Nisreen85’s Blog











{December 25, 2007}   اسكندريه00ليه00ليه00ليه

لسه دلوقتى حالا على برنامج 90 دقيقه كان معتز الدمرداش بيكلم على حادثه سقوط عماره لوران
سيده تحدثت للبرنامج اسمها سهير بحر
قالت انها فقدت 3 لفراد من اسرتها
زوجه اخوها
وبناته الاتنين 26 سنه والبنت الصغيره 22سنه
وهى دى كل اسره اخوها
يعنى اخوها فقد كل اسرته
وبنتين فى سن الجواز
راحو
مش مشكله احنا اتعودنا ع المصايب س المهزله بقى فى الاستاذ محافظ الاسكندريه
عادل زفت لبيب
معتز الدمرداش كلمه
بيقوله ايه بقى ان الناس السكان كان المفروض ينفذو قرار الترميم
ما هو بروح اهله السكان مستاجرين يعنى لا فيه ملاك ولا اتحاد ملاك
فين صاحب العماره
صاحبه العماره عايشه فى الكويت
وطبعا ارض فى لوران تجيبلها شئ وشويات
فا الحلوه الاموره بعتت عمال يكسرو شقتها
وطبعا كسرو العواميد
واضح جدا المسؤؤليه تقع على مين
على بنت الكلب اللى فى الكويت
تتيجى بقى تقول لعادل زفت لبيب المسؤوليه بتاعه مين يقولك السكان اللى مرمموش
طيب الاحياء والمجالس المحليه عندك فيها فساد ادارى
يقولك الفساد فى كل العالم
يعنى ايه الفساد فى كل العالم عاوزه افهم
هو انت بروح اهلك محافظ كل العالم
انت محافظ اسكندريه

تتيجى بقى تتقل عليه فى الاسئله يروح ملقحلك المسؤوليه على المحافظ السابق

اللى هو وزير دلوقتى

يعنى كله بيلقح المسؤوليه على كله

والارض للمالك حتبيعها وترجع الكويت
وتم انتشال خمس جثث بالامس

و سبع جثث اليوم

المجموع حتى الان اتناشر جثه

ومازال تحت الانقاض عشرات الجثث
وحيتنسى الموضوع

زى ما بننسى دايما

والمسؤوليه لا تقع على احد

تقع على الجثث التى دفنت نفسها تحت الانقاض

وكله برئ المحافظ

ومالك العقار

و رئيس الحى

والكل ايده نضيفه

وشكرا 2007

ختامها00زى وشها

وفيه سؤال فارسنى

فين تصريحات مبارك ولا الحزب الواطى نى
ولا يمكن الرئيس بيحتفل باعياد الميلاد مع ساركوزى وصديقته بالاقصر
وبعد كده طبعا لازم يطلعو على شرم الشيخ عدل واجب الضيافه بقى
احييييييييييييييييييييييييييييييييييييييييييييييييييييييييييي
غطونى و سوطو

Advertisements


أنا إنسان says:

الحمد لله ان انا اول كومنت…

أخلاقنا…اسلامنا
إيمانا منا بأن حال العالم …لم ولن ينصلح… إلا بالاسلام
وإيمانا منا بأن اسلامنا…لم ولن ينصلح …إلا باأخلاق
اتفقنا…أو وفق الله بيننا …لتكوين أول حملة للأخلاق…لتحقيقها…والسمو بها…والعمل بها بإذن الله
……………..
من نحن
مجموعة من الشباب …أهمهم حال أمتنا…وعروبتنا…وأوطاننا
فوفق الله بينناعلى الإجتماع على هذه الحملة…ولنطلقها حتى تصل إلى عنان السماء…علها تشفع لنا يوم القيامة
وبإذن الله … سوف نعلن في البوست القادم عن المدونات والمواقع التي تدعم هذه الحملة
ومن أراد المشاركة…فعليه أن يكتباسم مدونته أو موقعه…أو تي إيميله في خانة التعليق…وسنتابعكم بالصور والمقالات القادمة بإذن الله
والله تعالى هو ولي ذلك ومولاه

تابعونا… ايدونا…شاركونا
وشكرا علي تأيدك لنا يا أستاذ أحمد



appy says:

ايه يا حبيبتى البقاء لله
طيب الناس تعمل ايه تشيل هى المسئوليه هو ايه نسيب الشماعه فاضيه لازم نعلق غلطنا على غيرنا بس بجد انا من زمان اسمع ان المحافظ ده جامد وكويس والله وعمل الكتير فى اسكندريه معلش بقى غلطه بلاش ندبحه كده على طول له الكتير الكويس بلاش قلبك يبقى اسود يا وليه كده



ا بـن عــمــر says:

حسبنا الله ونعم الوكيل فى مبارك والحكومة
والحزب الوطنى
وفى كل ظالم
وفاسد ومستبد
*****
ولكن المشؤلية علينا كلنا
عندما وقفنا نتفرج
على ما تفعلة الحكومة
**********
فلنقف صفا واحد تجاه هذا الظلم ونقول لا لا لا لا
************
جزاكم الله خيرا على المرور



يا مراكبي says:

إيه ده .. كله شتيمة شتيمة ما فيش ضرب؟

أنا لسه حالا قايل رأيي في مدونة زميلة وأحب أنقله هو هو هنا برضه

الفساد في كل شيء مادي ومعنوي .. ولامبالاة وأنانية وتخلف لدى الأفراد .. أمور كثيرة تخص الفرد والدولة معا .. كلها تتكاتف لتجعلني أقول: صرت لا أندهش أبدا عندما تحدث كارثة ما ببلادي

بل أندهش لأنه على الرغم من هذا التردي الشامل .. فلا تزال الكوارث أقل بكثير من مستوى التردي الموجود .. إنها رحمة الله عز وجل



Nsreen Bsunee says:

appy
نورتى
لا المحافظ ده-عادل لبيب-تقريبا مالوش اى خير يذكر انا قبل ما اسافر كانت الزباله ماليه شوارع اسكندريه وفى بدايه الصيف عمل حركه متخلفه جدا جدا وحفر اسكندريه كلها واهم الشوارع الرئيسيه زى شارع خالد بن الوليد وسيدى بشر كلها وطريق الحريه اللى هو شارع ابو قير كله كله كان بيتحفر ويتسفلت وفى شهر 6 عارفه يعنى ايه شهر 6 بالنسبه لاسكندريه
المهم هو انسان مستفز جدا وشوفى تعليقاته بعد الحادثه على برنامج البيت بيتك حاجه تجيب الضغط
وحسبي الله ونعم الوكيل



Nsreen Bsunee says:

ابن عمر
شكرا على مرورك الكريم انت كمان
واحنا بنقول لالالالالالا
بس محدش بيسمع للاسف
تحياتى



Nsreen Bsunee says:

احمد يا قاضى
انا باعتذر عن الشتيمه بس كنت متعصبه اوى من كلام المحافظ يعنى شايفه الجثث عماله تطلع من تحت الانقاض والدم لسه مبردش وهو طالع على البيت بيتك يتهم السكان الى ماتو بالاهمال
بس انت كلامك فى الجون كالعاده ياقاضى
وبجد احنا نستحق اللى بيحصلنا ويمكن اكتر بس رحمه ربنا واسعه على رايك
وربنا يستر ع الايام الجايه
سلام



alexandrany says:

ازيك يا نسرين
عامله ايه؟
ما بقاش غريب علينا اننا نسمع كل يوم عن مصيبه حصلت لنا او حصلت لناس نعرفها اوحصلت حوالينا او حصلت في البلد
عادي يعني!!!!!
مش هو ده المهم
انا لسه برده بلوم علينا
اه والله باجيب اللوم علينا احنا الناس
احنا بقت عندنا لا مبالاه شنيـــــــــــــــعه بمعني الكلمه
هذه الامبالاه وصلت لحد التهاون في ارواحنا
اه والله بقينا نتهاون في حاجات ممكن تتسبب في موتنا
طبعا الموت ده مقدر ومكتوب
بس انا قصدي لما الناس كانت عارفه ان العمارة معرضه انها تقع والكلام ده من زمااااان من سنه 88
يعني لازم صاحب البيت هو اللي يدفع عشان نرمم
طب ما صاحب البيت نفسه ومنى عينه البيت يقع
يبقى احنا اللي لازم نتحرك
احنا اللي لازم ندفع
احنا اللي لازم نشوف ايه الصح ونعمله
هنفضل على طول عايشين في لامبالاه
هنفضل نقول وانا مالي
اشمعنا انا بس اللي اتكلم
ما العمارة فيها 30 ساكن غير انا بس اللي هابقى فلوططه واتكلم
لحد امتي ….لحد امتى
معلش طولت في التعليق
بس كانو كلمتين محشورين مع البرد حبيت اقولهم

ومعلش عشان بقالة مده ماجيتش
ماعرفش ان كان عيد ميلاد من يومين
كل سنة وانتي طيبه



Nsreen Bsunee says:

مصطفى
وانت بالصحه والسلامه
تحياتى



ست ابوها says:

اللهم لا اعتراض فى المحافظ وفى البلد وحكومتها مبقاش فى قيمة للبنى ادم فىالبلد دى كل يوم الواحد يقوم على نصيبة شكل ومفيش حد بيتعلم

ربنا يرم اللى راحوا فيها دا اللى اقدر اقوله وهيفضل السبب فى بطن الحكومة
لإ



M@@@@H says:

بجاحة .. لما يبقى المسئول عارف ان الناس كلها شايطة .. وبتتابع الموضوع وعاوزة تفسير مقنع وإجراء رادع للي حصل .. وتلاقيه لا يتحمل المسئولية .. امال مسئول ازاي ؟؟؟ بجاحة فعلا
للعلم .. عدد الجثث تعدى ال 21 جثة



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: