Nisreen85’s Blog











{December 25, 2007}   كل سنه وانا000مش انا

انهارده باكمل 22 سنه بالتمام

مش فرحانه

بس حاسه انى كبرت

كبرت اوى

ومحققتش اى شئ كنت فاكره انى حاكون محققاه فى السن ده

باكمل 22 سنه وباستقبل سنه جديده نفسى تكون افضل من 2007 اللى كانت سنه سوده على دماغى

هى تقريبا السنه اللى بعد التخرج بتبقى كده عند كل الناس

المهم انى مش حاحتفل السنه دى بمولد سيادتى السعيد

ومش حاولع ولا شمعه

بس احتمال اولع فى نفسى


appy says:

ميرسى ليك على دخولك مدونتى ويارب يسترها معاكم كلكم فى الغربة
وكل سنه وانتى طيبه وجميله ورقيقه كده زى ما انتى



Nsreen Bsunee says:

آبى
نورتينى
تعليقيك جميل زيك وباشكرك على الدعوه الجميله
الستر
لي ولكى باذن الله
تحياتى



Sara Swidan says:

بصي .. قبل ما أقرا أي حاجة ..

الصوَّر عندك حساسة جداً .. حاولي إنت اللي تلقطي صور و تحطيها

حجيلك تاني قريب .. بس عشان عندي امتحان



عبدالرحمن فارس says:

كل سنه وانتي طيبه يا نسرين

عيد ميلاد سعيد ويارب السنه دي احسن من الي قبلها العمر كله وعقبال 101 سنه

ولو انتي كبرتي عشان 22 سنه يبقى انا اكون ايه عجوز بقى

ونولعلك احنا الشمعه بدل متولعي في نفسك

وسنه حلوه يا جميل

طفوا الشمع هووووووووف



اسكندراني اوي says:

كل سنه وانتي طيبه وعقبال ميت سنه

بعد الشر عليكي من الولعه

يلا شدي حيلك وحققي اللي انتي عاوزاه بسسسسسسرعه عشان السنه الجايه وفي نفس الميعاد تكوني فخوره باللي عملتيه



DantY ElMasrY says:

كل سنة وانتى طيبة



Nsreen Bsunee says:

ساره
تصوير فوتوغرافى
مممممممممممم
فكرت فى الموضوع ده كتير بس محاولتش
مستنياكى بعد الامتحانات
وبالتوفيق



Nsreen Bsunee says:

عبدالرحمن
لا يا راجل انت مش عجوز ولا حاجه
بس الشباب شباب القلب وانا قلبى حساه عجوز
وايه 101 ديه تف من بقك
نورتنى



Nsreen Bsunee says:

اسكندرانى
حاحاول و يارب 2008 تبقى خير على كل مصر وامه الاسلام باذن الله
تحياتى



فؤاده says:

ايه يا بنتي ده بس
كبرتي ايه وحاجات محققتيهاش ايه
انتي لسه طفله صغيرة
وبعدين احنا فوتنيلاك الموضوع الاخير بتاع لحظات كثيرة ملئها الحزن وقلنا ماشي من غير اسئله
بس الموضوع ده بقى عايزين نعرف السنة اللي فاتت مكانتش سنة حلوة ليه ،وايه اللي ممكن يكون حصل عشان تولعي في نفسك
على العموم يا رب السنة الجاية زي انهارده يكون البوست فيه فرحة وسعاده اكتر من ده
وكل سنة وانتي طيبة



Nsreen Bsunee says:

ناااااااائل
ده ايه النور ده اخيرا اتعطفت عليه وجيت القيت نظره
انت عاوزنى اجاوب ع الاسئله دى هنا
ايه الفضايح دى
متغطسش تانى



يا مراكبي says:

حلوة القفشة اللي في الآخر دي .. عجبتني

وزيها برضه في البوست اللي فات .. الزهايمر

كل سنة وإنتي طيبة .. وعقبال كل سنة

ههههههه



ست ابوها says:

انا عاوزة اقولك انت سبقتينى وكملتى 22 وعقبال 200سنة
انا قدامى 3 شهور ان شاء الله واكملهم
وعندى نفس احساسك بالظبط
وحاسةان كل احلامى وقفت ومش عارفةاعمل ايه



M@@@@H says:

كل سنة وانتي طيبة .. وتفائلي خير .. حتيجي سنة حيكون فيها الاحتفال بعيد الميلاد احلى ما يكون .. انشالله سنة واحدة بس احنا مش طماعين



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: