش
بادلعه
بلاش
🙂

سيبك من كل ده انت واحشنى جدا هو النت لسه مهرتل فى مصر ولا ايه



Nsreen Bsunee says:

فارنسا اطيب قلب
فعلا كنت فاكره ان الحب موجود فى كل مكان حواليه بس مره واحده كده فى غمضه عين بصيت ملقيتهوش



Nsreen Bsunee says:

ازيك انت يا على
يارب تكون بخير



Nsreen Bsunee says:

هند بنت بلدى

احنا بجد متشابهين جدا وانا فرحانه بيكي بجد

انا فى دوامه يا هند والله انتى اكيد حاسه بيا

لو عاوزه تحطى الاغنيه عندك فى المدونه او عاوزه اى اغنيه تانيه قوليللى وانا ابعتلك الكود

القطى البوسه دى



Semsem says:

أحييكي على البلوج الجميل ده
جميل الحوار اللي انتي كتباه ده
مع اني مشوفتش الفيلم وبحييكي مرة تانية على البلوج
سمسم



haneen says:

نسرين
ازيك

الاغنيه جميله بس بتشتغل عندى ع السريع مش عارفه السبب من ايه هى عندك بتشتغل عادى على العموم انا بحييكى على الاغنيه والبوست كمان انا ما شفتش الفيلم بس من كلامك عنه واعجابك بيه يبقى اكيد هشوفه لانى بثق فى ذوقك ليه بتقولى انك كنتى فاكره ان الحب حواليكى وبعدين ما لقيتهوش الحب موجود يا رينا واكيد انسانه زيك فى ناس كتير بيحبوها ويتمنوا يعرفوها بس هو حبة تفاؤل منك يا جميل
تحياتى ليكى ويا ريت لما اجيلك تانى الاقى معنوياتك احسن

سلام يا شرز
:))



VioLotus says:

hullo
great blog,very courageous
greets ^^



بحبك يامصر says:

انا شايف زيك يا نسرين ان الزواج لازم اتزوج لانى مرتبط بشخص ومقدرش ابعد عنه ومحتاج انى اعيش جمبه طول عمرى.. احبها وتحبنى احترمها وتحترمنى



Nsreen Bsunee says:

سمسم
نورتنى يا افندم اشكر ذوقك

حنين
شويه اكتئاب كده ع الماشي ويعدو ان شاء الله
الاغنيه شغاله كويس والله

شفتى انا شرزه ازاى
خخخخخخخخخخخخخخخخخخخ

:):)

VioLotus
شرفتيني اتمنى تكررى الزياره

بحبك يا مصر
ده الطبيعي وده السبب المقنع الوحيد للجواز لكن المجتمع ليه رأي مختلف ومتخلف ومضطرين دايما نعيش فى صراع مع تقاليد عفنه وقوالب غير مبرره لغايه ما باذن الله نحقق ابسط حقوقنا وهى الزواج بكامل الاراده الزواج كوسيله للسعاده وليس كغايه فى حد ذاته او كشر لابد منه

نورتنى



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: