Nisreen85’s Blog











{June 5, 2007}   عايزاها ومش لقياها

اليومين دول مش عارفه مالى اكيد عدا عليكوا الاحساس ده اللى هو عايزه اقفل تليفونى وباسمع مزيكا نكد شويتين وماليش نفس اتكلم مع حد وكل ما اشوف اى موقف مؤثر او حتى مش مؤثر اعيط كل ما تحصل حاجه او حد يقوللى حاجه اعيط كانى باتلكك لنفسى عشان اعيطنى0

وانا اساسا من الناس اللى بتعيط كتير يعنى لو شفت حد بيشحت فى الشارع اعيط لو حد من صحابى عنده مشكله او حاجه مضيقاه اعيط لو ماما تعبت شويه اعيط يعنى اساسا العمليه مش ناقصه ومش مستحمله والجرعه زياده اوى اليومين دول لما خلاص مبقتش قادره0

وعماله افكر وافكر وافكر انا ايه اللى ناقصنى ايه اللى انا محتاجاه عشان اتبسط مش الانبساط الوقتى ده لأ السعاده الممتده اللى تخلينى دايما عايشه فى حاله راحه وطمانينه0

و وانا بافكر وقعت فى ايدى قصيده باحبها موت ل”محمود درويش”اسمها اجمل حب انا قريت القصيده ديه مليون مره بس المره ديه كان احساسها مختلف اوى مش عارفه ليه او عارفه ليه بس باستعبط0

اتعـــلم عينيك انـــى انتظرت طويلا

كمـــــا انتظر الصيف طائر

ونمت كنـــــوم المهاجـــر00

فعين تنام لتصحو عينا طويلا وتبكى على اختها

حبيبان نحن الى ان ينام القمر00

ونعلم ان العناق وان القبل00طعام ليالى الغزل

وان الصبح ينادى خطاى لكى تستمر

على الدرب يوما جديدا000

هو ده اللى ناقصنى وهو ده اللى انا محتجاه وعايزاه الاحساس ده الى بيتكلم عليه محمود درويش يمكن كنت محتاجاه من زمان بس مقدرتش اعترف بكده لنفسى غير دلوقتى-عشان انا جبانه-بس ادينى خلاص اعترفت اعمل ايه بقى دلوقتى0

ادور عليه ولا هو حييجى لوحده والاقى نفسى غرقانه جواه ايمانى وقناعاتى بتقوللى انه لازم ييجى لوحده بس ليه لغايه دلوقتى مجاش ليه وانا محتاجاه اوى دلوقتى وطول مانا محتاجاه كده مش حييجى ولو جه وانا مش محتاجاه مش حيكون ليه لازمه مش عارفه والله وتعبت من كتر التفكير خلاص مش عايزه افكر حاسه انى قاعده قدام جورج قرداحى و بيسالنى مين اللى اتخلق الاول الفرخه ولا البيضه وانا مش عارفه ارد وهو عمال يعيد السؤال الفرخه ولا البيضه البيضه ولا الفرخه البيضه لا الفرخه لا الفرخه لا تقريبا البيضه لالالا هي شكلها كده الفرخه0000



yasmeen says:

هاي
يمكن معرفكيش … بس سعيدة بيكي
عايزة اقولك اني زمان “مش من زمان قوي يعيني” كنت بدور عالأنتي بتدوري عليه ,,, وكنت خايفة أكبر وانا ملاقتش اللي انا عايزاه بس لاقيت واحد جميلجدا قالي حكمة ” قالي أيه بقي”متدوريش عالأحساس ده لأنه مش بيتلاقي دا بيتوجد جواكي من نفسه .. متشغليش بالك حتلاقيه ” الأنسان دا أختفي وكنت بتمني الاقي عنده كل حاجة لكنه راح مع السنين زي ماراحو ومن ساعتها عشت الدنيا زي ما هي من غير مدور علي أي حاجة … و فعلا بعد كدةو لاقيت كل حاجة جايه من جوايا لوحدها .. ولاقيت الحب جاي لوحدة من حيث لا أدري ولا أحتسب…
يا رب تلاقي كل حاجة حلوه



مصرى says:

نسرين طالما وصلتي للحالة تبقي إنسانة بجد لأني مقتنع إن في فرق بين البشر و الإنسان
لكن إنت كده إنسانة فعلا
و هاتلاقي الي إنت عايزاه أنا متأكد من كده

تحياتي



فؤاده says:

عادي خالص يا نسرين
ناس كتير (وانا منهم طبعا )بيدورو عليه

بس المشكله ان اللي مايتسماش ده مينفعش حد يدور عليه
ده بييجي بمزاجه
ويا رب تلاقي كل اللي بتدوري عليه
او هو يتعطف عليكي ويرضى عنك ويجيلك



Nsreen Bsunee says:

ياسمين
نورتينى
بصى بقى كلامك ده على قد ما هو حلو ومريح على قد ما هو بيوصل لسؤال تانى طيب انا لو لقيته وضاع منى احساسى حيبقى عامل ازاى يعنى يبقى الاحسن انى ملاقيهوش ومحسوش لان الم فقدانه حيبقى اكبر بكتير من الم البحث عنه؟
رايك يهمنى
تحياتى



Nsreen Bsunee says:

يحيى
ازيك
بس تعرف يا يحيى ان الانسانيه احساس مؤلم اوى يعنى من ساعه ما حسيت بانسانيتى وانا تعبانه اوى حاسه بكل حاجه مؤلمه حولايه حاسه بكل الناس التعبانه و المقهوره وده احساس بيكلنى بياكل فى اعصابى
تحياتى



Nsreen Bsunee says:

نائل
يارب تكون بخير يا رمز
بما انك بتدور عليه زى حلاتى والنبى لو لقيته قبلى او اتكعبلت فيه ابقى اوصفهوللى و قوللى اذا كان احساس مريح ولا وجع قلب زى ما بيقولو
تحياتى



yasmeen says:

اللي أقدر أقولو لك انك يوم ما تحسي الأحساس الصح مع الشخص الصح أوعي تتنذلي و لو حصل أيه خلكي قوية و ثابته …اما لو لاقيتي زي ما بتقولي و الأحساس ضاع فيبقي فيه حاجة غلط …لأن أهم شئ فالموضوع ده الاحساس …. و يا رب تلاقي كل حاجة حلوه



اسكندراني في الغربة says:

اسكندرانية و زملكاوية وبتحبي منير و فيروز
وعاوزة تلاقي الي بتدوري علية؟
اية رأيك لو بطلتي تستاني أو تدوري على الاحساس دة
وتخلي الدنيا تعملك مفاجاة .
امتا؟ ازاي؟ مع مين؟ في وقتهاولا لأ؟
كل دة حيبقى اجمل لو جة موفجعة
بالمرة بقا شكرا جدا علا موضوع احنا في زمن الاهلي
جامد جداااااااااااااااااااا



مصري بالغربة says:

ممكن سؤال هوه مين ده اللي انت بتدوري عليه

قوليلنا واحنا ندور معاكي يمكن نلاقيه



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: