Nisreen85’s Blog











{December 27, 2007}   علم ويسلم الى يحيى

من الطبيعى انى فى نهايه العام اكتب عن الحاجات اللى فرحتنى وزعلتنى فى هذه السنه

مفاجاه

كل شئ السنه دى زعلنى لا استطيع التفكير فى شئ مفرح او شئ اسعدنى ولو لثانيه

لم ابكى فى حياتى كلها كما بكيت هذه السنه

كل شئ صدمنى اصدقائي00يوسف شاهين00الزمالك

كل شئ احبه صدمنى كانت سنه سيئه جدا حفرت فى نفسي حزن لا اظن انى ساتمكن من علاجه يوم ما

ولكن رغما عنى قفز امامى شيئا ما جميل شئ حدث ليه لا استطيع ان انكر انه اثر ايجابيا على وهو التدوين والمدونين0

فى مارس 2007 كنت ابحث فى جوجل عن “خالد كساب”ليظهر لى شئ اسمه”هوامش”لادخل رغما عنى الى عالم لم استطع الخروج منه ولاتعرف على الفضاء التدوينى باجمل طريقه ممكنه طريقه وقلم يحيى المصري

كل شئ فى هوامش يحيى جميل حتى لون المدونه اختياره للوحات كتاباته وثقافته الواسعه وفلسفته فى الحياه ويحيى نفسه كشخص يظهر واضحا جليا فى كل كلمه يكتبها

بفضل يحيى تعرفت على شاعر عامى جميل لم اكن اعرفه فؤاد القاعود

مادام فى كل قضيه يلزمكم

قاتل ومقتول وشاهد

ممكن قوى

اكون انا القاتل او المقتول

لكن بلاش اشهد واقول الحق

اى حد حيفتح هوامش دلوقتى حيلاحظ الحزن والتساؤلات

لكن وحياة ربنا زمان يحيى كان بيهرج وبيقول قفشات كمان

مره كان فرحان قوى وسعيد عشان لقى نفسه فى محرك البحث جوجل وهو بيدور على كافكا

يعلن فريق عمل هوامش عن بدء الاحتفالات بمناسبه افتتاح اذاعه المدونه ومش حتقدر تغمض عنيك

اذاعه المدونه اليومين دول حتجننى فيه اغنيه حلوه اوى كل شويه ادخل اسمعها بس ولا عارفه مين بيغنيها ولا اى حاجه بس بجد جمال حقيقى

بفضل يحيى انا اتعرفت على كافكا00ولوحه الحلم لبيكاسو

انهارده دخلت على موقع الكليه الاقى ان مطلوب منى فى اجازه نص السنه انى اعمل 3 مشاريع غير مشروع التخرج يعنى بالعربى اربع مشاريع”زى الشرع ما بيقول”

يحيى متواضع جدا والله مع انه مش باين عليه

بصراحه مش عارف اقول ايه بس بجد بجد ربنا ما يحرمكم منى ويكتر انفرداتى فى المدونه

بجد فيه حاجات كتير اوى عرفتها بسبب يحيى مزيكا حلوه اوى سمعتها بسبب يحيى ووحياة ربنا نفسى اخلف ولد واسميه يحيى بجد اسم حلو اوى

يحيي باعتز بيه عشان على اسم شخصيتى السينمائيه المفضله يحيى شكرى مراد من فيلم حدوته مصريه و على اسم واحد من كتابى المفضلين يحيي الطاهر عبدالله

لما يحيي بيكتب حاجه فيها قفشه او هزار او بيستخف شويه باتنح ومش باصدق بصراحه باحس انه مش هو وفيه حاجه متلبساه

والله مودى حبه تحت وحبه تحتيها شويتين دايما بابص للحياه من منظار غامق يعنى ليل داخلى اسود غطيس ظلام دامس والله يخرب بيته شوبيناور

يحيى من القاهره وبيحبها من غير سبب معروف بس باحسه اسكندرانى بيحب البحر اوى وبيموت فى الكبده الاسكندرانى

يحيى مهندس اتصالات

كا فيه حاجات كتير يمكن اغربها فطاطرى ومن احلامى كان نفسى اطلع موسيقار او ممثل مسرح مش سينما مسرح وبعد كده بقى الحاجه اللى بحبها رغم تاثيرها السلبى على صحتى النفسيه والبدنيه هى الهندسه

فى الفتره اللى فاتت يحيى تدويناته قليله وحروفها ممكن تعدها على صوابع ايدك فى معظمها تساؤلات وطبعا الجو العام المسيطر هو الحزن

انا ليه ساكت اليوميين دول

عاده انا من النوع اللى كلامه قليل

بس اليومين دول صمتى مختلف

عاده باكون ساكت لانى مش عاوز اتكلم

لكن دلوقتى ساكت عشان عاوز اتكلم

يحيى بجد شكرا

بس ياريت تتكلم شويه

وتتبسط شويه

وياريت تقولى مين اللى بيغنى الاغنيه

ومين شوبيناور

شكرا

Advertisements


يَحيى المِصري says:

نسرين

الواحد لما يقرا بوست زي ده المفروض يعمل إيه يتنح و يقول هو أنا أستاهل الكلام ده و لا عينه تدمع من التأثر و لا يبتسم و يكون سعيد
أنا ريحت نفسي و عملت التلاتة مع بعض تنحت و إبتسمت و عنية دمعت
عارفة ييجي البوست بتاعك شوية نور عشان مانهيش اليوم زعلان و و أكتب في صفحتي الداخلية عنه بشيء من الغضب و أديله درجة تحت الصفر

في حاجات كنت كاتبها كده و ماحسيتش إنها حلوة غير لما قريتها في البوست ده
أنا حبيت خالد كساب عشان وصلك لمدونتي و بجد بحب وجودك في مدونتي

هاجي تاني أقرا البوست عشان أعرف أعلق

يا ستي شوبيناور ده فيلسوف المتشائمين و بالنسبة لي هو التجسيد للتشاؤم لما باجي أكلم التشاؤم باكلم شوبيناور زي لما باجي أكلم النا أكلم فيروز و لما آجي أكلم اثورة أكلم جيفارا

و الأغنية اللي على المدونة هي لفرقة محي الدين بن عربي للإنشاد الصوفي من المغرب من ساعة ما سمعتها و أنا باسمعها كل يوم و لإرجاع الحق لأصحابه اللي عرفتني عليها إيمان صاحبة مدونة لست أدري و هانزل لهم أغاني كتير قريب

سلام مؤقت



appy says:

جميل ان يكون فيه الاخلاق دى موجودة الحب والاحترام والعرفان بالجميل (على فكرة الحب انواعه كتيرة علشان محدش يفهمنى غلط)
عارفه لو حبينا بعض كده زى ما انتى كاتبه واعترفنا بالجميل مصر هتبقى حلوة لو فضلت بينا مبادئ كويسه هنعيش كويس قوى جد البوست ده لو دل فهيدل على انك انسانه جميله ويحيى كمان مع انى معرفهوش بس هدخل اشوفه لان حلو قوى ان انسان يأثر فى انسان تانى بيدل برضه على انه انسان بجد احييك على حبك واحترامك فى زمن الكفته اللى احنا فيه وكده الواحد يطمن اننا بخير
يحيى اكيد هجيلك وازورك بس لما البس الحته اللى على الحبل اصلى لسه جديدة فى التدوين جهل بقى معلش
نسرين انا فعلا اتشرفت بمعرفتك ويا رب ده يكون حالنا كلنا



Nsreen Bsunee says:

appy
يابنتى انتى منورانى وانا فرحانه بيكى ومتشرفه جدا
وعلى فكره يا آبى فيه حاجات كتير كنت عاوزه اكتبها هوامش اللى هى يحيي احلى من وصفى بكتير
ياريت يا ابى تروحى تشوفى يحيي وادخلى ع الارشيف على طول وارجعى قوليلى رايك فى الاغنيه كمان اغنيه حلوه اوى
مش حاقولك تحياتى والكلام ده انتى خلاص صاحبه بيت



Ragi says:

انستى العزيزة
اشكرك على مقالك هذا عن الاخ الباشمهندس يحيى المصرى و وبعد زيارة مدوناته فعلا وجدت عندك حق
وكله كوم والزمالك كوم فمافيش جدال ان الاهلى حديد
دمتى لنا وكل سنة وانتى طيبة



Nsreen Bsunee says:

يا استاذ راجى
شكرا انك زرت يحيي
وانا باحترم سيادتك جدا
تقريبا انت الشخص الوحيد اللى خبط فى الزمالك وانا مقدرتش ارد عليه
بس نبعد عن موضوع الكوره والنبى عشان منخسرش بعض
سلام



يَحيى المِصري says:

على فكرة أنا فاكر بالتحديد أول بوست إنت علقت عندي فيه و هو كان بوست تأثير الفراشة دخلت عندك على المدونة و ألاقيكي بتحبي حاجات كتير أنا بحبها (وإن كنت مؤمن إن العلاقة الإنسانية تستلزم أكتر من مجرد حب بعض الإشياء) لكن جوني ديب و جو و فاتن حمامة و منير و جيفارا و رغم إني ماليش في الكورة بس مؤمن بصورة ما إن معظم قوى الخير هي قوى مضادة للنادي الأهلي (معظم مش كل مش عايزين نروح في داهية عيلتي كلهم أهلاوية)
غير إني مجنون بالإسكندرية و أهلها من أول بوابة الصحراوي لغاية البحر و من أول قلعة قايتباي لغاية أبو قير و أول طريق رشيد الإسكندرية دي أكتر من مجرد مدينة و رغم إن حبي للقاهرة و حبي للإسكندرية متساويين في الدرجة لك حبي للقاهرة زي ما إنت قولتي غير مسبب زي ما الواحد يحب جدته بكر براءة طفولية كده و خلاص لكن حبي للإسكندرية باحس إنه حب أنا إخترته
و برضه في حاجة أنا برضه ماقولتهاش أوي عن إسم يحيى هو على إسم يوحنا المعمدان و ده مخليني أدور على كل اللوح المرسومة عنه

بجد شكرا يا نسرين على الإحساس الجميل



Nsreen Bsunee says:

يحيى
مش لاقيه ولا كلمه اقولها
بس انت والله تستحق اكتر من كده
ولو كنت انا خليتك تكتب فى صفحتك الداخليه شئ كويس فا انا كده اقدر اعتبر نفسى حققت حاجه السنه دى
مستنه
انت قلت راجع
ومنه لله شوبيناور



Nsreen Bsunee says:

يحيى
فعلا كان اول تعليق على بوست تاثير الفراشه وصحيح العلاقات الانسانيه تستلزم اكتر من الاشتراك فى حب الاشياء لكن ده ميمنعش ان الفضاء التدوينى خلق نوع مختلف وجميل من العلاقات الانسانيه
وبجد شكرا تانى



مصطفى اسماعيل says:

هى لوحات بيكاسو بقت حاجة حلوة
دى من خطايا يحيى اللى مش هغفرهالو

كفاية التخنيقة دى
ومش هقول بحب يحيى ازاى

هو عارف

بوست جميل جداااا



Ragi says:

غريب ان الاسكندرانيه يكون فيهم زمالكاوية انا اعرف ان الاسكندرانية اما اتحاد واما اهلوية
حتى اسألى جمال الدولى :)) ياترى تعرفى مين جمال الدولى؟



Nsreen Bsunee says:

مصطفى
انت اول مره تنورنى يعنى اكتب كل يوم بوست عن يحيى عشان تيجى ولا ايه

لا لوحه الحلم بجد حلوه

وانا حاسه انكم غاليين عند بعض اوى

ربنا يخليكم لبعض

تحياتى يا مصطفى



Nsreen Bsunee says:

استاذ راجى
فعلا الزملكاويه قله فى الاسكندريه
مش لازم البلد كلها تبقى محو اميه
لازم شويه مثقفين
والقهاوى ياما بتلم
🙂
بس انا باحب الاتحاد لان والدى اتحداوى جدا ابن عم ابى يبقى كابتن عادل البابلى شخصيا
وطبعا اعرف جمال الدولى
ده ناقص يتعملو مقام سيدى الدولى
تحياتى استاذ راجى



MerMaid says:

كلامك جميل قوي

كفاية فيض الحب و الاعتراف بالجميل اللي فيه

مش عاقدر اعلق لاني لا اعلم معظم الشخصيات اللي كتبتي عنهم

كل سنة وانتي بخير

:)))



alexandrany says:

nsreen
اولا اناباعتذر لك عن التعليق المتاخر ده

ثانيا
اديكي بتعترفي بفضل يحيي اهوه
عشان تعرفي مهندسين الاتصالات بيعملوا ايه في البني ادمين

ثالثا
التعليق ده مش ليكي ده للأستاذ راجي
بما ان حضرتك الوحيد اللي ممكن يفلت من لسان نسرين
فبطلب من حضرتك انك تكتب تعليق تكتب فيه لنسرين هنا
تكتبلها ” الأهلي فوق الجمييييييييييع”
فاهمني طبعا يا أستاذ راجي

رابعاً:
ميرسي كتير ليكي يا نسرين على الاغنيه
بجد انا لسه مش عارف اقولك ايه

خامسا:
كل سنة وانتي طيبة
وتيجي مصر بالسلامة ان شاء الله



M@@@@H says:

اكيد كل سنة بتعدي فيها الحلو والوحش
بس صراحة وعلى معظم الناس .. كل سنة بتبقى اوحش من اللي قبلها .. او يهيأ لنا كذلك

اكيد كل واحد ادرى بنفسه وايه اللي يسعده
والنصيحة الوحيدة اللي اقدر اديهالك .. سيبيكي من الزمالك .. علشان تخلصي من هم مش حيسيبك طول حياتك .. ههههه

بهزر طبعا

تقبلي تحيتي



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: